ꓤ ꓠꓱ ꓣꓴ ꓕꓯ ꓤ ꓑꓸ ꓤꓼ (ꓮ ꓐꓲ) ꓔꓯˍ ꓡꓰꓽ ꓠꓲꓹ ꓫꓵ ꓟ ꓓꓵꓽ ꓙ ꓚꓱꓹ ꓡꓲ ꓒꓰꓼ ꓑꓶꓸ ꓓꓴ ꓡ ꓠꓹ ꓟ 10 ꓘꓳꓼ ꓗꓪ ꓠꓬ꓾ ꓤ ꓦꓵ ꓠꓱ ꓦꓵ ꓟ ꓗꓪ ꓤ ꓟꓶꓼ ꓤ 50 ꓢꓯꓹ ꓣꓳ ꓞꓰ ꓡꓰ ꓡ ꓥꓳ ꓐꓰ꓾ ꓧꓪ ꓟꓰꓹ ꓕꓳ ꓶ ꓕ ꓟ ꓗꓪ ꓟꓳꓸ ꓖꓶ ꓓꓳ ꓡ ꓡꓳ꓿
“ꓖꓳ ꓡꓱ ꓤ ꓦꓵ ꓠꓱ ꓦꓵ ꓟ ꓗꓪ꓾ ꓤ ꓟꓶꓼ ꓵ ꓟꓬꓱꓺ ꓣꓳ ꓡꓰ꓾ ꓤꓽ ꓵ ꓟꓬꓱꓺ ꓟꓬꓽ ꓡ ꓟ ꓗꓪ ꓐꓰ ꓞꓳ ꓡꓲꓽ ꓪ ꓡꓲꓽ ꓟꓽ ꓛꓳ ꓟ꓾ ꓢꓰꓼ ꓡꓯ ꓘꓳ ꓟ ꓬꓲ ꓫꓵ ꓬꓲ ꓙꓰ ꓒꓬꓱꓼ ꓡ ꓥꓳ” ꓮꓝꓑ ꓡꓰ ꓐꓳ ꓔ ꓢꓲ꓾ ꓐꓮꓠꓗꓗꓳꓗ ꓑꓳꓢꓔ ꓡꓰ ꓟꓳꓸ ꓖꓶ ꓡ ꓡꓳ꓿
ꓡꓲ-ꓢꓴ ꓟꓴ ꓖꓪ ꓡꓵꓺ ꓕꓲ ꓚꓱꓹ ꓗꓪ꓾ “ꓤ ꓕꓲ ꓣꓳ ꓟ ꓫꓵꓽ ꓣꓳ ꓝꓰꓹ꓾ ꓫꓵꓽ ꓣꓳ ꓮ ꓙꓵꓽ ꓥꓪ ꓟꓽ ꓠꓵ” ꓐꓰ ꓖꓪ ꓚꓰꓼ ꓡꓳ꓿ ꓖꓳ ꓡꓱ ꓥ ꓟꓲ ꓢꓪꓼ ꓢꓴ ꓐꓴ ꓐꓯ ꓟ ꓡꓰ ꓐꓰ꓾ ꓮ ꓟꓶ ꓒꓬꓱꓼ ꓡ ꓔꓬ ꓟ ꓠꓬ ꓟꓶꓼ ꓕꓲ ꓣꓳ ꓤꓽ ꓫꓵꓽ ꓣꓳ ꓦꓬꓼ ꓠꓬꓲ ꓗꓪ ꓙꓰ ꓔꓬ ꓡꓳ꓿
