2022 ꓘꓳꓼ 3 ꓦ 26 ꓠꓬꓲ ꓠꓯꓼ ꓝꓲꓸ ꓗꓪ꓾ ꓢꓰꓼ ꓪ ꓡꓰ ꓢꓴ ꓴꓢꓓꓑ ꓑ-ꓔꓲ ꓓꓵꓽ ꓢꓴ ꓐꓴ ꓔꓯ ꓟꓬꓱꓺ ꓓꓳꓽ ꓖꓶˍ ꓟ ꓭꓸ ꓜꓲ ꓘꓴ ꓠꓯ-ꓑꓲ-ꓓꓳ ꓡꓳ ꓒꓱ ꓗꓪ ꓞꓳꓹ ꓗꓷꓳ꓿
ꓞꓳꓹ ꓑꓮꓲ ꓗꓪ ꓜꓲꓼ ꓔꓬ ꓟ
ꓖꓳ ꓗꓪ ꓴꓢꓓꓑ ꓑ-ꓔꓲ ꓧꓳꓽ ꓢꓴ ꓔꓸ-ꓕꓯꓸ ꓐꓰ ꓑ-ꓔꓲ ꓗꓳ-ꓟꓲ-ꓔꓲ ꓐꓴ ꓐꓰ ꓢꓰꓼ ꓪ ꓡꓰ ꓢꓴ ꓫꓵꓽ ꓤ ꓪꓳꓼ ꓤ ꓐꓴ ꓜꓲꓼ ꓡꓳ꓿
ꓫꓵꓻ ꓢꓴ ꓴꓢꓓꓑ ꓑ-ꓔꓲ ꓔꓺ ꓢꓴ 1300 ꓣꓳ ꓮ ꓡꓻ ꓙꓳ ꓢꓲ꓾ ꓕꓱ ꓕꓲ ꓜꓴ ꓠꓬ ꓜꓲꓽ ꓜꓲꓽ ꓑꓰꓹ ꓑꓰꓹ ꓬꓰ ꓢꓴ ꓐꓴ ꓑꓶꓸ ꓓꓴ ꓫꓵꓻꓳ ꓐꓰ ꓴꓢꓓꓑ ꓡꓰ ꓐꓯ ꓔꓬ ꓡꓳ꓿
ꓲꓢꓑ ꓟꓬꓮꓠꓟꓮꓣ ꓜꓴ ꓗꓪ ꓐꓰ ꓧꓪ ꓜꓲꓼ ꓔꓸ ꓟ ꓠꓬ꓾ 2021 ꓘꓳꓼ ꓗꓪ ꓐꓰ ꓕ ꓑꓳꓸ ꓴꓢꓓꓑ ꓑ-ꓔꓲ ꓓꓵꓽ ꓢꓴ 250 ꓣꓳ ꓢꓰꓼ ꓪ ꓡꓰꓳ꓾ ꓐꓯ ꓡꓳ꓿
ꓮꓮꓑꓑ ꓡꓰꓽ ꓢꓷ ꓙ ꓟꓴ ꓙ ꓔꓸ ꓟ
ꓝꓮꓲ ꓕꓲ ꓑ ꓒꓳꓹ ꓗꓪ꓾ ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓗꓪ ꓟꓬ-ꓟ ꓟꓯꓼ ꓡꓰ ꓙꓵꓽ ꓪ ꓦꓴ ꓡ ꓗꓪ ꓐꓰ ꓕ ꓑꓳꓸ ꓢꓰꓼ ꓪ ꓡꓰ ꓢꓴ 1707 ꓣꓳ꓾ ꓣꓴ ꓡꓴꓽ ꓔꓸ ꓢꓴ 129700 ꓣꓳ ꓙꓳˍ ꓡꓳ꓾ ꓐꓰ 3 ꓦ 25 ꓠꓬꓲ ꓕꓯꓽ ꓮꓮꓑꓑ ꓡꓰꓽ ꓢꓷ ꓙ ꓟꓴ ꓙ ꓔꓸ ꓡꓳ꓿
ꓴꓢꓓꓑ ꓠꓬ ꓧꓶꓸ ꓕꓯꓽ ꓟꓬ-ꓟ ꓟꓯꓼ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓒꓴ ꓔꓸ ꓟ ꓑ-ꓔꓲ꓾ ꓟꓬ-ꓟ ꓟꓯꓼ ꓡꓵꓺ ꓐꓴ ꓡꓰ ꓙꓵꓽ ꓗꓪꓼ ꓔꓬ ꓟ ꓑ-ꓔꓲ꓾ ꓟꓬ-ꓟ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓦꓴꓻ ꓙꓰˍ ꓟ ꓐꓰ꓾ ꓟꓯꓼ ꓡꓰ ꓬꓰˍ ꓟ ꓟꓬꓱꓽ ꓚꓱꓹ ꓔꓯ ꓢꓯꓼ ꓖꓶꓽ ꓔꓳꓹ ꓙ ꓕꓳ ꓶ ꓟꓽ ꓠꓽ ꓠꓽ ꓐꓳ ꓒꓬꓱ ꓔꓬ ꓟ ꓑ-ꓔꓲ ꓥ ꓡꓳ꓿
ꓐꓬꓱꓽ- USDPꓹ ꓮꓮꓑꓑ
