ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓦꓴ ꓙꓰ ꓟ ꓢꓴ-ꓓ ꓗꓴꓷꓼ ꓗꓪ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓬꓰ ꓢꓴ ꓐꓴ ꓚꓓꓟ – ꓙꓵꓽ ꓢꓴ ꓔꓯ ꓑ ꓫꓬ ꓠꓲꓹ ꓟ ꓲꓼ꓾ ꓛꓳ ꓠꓲꓹ ꓟꓽ ꓫꓵ ꓟ ꓚꓱꓹ ꓪꓴꓸ ꓔꓴ ꓔꓬ ꓡꓳ꓿
ꓗ-ꓔꓳ (Khartoum) ꓡꓳ ꓒꓱ ꓗꓪ ꓠꓬꓹ ꓠꓬꓹ ꓢꓲꓸ ꓑ ꓫꓬ ꓠꓲꓹ ꓡꓶꓽ ꓟꓳꓸ ꓖꓶ ꓟ ꓜꓲꓼ ꓓꓴ ꓗꓪ 87 ꓣꓳ ꓔꓯ ꓟꓯꓼ ꓡꓰ ꓣꓴ ꓧꓳꓽ ꓙꓰꓳ꓿ Medani, Nyala နꓡꓐꓰ Atbara ꓡꓳ ꓒꓱ ꓗꓪ ꓟꓲ ꓢꓴꓺ ꓔꓴ ꓔꓬ ꓡꓳ꓿
2021 ꓘꓳꓼ 10 ꓦ 25 ꓠꓬꓲ ꓗꓪ ꓟꓯꓼ ꓡꓰ ꓙꓵꓽ ꓪ ꓣꓴ ꓙꓰ ꓟ ꓕꓲ ꓠꓬꓲ ꓗꓪ ꓐꓰ ꓩꓴꓸ ꓥ ꓟꓲ ꓙꓲ ꓙꓲ ꓕꓱ ꓡꓯ ꓘꓳ ꓟꓽ ꓙꓲ ꓗꓪ ꓛꓲ ꓐꓬ ꓡꓰ ꓔꓬ ꓡꓲ ꓐꓯ ꓡꓳ꓿
2019 ꓘꓳꓼ ꓗꓪ Omar al-Bashir ꓡꓰ ꓧꓳꓽ ꓪꓴꓸ ꓟꓴ ꓟ ꓗꓴꓷꓼ ꓙꓵꓽ ꓜꓴ ꓔꓯ ꓧꓪꓸ ꓡꓰ ꓟ ꓢꓴ-ꓓ ꓢꓷꓸ ꓠꓲꓹ ꓙꓳ ꓒ ꓜꓴ (ꓢꓑꓮ) ꓐꓰ꓾ ꓓꓰ-ꓟꓳ-ꓗꓯ-ꓢꓰ ꓟꓶ ꓠꓲꓹ ꓫꓵ ꓟ ꓑ ꓫꓬ ꓜꓴ ꓐꓴ ꓡꓰ ꓮ ꓟꓶ ꓙꓵꓽ ꓪ ꓦꓴ ꓟꓯꓼ ꓔꓯ ꓒꓳꓹ ꓔꓳꓹ ꓔꓬ ꓡꓳ꓿
ꓢꓴ-ꓓ ꓟꓯꓼ ꓐꓴ ꓗꓴꓷꓼ ꓟꓬꓱꓽ ꓚꓱꓹ ꓗꓪ ꓐꓰ ꓟꓽ ꓓꓳ ꓙꓰ ꓠꓬ ꓡ ꓠꓹ ꓟ 1 ꓦ 13 ꓠꓬꓲ ꓗꓪ ꓒꓳꓹ ꓔꓳꓹ ꓓꓴ ꓓꓽ ꓟ ꓬꓰ ꓓꓴ ꓥꓳ꓾ ꓮ ꓫꓵꓽ ꓖꓪ ꓙꓱ ꓓꓴ ꓟꓽ ꓙꓳ꓾ ꓐꓰ ꓟꓯꓼ ꓔꓯ ꓒꓳꓹ ꓔꓳꓹ ꓢꓴ ꓐꓴ ꓡꓰ ꓐꓯ ꓡꓳ꓿
