(ꓐꓳ ꓟꓽ ꓜꓳ ꓟ ꓠꓴ ꓟꓳ_ ꓠꓬ ꓚꓳꓟꓟꓰꓠꓔ ꓗꓪ ꓫꓬꓹ ꓔꓱꓹ ꓘꓶꓽ ꓐꓳ ꓙ ꓡꓯ= ꓣꓳ ꓫꓸ ꓕꓱ ꓔꓬ ꓟ ꓫꓸ ꓪ ꓘꓶꓽ ꓞꓲꓼ ꓤ ꓡꓯꓹ ꓤ ꓗꓪ ꓛꓲ ꓟꓽ ꓟꓶꓽ ꓡꓰ ꓠꓹ ꓟ ꓐꓳ ꓚꓲꓸ ꓢꓯꓼ ꓕꓵꓼ ꓔꓸꓟ ꓥ ꓡꓳ= ꓫꓸ ꓟꓳ ꓪ)
(16) ꓟꓼ ꓠꓻ ꓫꓵꓳ = ꓓꓵꓽ ꓙ ꓟꓽ ꓗꓴꓸ ꓮ’ ꓬꓰꓳ/ꓙꓵꓻ ꓟꓽ ꓐ ꓡ/ꓬꓲꓸ ꓔꓱꓹ ꓕꓲ ꓫꓵꓽ unbelievable/ unnatural
ꓠꓴ ꓙꓲ ꓒꓶꓽ ꓓꓳ_ ꓓꓴ ꓟ ꓖꓶ ꓖꓯ ꓦꓯꓹ ꓑꓶꓼ ꓘꓴ ꓗꓪ ꓮ ꓙꓬ ꓕꓲꓽ ꓩꓴ_ ꓪ ꓡꓰ ꓔꓲꓸ ꓥꓳ= ꓟꓼ ꓠꓻ ꓫꓵꓳ ꓟꓽ=
ꓮ-ꓥꓰ ꓠꓴ ꓖꓶ ꓐꓯ ꓞꓲꓽ ꓟ ꓕꓲ ꓠꓬꓲ 7 ꓜꓲ ꓛꓶꓸꓳ ꓫꓵꓽ ꓠꓽ ꓚꓹ ꓖꓶ ꓚꓹ ꓟꓽ ꓗꓴꓸ ꓬꓰꓳ ꓟꓽ= ꓟꓼ ꓠꓻ ꓫꓵꓳ ꓟꓽ=
(17) ꓠꓲꓺ ꓖꓴ ꓡꓲꓼ = ꓕꓲ ꓠꓬꓲ ꓘꓴꓽ ꓗꓪ ꓙꓰ ꓢꓲꓸ ꓡꓽ ꓡ_ ꓟ/ going a day return trip
ꓧꓶꓸ ꓕꓯ ꓖ-ꓟꓶ-ꓓꓰ ꓟꓶ-ꓚꓲ-ꓠ ꓙ ꓖꓴ ꓠꓽ ꓕꓲ ꓫꓵꓽ ꓠꓽ ꓙ ꓖꓴ ꓥꓳ ꓫꓵꓽ꓾ ꓮ ꓟꓶ ꓠꓽ ꓠꓲ ꓖꓴ ꓡꓲꓼ ꓓ ꓬꓰꓳ ꓟꓽ=
(18) ꓫꓸ ꓓꓲꓼ ꓬꓰꓳ = ꓫꓸ ꓥꓳꓽ ꓫꓸ ꓚꓱꓹ ꓟꓽ ꓜꓯꓼ ꓗꓷ ꓡꓰ ꓟ/ poorest/ most adversity/ misfortune
ꓧꓶ ꓛꓰꓹ ꓧꓶ ꓟꓽ ꓟꓳ꓾ ꓮ ꓫꓵꓽ ꓕꓲ ꓫꓵꓽ ꓖꓳꓻ ꓓꓴ ꓟꓽ ꓙꓳ꓾ ꓮ ꓫꓵꓽ ꓟꓶꓼ ꓡꓯꓼ ꓜꓽ ꓓꓴ ꓟꓽ ꓙꓳ ꓫꓸ ꓓꓲꓼ ꓬꓰꓳ ꓟꓽ=
(19) ꓢꓲꓹ ꓡꓲꓼ ꓢꓽ = ꓬꓲꓸ ꓢꓲꓺ ꓒ ꓙꓳ ꓟ ꓢꓷꓸ ꓡꓰ ꓓꓴ ꓢꓲꓹ ꓗꓸ ꓛꓶ ꓢꓲꓸ ꓞꓳꓹ ꓔꓸ ꓟ/ marking that someone owns something in the jungle
ꓟꓲꓸ ꓟꓲ ꓠꓽ ꓙꓬꓽ ꓔꓴ ꓕꓲ ꓦꓲ ꓟꓳꓻ ꓢꓲ꓾ ꓢꓲꓹ ꓡꓲꓼ ꓢꓽ ꓒꓰꓹꓳ ꓟꓽ= ꓙꓬ ꓟꓵ ꓙꓴꓽ ꓙꓴꓽ ꓗꓹ ꓛꓲ ꓠꓲ ꓟꓽ ꓓꓻꓳ=
(20) ꓢꓸ ꓢꓯ = ꓗꓸ ꓚꓵ ꓔꓶ ꓢꓴ/ witness
ꓠꓬꓲꓽ ꓟ ꓡꓽ ꓞꓳ ꓫꓵꓽ ꓪꓴ ꓗꓪ ꓠꓽ ꓢꓸ ꓢꓯ ꓒꓽ ꓟ ꓢꓲꓸ ꓫꓸ ꓔꓳ ꓡ ꓚꓰꓼꓳ ꓫꓵꓽ ꓥ ꓐꓶ= ꓬꓲꓸ ꓪ ꓠꓲꓹ ꓢꓲꓼ ꓕꓲ ꓑꓹ ꓠꓽ ꓣꓳ ꓔꓯ ꓢꓸ ꓢꓯ ꓦꓰꓼ ꓝꓲ ꓡ ꓢꓲ꓾ ꓬꓲꓸ ꓪ ꓪꓽ ꓡꓯ ꓘꓳ ꓙꓰ ꓕꓽ ꓣꓳ ꓠꓽ ꓟꓽ ꓛꓱꓼ ꓢꓴ ꓡꓰ ꓗꓷ ꓬꓰ ꓡ ꓚꓰꓼ ꓥ=
ꓮ-ꓒꓴ ꓖꓶ ꓢꓸ ꓢꓯ ꓦꓰꓼ ꓠ ꓗ ꓬꓰꓳ ꓙꓳꓽ=
(21) ꓑꓳꓻ ꓒꓲꓺ = ꓢꓳꓹ ꓢꓯꓹ/ ꓤ ꓘꓹ ꓡꓹ ꓞꓶꓼ/ overactive
ꓮ ꓠꓯꓺ꓾ ꓙꓬ-ꓒꓴ ꓤꓽ ꓟ ꓑꓳ ꓒꓲ ꓗꓹ ꓓꓴ ꓟ ꓠꓽ ꓮ ꓫꓵꓽ ꓥꓳ ꓖꓶ ꓟꓽ ꓚꓰꓼ ꓟꓳꓻ= ꓟꓽ ꓠꓶ ꓠ ꓔꓸ ꓓꓴ ꓟ ꓮ ꓙꓵꓽ ꓠꓶ ꓗꓷ ꓪ= ꓞꓳ ꓟꓳꓽ ꓔꓯ ꓡꓲꓸ ꓐꓽ ꓔ ꓕꓸ ꓕꓸ ꓫꓶꓹ ꓩꓴ ꓗꓷ ꓪ= ꓔꓸ ꓟꓼ ꓠꓻꓳ ꓟꓽ=
(22) ꓮ’ ꓛꓵꓽ ꓬꓰ ꓡ = ꓓꓵꓽ ꓙ ꓮ’ / ꓓꓵꓽ ꓙ ꓟꓶ ꓬꓰꓳ/ surprised/ wondered
ꓮ ꓠꓯ ꓠꓴ ꓔꓯ ꓖꓶ꓾ ꓮ’ ꓛꓵꓽ ꓬꓰ ꓡꓹ= ꓠꓴ ꓳꓸ ꓟ ꓔꓯ ꓠꓵ ꓘꓴꓽ ꓠꓬꓹ ꓐꓶ ꓢꓲꓸ=
ꓠꓴ ꓫꓶꓹ ꓟ ꓖꓶ ꓬꓼ ꓠꓬꓽ ꓜꓲꓹꓽ= ꓮ’ ꓛꓵꓽ ꓬꓰ ꓡ=
(23) ꓠꓬꓹ ꓟꓽ ꓙꓻ = ꓡꓯꓼ ꓟꓽ ꓕꓱꓼ/ ꓡꓯꓼ ꓟꓽ ꓖꓪꓽ/ ꓟꓬꓱꓽ ꓮ ꓘꓶꓸ ꓙꓳ ꓟ/ not free/ so busy
ꓜꓻ ꓓꓶꓽ ꓜꓻ ꓫꓺ ꓝꓲꓸ ꓟ ꓗꓪ ꓠꓽ ꓕꓲ ꓣꓳ ꓡꓰꓸ ꓠꓬꓹ ꓟꓽ ꓙ ꓔꓲꓸ ꓥꓳ ꓟꓽ=
ꓠꓴ ꓪ ꓜꓴ ꓖꓶ ꓜꓻ ꓮ ꓕꓽ ꓟꓽ ꓫꓺ꓾ ꓡꓸ ꓛꓲꓸ ꓮ ꓕꓽ ꓟꓽ ꓓꓶꓽ ꓠꓬꓹ ꓟꓽ ꓙ ꓬꓰꓳ ꓟꓽ=
(24) ꓮ ꓚꓲꓺ ꓛꓲꓽ = ꓬꓲꓸ ꓝꓲꓸ ꓬꓲꓸ ꓙꓵꓹ ꓓꓽ ꓟ/ in season/ right time
ꓕꓱ ꓕꓲ ꓝꓲꓸ ꓠꓽ ꓜꓻ ꓟ ꓮ ꓚꓲ ꓛꓲꓽ ꓶꓼ ꓫꓺ ꓙꓵꓹ ꓟ ꓥꓳ=
ꓡꓯ ꓒꓯꓹ ꓝꓸ ꓐꓳꓸ ꓟ ꓢ ꓘꓪ 12 ꓙꓵꓹ ꓗꓪ ꓡꓲꓸ ꓟꓴ ꓖꓪ ꓖꓪ ꓓꓴ ꓟ꓾ ꓛ ꓛ ꓗꓼ ꓓꓴ ꓟ ꓮ ꓚꓲ ꓛꓲꓽ ꓬꓰ ꓠꓬꓹ ꓢꓲꓽꓺ ꓟꓽ=
(25) ꓕꓳꓹ ꓕꓳꓹ ꓠꓶꓼ ꓠꓶꓼ = ꓜꓲ ꓜꓲ ꓟꓴ ꓟꓴ/ detail/thoroughly/ properly
ꓮ ꓫꓵꓽ ꓬꓰ ꓖꓶ ꓕꓳꓹ ꓕꓳꓹ ꓠꓶꓼ ꓠꓶꓼ ꓢꓳ ꓢꓲꓸ ꓬꓰ=
ꓡꓲ-ꓢꓴ ꓕꓳ ꓶ ꓐꓑꓒ ꓢꓳ ꓓꓳ ꓕꓽ ꓓꓻꓳ ꓙꓽ ꓟꓶ_ ꓓꓴ ꓟ ꓟꓽ ꓥ ꓐꓶꓹ ꓟꓼ= ꓕꓳꓹ ꓕꓳꓹ ꓠꓶꓼ ꓠꓶꓼ ꓢꓳ ꓥꓳ ꓐꓯ ꓠꓽ ꓮ ꓘꓶꓸ ꓢꓳ ꓓꓴ ꓙꓳ_ ꓐꓶꓹ ꓟꓼ=
ꓧꓪ ꓜꓲꓼ ꓗꓪ ꓬꓰ ꓙ ꓢꓴ ꓐꓴ꓾ Ah Phu Dwet, Gualisar, Ngwa Zet Ah Khi
