ꓠꓬꓲꓸ ꓠꓬꓲ 2022 ꓘꓳꓼ 2 ꓦ 1 ꓠꓬꓲ ꓠꓯꓼ 10 ꓙꓵꓹ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓟꓶ-ꓚꓲ-ꓠ — ꓑꓴ-ꓔ-ꓳ ꓙ ꓖꓴ ꓢꓲ-ꓑꓲ-ꓬ ꓘꓹ ꓗꓪ ꓔꓶꓺ ꓔꓸ ꓟ ꓟꓬ-ꓟ ꓟꓯꓼ ꓓꓼ ꓦꓲ ꓔꓯ ꓑꓓꓝ ꓐꓰ ꓗꓲꓮ ꓐꓴ ꓡꓰ ꓓꓶꓽ ꓧꓪꓸ ꓡꓰꓳ ꓐꓰ ꓓꓳꓽ ꓜꓳ ꓡ ꓡꓳ꓿
“ꓳꓸ ꓗꓪ ꓟꓬ-ꓟ ꓟꓯꓼ 20 ꓛꓲ ꓠꓬꓹꓳ ꓫꓵꓽ ꓥꓳ꓿ ꓑꓓꓝ ꓐꓰ ꓗꓲꓮ ꓐꓴ ꓠꓰ ꓠꓯꓼ 10:30 ꓙꓵꓹ ꓗꓪ ꓚꓳꓸ ꓪꓴꓸ ꓔꓴ ꓢꓲꓸ ꓓꓶꓽ ꓗꓷ ꓠꓬ 11 ꓙꓵꓹ ꓛꓲ ꓡ ꓕꓯꓽ ꓓꓶꓽ ꓧꓪꓸ ꓡꓰꓳ꓿ ꓠꓱꓸ ꓐꓯꓼ ꓠꓬ ꓐꓯ ꓟꓸ ꓟꓽ ꓙꓲ ꓢꓰ꓿” ꓐꓰ ꓟꓯꓼ ꓘꓶꓽ ꓗꓪ ꓐꓰ ꓓꓳꓽ ꓜꓳ ꓡ ꓡꓳ꓿
ꓮ ꓔꓳꓸ ꓛꓴ ꓗꓷ ꓟ ꓢꓲ-ꓑꓲ-ꓬ
ꓟꓬ-ꓟ ꓟꓯꓼ ꓗꓽ ꓔꓶꓸ
ꓟꓬ-ꓟ ꓟꓯꓼ ꓓꓼ ꓦꓲ ꓔꓯ ꓮ ꓔꓳꓸ ꓛꓴ ꓗꓷ ꓟ ꓔꓯ ꓢꓲ-ꓑꓲ-ꓬ ꓘꓹ ꓢꓴ ꓡꓳꓸ ꓟꓳ ꓢꓲ꓾ ꓘꓹ ꓡ ꓞꓳ ꓐꓴ ꓠꓬ ꓟꓯꓼ ꓛꓰꓹ ꓙꓰ ꓔꓬ ꓡꓳ꓿
ꓑꓴ-ꓔ-ꓳ — ꓟꓶ-ꓚꓲ-ꓠ ꓙ ꓖꓴ ꓓꓵꓽ ꓓꓳ ꓢꓴ ꓐꓴ ꓥ ꓟꓲ ꓟꓯꓼ ꓘꓶꓽ ꓙꓳˍ ꓟ ꓙ ꓖꓴ ꓗꓪ ꓤ ꓟꓳ ꓓꓴ ꓙꓳ ꓡꓳ ꓐꓰ ꓢꓷꓸ ꓡ ꓡꓳ꓿
