ꓲ-ꓢꓰ ꓐꓱ ꓓꓴꓽ ꓓꓽ ꓟ ꓗꓪ ꓡꓴꓽ ꓔꓸ ꓟ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓢꓴ꓾ ꓶ ꓡꓯꓼ ꓚꓱꓹ ꓢꓷꓸ ꓠꓲꓹ ꓙꓳ ꓒꓽ ꓢꓲꓳ-ꓔ-ꓠꓯ (Sean Turnell) ꓐꓬꓱꓽ ꓔꓯ ꓟꓬ-ꓟ ꓠꓬꓲ ꓟꓳ ꓓꓴ (Myanmar New Light) ꓫꓵꓽ ꓓꓳꓽ ꓕꓳ ꓶ ꓗꓪ 2021 ꓘꓳꓼ 7 ꓦ 28 ꓠꓬꓲ ꓕꓯ ꓬꓲꓸ ꓪꓴꓸ ꓕꓲ ꓧꓪꓸ ꓟꓳꓸ ꓖꓶ ꓩꓴ ꓡ ꓡꓳ=
ꓢꓲꓳ-ꓔ-ꓠꓯ (Sean Turnell) ꓠꓬ ꓮꓳ-ꓢꓸ-ꓢꓴꓸ-ꓚꓰꓽ ꓔꓯ ꓗꓴꓷꓼ ꓶ ꓡꓯꓼ ꓚꓱꓹ ꓐꓰ ꓗꓳꓸ ꓙꓲꓽ ꓙꓳ ꓢꓲ꓾ ꓚꓴ ꓬꓲꓹ ꓖꓶꓽ ꓢꓴ ꓥ ꓢꓲ꓾ 2021 ꓘꓳꓼ 2 ꓦ 1 ꓠꓬꓲ ꓕꓯ ꓟꓯꓼ ꓐꓴ ꓡꓰ ꓐꓱ ꓓꓴꓽ ꓗꓪ ꓣꓴ ꓡꓴꓽ ꓗꓷ ꓢꓲ꓾ ꓟꓬ-ꓟ ꓗꓴꓷꓼ ꓐꓰ ꓗꓴꓸ ꓙꓲꓽ ꓙꓳ ꓟ ꓗꓴ ꓗꓴ ꓢꓲ ꓟ ꓓꓳꓽ ꓔꓯ ꓐꓯ ꓒꓬꓱ ꓟ ꓝꓴꓲꓸ ꓬꓰ ꓢꓴ ꓥ ꓡꓳ ꓐꓰ ꓡꓲꓺ ꓢꓲ꓾ ꓐꓯ ꓟꓴ ꓩꓴ ꓔ ꓡꓳ=
ꓬꓲꓸ ꓠꓬ ꓐꓱ ꓓꓴꓽ ꓗꓪ ꓚꓳꓦꓲꓓ-19 ꓠꓻ ꓓꓱꓽ ꓡꓰ ꓐꓰ ꓗꓹ ꓟ ꓠꓻ ꓒꓬꓽ ꓔꓳꓹ ꓜꓳ ꓔꓬ ꓡꓳ ꓐꓰ꓾ ꓬꓲꓸ ꓦꓲ ꓢꓲ ꓟ ꓡꓰ ꓐꓯ ꓡꓳ=
ꓡꓴꓽ ꓔꓸ ꓟ 178 ꓠꓬꓲ ꓕꓯ ꓬꓲꓸ ꓪꓴꓸ ꓕꓲ ꓧꓪꓹ ꓬꓲꓸ ꓐꓬꓱꓽ ꓔꓯ ꓫꓵꓽ ꓓꓳꓽ ꓗꓪ ꓟꓳꓸ ꓖꓶ ꓩꓴ ꓡ ꓟ ꓥ ꓡꓳ=
