ꓠꓬꓲꓸ ꓠꓬꓲ 2022 ꓘꓳꓼ 4 ꓦ 30 ꓠꓬꓲ꓾ ꓕꓯꓽ ꓮ-ꓢ ꓫꓵꓽ ꓢꓠꓡꓓ ꓑ-ꓔꓲ ꓢꓽ ꓡ ꓙꓵꓽ ꓬꓲꓸ ꓡꓵꓺ ꓘꓳ-ꓕꓴꓸ-ꓳꓸ ꓠꓬ ꓬꓥ-ꓖꓳꓥ ꓬꓲꓸ ꓦꓲ ꓗꓪ ꓢꓯꓼ ꓟꓬ ꓡꓳꓹ ꓬꓰꓳ꓿
ꓬꓲꓸ ꓠꓬ ꓟꓬꓱꓺ ꓓꓳ ꓞꓼ ꓓꓳꓽ ꓙꓳˍ ꓟ ꓗꓴꓷꓼ ꓟꓬꓱꓽ ꓚꓱꓹ ꓬꓰ ꓢꓴ ꓕꓲ ꓣꓳ ꓥ ꓡꓳ꓿ 2005 ꓘꓳꓼ ꓗꓪ ꓬꓲꓸ ꓔꓯ ꓟꓬ-ꓟ ꓟꓯꓼ ꓡꓰ ꓣꓴ ꓟꓶ ꓡꓰ ꓢꓲ꓾ 98 ꓘꓳꓼ ꓡꓴꓽ ꓠꓹ ꓟ ꓫꓵꓽ ꓘꓶꓽ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ 2005 ꓘꓳꓼ ꓗꓪ ꓐꓰ 2011 ꓘꓳꓼ ꓗꓪ ꓛꓲ ꓑꓴ-ꓔ-ꓳ ꓐꓱ ꓓꓴꓽ ꓗꓪ ꓡꓴꓽ ꓗꓷ ꓢꓲꓸ ꓡꓲꓹ ꓩꓴ ꓡ ꓟ ꓥ ꓡꓳ꓿
“ꓮ ꓫꓵꓽˍ ꓟꓲ ꓕꓶꓸ ꓥꓳꓽ ꓟꓽ ꓜꓯꓼ ꓒꓬꓱꓼ ꓡ ꓠꓬꓹ ꓟ ꓤꓶ ꓦꓬꓼ ꓠꓬꓲ ꓗꓪ ꓞꓳ ꓡꓯꓸ ꓐꓴ ꓔꓯ ꓶꓻ ꓑꓵꓸ ꓖꓶ꓾ ꓠꓬꓹ ꓖꓴ ꓖꓶꓽ꓾ ꓬꓲꓸ ꓪ ꓔꓯ ꓖꓳꓻ ꓙ ꓟꓬꓱꓽ ꓬꓰ ꓟꓸ ꓖꓶꓽ ꓢꓲꓸ ꓫꓵꓽ ꓟꓬꓱꓽ ꓬꓰ ꓢꓴ ꓙꓳ ꓡ ꓝꓲ” ꓐꓰ ꓔꓮꓳ-ꓙꓲꓸ ꓡꓳ ꓒꓱ ꓜꓲꓼ ꓓꓴ ꓗꓪ 2020 ꓘꓳꓼ 6 ꓦ 21 ꓠꓬꓲ ꓕꓯꓽ ꓬꓲꓸ ꓫꓸ ꓕꓱ ꓔꓸ ꓟ ꓙꓳˍ ꓡꓳ꓿ ꓬꓲꓸ ꓠꓬ ꓩꓯ-ꓓ-ꓬꓯ ꓚꓱꓹ꓾ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓗꓪ ꓟꓽ ꓷꓹ ꓟꓽ ꓡꓵꓺ ꓧꓳꓽ ꓗꓷ ꓢꓴ ꓕꓲ ꓣꓳ ꓥ ꓡꓳ꓿
ꓬꓲꓸ ꓠꓬ ꓑ-ꓔꓲ ꓟꓬꓱꓽ ꓗꓪ ꓐꓰ ꓠꓽ ꓠꓲꓹ ꓫꓵ ꓥ ꓟꓲ꓾ ꓑ ꓫꓬ ꓐꓴ ꓬꓲ ꓔꓯ ꓠꓲꓹ ꓠꓵ ꓢꓲꓸ ꓟꓽ ꓠꓽ ꓝꓲ ꓡ ꓠꓬꓲ꓾ ꓫꓵꓽ ꓓꓳꓽ ꓕꓳ ꓶ ꓗꓪ ꓐꓳ ꓒꓬꓱ ꓢꓲꓸ ꓠꓽ ꓙꓰ ꓢꓴ ꓥ ꓡꓳ꓿
ꓬꓲꓸ ꓠꓬ ꓔꓲ-ꓐꓳꓹ ꓜꓳꓹ ꓒꓽ ꓢꓮꓳꓼ-ꓗ-ꓢꓮꓲꓽ ꓬꓲꓸ ꓤꓽ ꓓꓴ ꓥ ꓡꓳ꓿ ꓬꓲꓸ ꓔꓯ 1943 ꓘꓳꓼ 9 ꓦ 11 ꓠꓬꓲ ꓕꓯꓽ ꓦꓵ ꓔ ꓠꓬ꓾ ꓬꓲꓸ ꓫꓵꓻ ꓕꓯꓽ (79) ꓘꓳꓼ ꓙꓳ ꓡꓳ꓿
