ꓜꓽ ꓓꓴ ꓓꓳ ꓓꓴ ꓐꓰ꓾ ꓙꓼ ꓞꓶ ꓫꓸ ꓓꓰꓼ ꓬꓰ ꓡ ꓔꓬ ꓟ ꓑꓶꓸ ꓓꓴ ꓢꓲ-ꓣꓲ-ꓡꓲ-ꓖ ꓗꓴꓷꓼ ꓑ ꓫꓬ ꓐꓴ ꓠꓲꓹ ꓢꓲꓼ ꓒꓳꓹ ꓔꓳꓹ ꓡ ꓔꓬ ꓠꓬꓲ 36 ꓙꓵꓹ ꓦꓲ ꓬꓲꓸ ꓐꓽ ꓢꓲ ꓗꓪ ꓓꓳ ꓟꓽ ꓓ ꓟ ꓕꓵꓼ ꓪ ꓓꓳ ꓩꓴ ꓡ ꓡꓳ꓿
ꓟꓳ ꓓꓳ ꓔꓯ ꓮ ꓔꓳꓸ ꓛꓴ ꓔꓸ ꓟ
ꓗ-ꓩꓴꓸ (curfew) ꓕꓵꓼ ꓪ ꓕꓱ ꓟ ꓠꓬ 2022 ꓘꓳꓼ 4 ꓦ 2 ꓠꓬꓲ ꓠꓽ ꓛꓳꓼ ꓠꓬꓲ ꓟꓶ ꓘꓶꓼ 6 ꓙꓵꓹ ꓗꓪ ꓐꓰ ꓖꓳ ꓑꓳꓸ 36 ꓙꓵꓹ ꓗꓪ ꓛꓲ ꓥ ꓡꓳ꓿
“ꓕꓵꓼ ꓪ ꓕꓱ ꓟ ꓠꓬ ꓑ ꓫꓬ ꓐꓴ ꓔꓯ ꓡꓳꓸ ꓙ ꓗꓽ ꓙ ꓟˍ ꓐꓰ꓾ ꓣꓱꓽ ꓬꓯꓼ ꓔꓬ ꓟ ꓶ ꓤ ꓶ ꓟꓲ ꓧꓪ ꓢꓲꓸ ꓐꓹ ꓖꓶ ꓠꓹ ꓟ ꓥ ꓡꓳ” ꓐꓰ ꓗꓴꓷꓼ ꓙꓵꓽ ꓢꓴ ꓣ-ꓙ ꓑꓯꓼ-ꓢ (Raja Paksa) ꓡꓰꓽ ꓐꓯ ꓡꓳ꓿
ꓑ ꓫꓬ ꓘꓴ ꓔꓴ ꓒꓳꓹ ꓔꓳꓹ ꓟ ꓠꓬꓲꓽ ꓠꓬꓲ ꓬꓰ ꓩꓴ ꓡ ꓕꓯꓽ ꓗꓴꓷꓼ ꓙꓵꓽ ꓦꓲ ꓒ ꓕꓲ ꓗꓪ ꓛꓲ ꓟꓳ ꓓꓳ ꓔꓯ ꓮ ꓔꓳꓸ ꓛꓴ ꓠꓰ ꓬꓰ ꓩꓴ ꓡ ꓡꓳ꓿
ꓢꓲ-ꓣꓲ-ꓡꓲ-ꓖ ꓗꓴꓷꓼ ꓠꓬ ꓶ ꓡꓯꓼ ꓬꓰ ꓫꓸ ꓡꓰˍ ꓟ ꓗꓴꓷꓼ ꓥ ꓠꓬꓲ꓾ ꓑ ꓫꓬ ꓐꓴ ꓦꓰꓼ ꓟꓷꓼ ꓡ ꓔꓬ꓾ ꓠꓲꓹ ꓟ ꓩꓴ ꓡ ꓔꓬ ꓡꓳ꓿ ꓑ ꓫꓬ 22 ꓪꓹ ꓔꓬ ꓟ ꓢꓲ-ꓣꓲ-ꓡꓲ-ꓖ ꓗꓴꓷꓼ ꓠꓬ ꓙꓼ ꓮ ꓔꓳꓸ ꓕꓲ ꓠꓬꓲ 24 ꓙꓵꓹ ꓗꓪ 12 ꓙꓵꓹ ꓡꓲꓸ ꓟꓽ ꓟꓽ ꓓ ꓗꓪ ꓛꓲ ꓫꓸ ꓔꓬ ꓡꓳ꓿
ꓮ ꓟꓶ ꓗꓪ ꓛꓲ ꓗꓴꓷꓼ ꓙꓵꓽ ꓢꓴ ꓐꓴ ꓔꓯ ꓒꓳꓹ ꓔꓳꓹ ꓢꓴ 53 ꓣꓳ ꓔꓯ ꓟꓯꓼ ꓡꓰ ꓣꓴ ꓡꓴꓽ ꓔꓸ ꓥ ꓟꓲ꓾ ꓡꓳ ꓒꓱ ꓓꓽ ꓟ ꓗꓪ ꓐꓰ ꓡꓳ ꓒꓱꓻ ꓘꓹ ꓤꓽ ꓗꓪ ꓛꓲ ꓢꓴ ꓔꓴ ꓓꓴ ꓡꓯꓽ ꓫꓵ ꓙꓳ ꓡ ꓔꓬ ꓡꓳ꓿
