ꓝꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓐꓱ ꓶ ꓢꓯꓼ ꓕꓵꓼ ꓔꓬ ꓟ ꓢꓠꓡꓓ- Shan National League for Democracy ꓑ-ꓔꓲ ꓠꓬ ꓠꓬꓲꓸ ꓠꓬꓲ 2021 ꓘꓳꓼ 10 ꓦ 26 ꓠꓬꓲ ꓕꓯ 33 ꓘꓳꓼ ꓐꓲ ꓡꓰꓳ꓿
33 ꓘꓳꓼ ꓐꓲ ꓡꓰ ꓟ ꓚꓲꓸ ꓟꓶ ꓓꓴ ꓜꓲꓼ ꓓꓴ ꓔꓯ ꓠꓬꓲꓸ ꓠꓬꓲ ꓜꓳꓳꓟ ꓗꓪ ꓐꓰ ꓬꓰ ꓗꓷ ꓢꓲ꓾ ꓛꓳ ꓒꓯꓹ ꓑ-ꓔꓲ ꓐꓴ ꓥ ꓟꓲ ꓔ ꓡ ꓡꓳ꓿
ꓑ-ꓔꓲ ꓕꓱ ꓟ ꓔꓯ ꓧꓶꓸ ꓕꓯ ꓟꓯꓼ ꓪ ꓔꓲꓸ ꓠꓯ-ꓪꓰꓸ ꓡꓰ ꓠꓲꓹ ꓖꓳꓼ ꓢꓲ ꓢꓰꓼ ꓗꓷ ꓢꓴ ꓔꓲ-ꓐꓳꓹ ꓜꓳꓹ ꓒꓽ ꓢꓮꓳ-ꓚ-ꓢꓮꓲꓽ ꓤ ꓓꓴ ꓘꓳ-ꓕꓴꓸ-ꓳꓸ ꓡꓰ 1988 ꓘꓳꓼ 10 ꓦ 26 ꓠꓬꓲ ꓕꓯꓽ ꓔꓶ ꓪꓴꓸ ꓔꓴ ꓡꓳ꓿ ꓮ ꓟꓶ ꓠꓬ ꓢꓮꓲꓸ-ꓠꓬꓴꓼ-ꓡꓱ ꓡꓰ ꓢꓽ ꓡ ꓙꓵꓽ ꓧꓳꓽ ꓔꓬ ꓡꓳ꓿
ꓚꓲ ꓛꓬ ꓟꓵꓽ ꓔꓯ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓚꓱꓹ ꓝꓯ-ꓓ-ꓬꓯ ꓐꓰ꓾ ꓑ ꓫꓬ ꓠꓲꓹ ꓠꓵ ꓪꓽ ꓓ ꓟ ꓙꓵꓽ ꓚꓱꓹ ꓓꓰ-ꓟꓳ-ꓗꓯ-ꓢꓰ ꓐꓱ ꓶ꓾ ꓗꓳꓸ ꓡꓳꓹ ꓡ ꓟ 33 ꓘꓳꓼ ꓟ ꓘꓴꓽ ꓗꓪ ꓟꓯꓼ ꓡꓰ ꓚꓳꓹ ꓘꓶꓽ ꓐꓰ ꓐꓱ ꓓꓴꓽ ꓗꓪ ꓡꓴꓽ ꓩꓴ ꓡ꓾ ꓢꓰꓼ ꓡ ꓟ ꓔꓯ ꓟꓽ ꓙꓳꓺ꓾ ꓔꓱꓹ ꓟ ꓔꓯ ꓔꓱꓹ ꓟ ꓡꓳ ꓚ ꓒꓬꓱꓽ ꓟꓽ ꓢꓲ ꓐꓯ ꓑꓶꓸ ꓟ꓾ ꓗꓴꓷꓼ ꓟꓬꓱꓽ ꓚꓱꓹ ꓗꓪ ꓟꓬꓱ ꓓꓳ ꓙꓳ ꓙꓳ ꓢꓯꓼ ꓕꓵꓼ ꓡ ꓟ ꓚ ꓟꓲꓽ ꓙꓳ ꓟ꓾ ꓟꓬ-ꓟ ꓗꓴꓷꓼ ꓗꓪ ꓑ-ꓔꓲ ꓐꓴ ꓗꓪ ꓐꓰ ꓦ ꓡꓱ ꓐꓳˍ ꓟ ꓑ-ꓔꓲ ꓓꓽ ꓟ ꓕꓲ ꓟ ꓥ ꓡꓳ꓿
