ꓢꓴ ꓟꓵꓽ ꓢꓴ ꓗꓴꓷꓼ ꓗꓪ ꓐꓰ ꓛꓵꓽ ꓥꓪꓸ ꓔꓸ ꓟ ꓒꓴ ꓬꓲꓸ ꓐꓵꓽ ꓬꓲꓸ ꓗꓳ ꓮ ꓙꓵꓽ ꓕꓽ ꓝꓱꓹ ꓢꓰꓽ ꓐꓰ ꓟꓬ-ꓟ ꓶ ꓡꓯꓼ ꓗꓳ-ꓑꓶ-ꓠꓰ ꓐꓴ ꓔꓯ ꓟꓬ-ꓟ ꓒꓴ ꓞꓳꓽ ꓦꓲ ꓚꓰꓺ ꓗꓪ ꓐꓰ 2022 ꓘꓳꓼ 7 ꓦ 13 ꓠꓬꓲ ꓕꓯꓽ ꓕꓵꓼ ꓪ ꓕꓳꓽ ꓶ ꓓꓳ ꓩꓴ ꓡ ꓡꓳ꓿
“ꓶ ꓡꓯꓼ ꓝꓱꓹ ꓟꓽ ꓘꓴ ꓬꓰˍ ꓟ ꓠꓬ ꓗꓴꓷꓼ ꓪꓴꓽ ꓡˍ ꓟ ꓢꓷ ꓡꓰ ꓓꓴ ꓟꓽ ꓥ꓿ ꓮ ꓡꓲ ꓟ ꓠꓰ ꓖꓶꓽ ꓟꓽ ꓛꓵꓽ ꓖꓶ ꓡ꓿ ꓗꓴꓷꓼ ꓠꓬ ꓳꓸ ꓔꓲꓸ ꓠꓬꓲꓽ ꓗꓯ ꓙꓰ ꓬꓰ ꓔꓬꓳ꓿” ꓐꓰ ꓐꓶꓽ ꓗꓴꓷꓼ ꓗꓪ ꓝꓸ ꓢꓲꓸ ꓶ ꓡꓯꓼ ꓬꓰ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓕꓵꓼ ꓪ ꓕꓳ ꓶ ꓗꓪ ꓚꓲꓸ ꓛꓬ ꓒꓴ ꓛꓵꓽ ꓔꓸ ꓢꓴ ꓔꓯ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓖꓪ ꓙꓱ ꓡꓯ ꓘꓳ ꓠꓹ ꓟ ꓐꓯ ꓔꓸ ꓡꓳ꓿ ꓖꓳ ꓟ ꓑꓶꓸ ꓓꓴ ꓶ ꓡꓯꓼ ꓬꓰ ꓢꓴ ꓐꓴ ꓪꓴꓸ ꓓꓵ ꓠꓻ ꓔꓬ ꓡꓳ꓿
“ꓬꓲꓸ ꓠꓰ (ꓟꓯꓼ ꓗꓳ-ꓢꓰ) ꓖꓪ ꓙꓱ ꓓꓳ ꓬꓰꓳ ꓐꓯꓸ ꓥꓳ ꓐꓯ ꓠꓽ ꓠꓰ ꓕꓲꓽ ꓫꓵꓽ꓿ ꓮ ꓟꓶ ꓠꓽ ꓮ ꓡꓲ ꓢꓲꓸ ꓖꓪ ꓙꓱ꓿ ꓠꓴ ꓔꓯ ꓒꓴ ꓟꓽ ꓝꓱꓹ ꓐꓯ ꓠꓰ ꓮ ꓡꓲ ꓐꓯ?” ꓐꓰ ꓟꓵꓽ ꓘꓶꓽ ꓗꓪ ꓶ ꓤ ꓚꓰꓹ ꓪꓴꓽ ꓔꓬ ꓢꓴ ꓕꓲꓽ ꓣꓳ ꓡꓰ ꓐꓯ ꓡꓳ꓿
ꓢꓴ ꓗꓴꓷꓼ ꓗꓪ ꓖꓶꓽ ꓠ ꓗꓹ ꓟ ꓙꓶ ꓔꓸ ꓟ ꓶ ꓡꓯꓼ ꓮ ꓙꓵꓽ ꓝꓱꓹ ꓟꓽ ꓓ ꓐꓰ ꓕꓵꓼ ꓪ ꓓꓳ ꓩꓴ ꓡ ꓟ ꓠꓬ ꓓꓳ-ꓡ ꓒꓴ ꓔꓯ ꓑ ꓫꓬ ꓐꓴ ꓡꓯ ꓒꓯꓹ ꓗꓪ ꓫꓺ ꓣꓱꓽ ꓟꓽ ꓓ ꓐꓯ ꓢꓲꓸ ꓕꓵꓼ ꓪ ꓓꓳ ꓡ ꓗꓸ ꓠꓯꓸ ꓕꓲꓽ ꓝꓸ ꓬꓰ ꓩꓴ ꓡ ꓟ ꓥ ꓡꓳ꓿
