ꓓꓳ‐ꓠꓯ ꓕ‐ꓣ ꓠꓰ ꓴꓢꓮ ꓗꓴꓷꓼ ꓦꓲ ꓒꓴ ꓒꓴ(ꓪꓧꓲꓔꓰ ꓧꓳꓴꓢꓰ) ꓗꓪ ꓙꓵꓽ ꓡꓳ. ꓢꓴ ꓢꓴ‐ꓢI‐ꓪꓮꓲꓼ ꓔꓯ ꓙꓵꓽ ꓪ ꓖꓶ ꓩꓴ꓿ ꓢꓴ‐ꓢI‐ꓪꓮꓲꓼ ꓠꓬ ꓢꓲ., ꓣꓴ ꓑꓮꓲꓽ ꓗꓪ ꓘꓪꓽ ꓫꓵꓽ ꓢꓴ(ꓟꓮꓠꓮꓖꓰꓣ) ꓠꓬꓲꓽ ꓣꓳ ꓕꓲ ꓣꓳ ꓥ ꓡꓳ꓿ ꓦꓲ ꓒꓴ ꓒꓴ (ꓪꓧꓲꓔꓰ ꓧꓳꓴꓢꓰ ) ꓗꓪ ꓟꓬꓱꓽ ꓬꓰ ꓢꓴ ꓔꓯ ꓘꓪꓽ ꓫꓵꓽ ꓙꓵꓽ ꓡꓳ. ꓢꓴ ꓠꓬ ꓴꓢꓮ ꓗꓴꓷꓼ ꓕꓲ ꓤꓶ ꓡꓱ., ꓗꓪ ꓤ ꓟꓶ ꓤ ꓔꓯ. ꓟꓬꓱꓽ ꓟꓽ ꓖꓶ ꓠꓬꓲ꓿ ꓮ ꓟꓶ ꓠꓬ ꓴꓢꓮ ꓦꓲ ꓒꓴ ꓒꓴ (ꓪꓧꓲꓔꓰ ꓧꓳꓴꓢꓰ) ꓔꓯ. ꓙꓵꓽ ꓡꓳ. ꓢꓴ ꓢꓴ‐ꓢI‐ꓪꓮꓲꓼ ꓠꓬ ꓤ ꓟꓶ ꓤ ꓬꓲ. ꓪꓴ. ꓕꓲ ꓣꓳ ꓙꓵꓽ ꓪ ꓙꓳ ꓢꓴ ꓒꓬꓱ., ꓡ ꓟ ꓥꓳ꓿
Susie Wiles
ꓢꓴ‐ꓢI‐ꓪ‐ꓪꓮꓲꓼ ꓠꓬ ꓬꓲ. ꓞꓲꓼ 67 ꓘꓳꓼ ꓙꓳ ꓢꓴ ꓥ ꓢꓲ. 32 ꓣꓳ ꓟ ꓦꓲ ꓒꓴ ꓒꓴ(ꓪꓧꓲꓔꓰ ꓧꓳꓴꓢꓰ) ꓔꓯ. ꓙꓵꓽ ꓢꓴ (ꓘꓪꓽ ꓫꓵꓽ ꓢꓴ)ꓒꓬꓱ., ꓡ ꓟ ꓥ ꓪ꓿ ꓓꓳ‐ꓠꓯ ꓕ‐ꓣ ꓡꓰ ꓐꓯ_ ꓟ ꓠꓬ ꓬꓲ. ꓠꓬ ꓠꓲ, ꓟ ꓙꓲ ꓢꓴ꓾ ꓑꓶ. ꓢꓴ꓾ ꓟꓬꓱꓽ ꓬꓲ. ꓫꓵꓼ ꓚꓰꓼ ꓐ ꓡ ꓢꓴ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓣꓳ ꓴꓢꓮ ꓑ ꓫꓬ ꓐꓱ ꓶ ꓙꓲ_ ꓟ ꓟꓬꓱꓽ ꓮ ꓟꓬ ꓬꓰ ꓐ ꓡ ꓢꓴ ꓥꓳ ꓐꓰ ꓐꓯ_ ꓡꓳ꓿
ꓮ ꓟꓶ ꓠꓬ ꓓꓳ‐ꓠꓯ ꓕ‐ꓣ ꓩ‐ꓡꓳ‐ꓬꓲ‐ꓓ ꓬꓲ ꓡꓴꓽ ꓐꓱ ꓘꓶ ꓗꓪ ꓙꓳ_ ꓟ ꓬꓲ. ꓦꓲ ꓗꓪ ꓔꓬ ꓢꓲ. ꓗꓴꓷꓼ ꓙꓵꓽ ꓢꓴ ꓔꓯ ꓢꓲ ꓣꓴ ꓙ ꓖꓶ ꓔꓬ ꓟ ꓥꓳ꓿
ꓓꓳꓽ ꓚꓰꓼ꓾ ꓣꓰꓴꓔꓰꓣꓢ
