ꓢꓰ-ꓖ-ꓑꓳ ꓗꓴꓷꓼ ꓠꓬ ꓑ ꓫꓬ ꓐꓴ ꓠꓲꓹ ꓡꓶꓽ ꓔꓯ ꓒꓳꓹ ꓔꓳꓹ ꓢꓲꓸ ꓢꓰꓼ ꓔꓬ ꓟ ꓟꓬ-ꓟ ꓟꓯꓼ ꓔꓯ ꓶ ꓡꓯꓼ ꓚꓱꓹ ꓗꓪ ꓗꓴ ꓗꓴ ꓢꓲꓺ ꓔꓺ ꓙ ꓔꓬ ꓡꓳ ꓐꓰ ꓾Justice for Myanmar ꓡꓰ 2022 ꓘꓳꓼ 2 ꓦ 21 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓮ-ꓢꓰ-ꓬ ꓗꓴꓷꓼ ꓜꓴ ꓗꓪ ꓓꓵꓽ ꓔꓸ ꓟ ꓢꓰ-ꓖ-ꓑꓳ ꓗꓴꓷꓼ ꓠꓬ ꓟꓬ-ꓟ ꓟꓯꓼ ꓞꓳ ꓢꓰꓼ ꓪ ꓢꓰꓼ ꓬꓰˍ ꓟ ꓟꓬꓱꓽ ꓔꓯ ꓶ ꓡꓯꓼ ꓟꓴ ꓚꓱꓹ ꓗꓪ ꓐꓰ ꓔꓺ ꓙ ꓔꓬ ꓡꓳ꓿” ꓐꓰ ꓙꓝꓟ ꓡꓰ ꓐꓳ ꓔꓸ ꓡꓳ꓿
ꓟꓬ-ꓟ ꓟꓯꓼ ꓐꓴ ꓐꓱ ꓶ ꓖꓳ ꓑꓳꓸ ꓕ ꓑꓳꓸ ꓒꓴ ꓓꓵꓽ/ꓓꓳ ꓙꓲ ꓠꓹ ꓟ꓾ ꓢꓰ-ꓖ-ꓑꓳ ꓶ ꓡꓯꓼ ꓜꓴ Emerging Towns & Cities Singapore Ltd ꓡꓰ ꓬꓰ ꓙ ꓔꓬ ꓟ ꓙꓳˍ ꓡꓳ꓾ ꓐꓯ ꓔ ꓡꓳ꓿
ꓕꓱ ꓟ ꓔꓯ ꓗꓽ ꓔꓸ ꓠꓹ ꓟ ꓮ-ꓢꓰ-ꓬ ꓜꓴ ꓐꓰ꓾ ꓟꓵ ꓗꓳ ꓓꓵ ꓓꓵ ꓗꓪ ꓟ ꓗꓴꓷꓼ ꓐꓴ ꓢꓯꓼ ꓕꓵꓼ ꓙ ꓡ ꓠꓯˍ ꓡꓳ꓾ ꓐꓰ ꓙꓝꓟ- ꓟꓬ-ꓟ ꓗꓴꓷꓼ ꓐꓱ ꓶ ꓔꓱꓹ ꓜꓳˍ ꓟ ꓧꓪ ꓜꓴ ꓡꓰꓽ ꓪꓴꓸ ꓔꓸ ꓡꓳ꓿
