ꓑꓓꓝ 6 ꓣꓳ꓾ ꓟꓱꓸ ꓐꓯꓼ 4 ꓣꓳ ꓔꓯ ꓐꓳ-ꓔ-ꓟ-ꓠꓲꓼ ꓧꓳꓽ ꓪꓴꓸ ꓟꓴˍ ꓟ ꓬꓟꓑ ꓑꓓꓝ ꓜꓴ ꓗꓪ ꓐꓰ ꓮ ꓔꓳ ꓔꓳ ꓢꓰꓼ ꓗꓷ ꓟ ꓚꓲꓸ ꓚ ꓟꓶ ꓡꓰꓳ ꓐꓰ ꓠꓴꓖ ꓡꓰꓽ ꓢꓷ ꓙ ꓟꓴ ꓙ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓔꓯ ꓟꓳꓸ ꓠꓴꓖ ꓕꓳ ꓶ
“ꓠꓴꓖ ꓗꓪ ꓐꓰ ꓚꓲꓸ ꓚ ꓢꓲꓸ ꓝꓴꓲꓸ ꓖꓶˍ ꓟ ꓔꓯ ꓟꓽ ꓛꓳ ꓛꓳ꓾ ꓚꓲ ꓛꓬ ꓔꓱꓹ ꓚꓲ ꓛꓬ ꓫꓵꓽ ꓘꓶꓽˍ ꓟ ꓔꓯ ꓟꓽ ꓘꓳ ꓣꓴ” ꓐꓰ ꓙꓳꓺ ꓗꓽ ꓔ ꓡꓳ꓿
ꓕꓱ ꓟ ꓠꓬ ꓗꓳꓸ ꓗꓷ ꓟ 2021 ꓘꓳꓼ 11 ꓦ ꓘꓴꓽ ꓗꓪ ꓒꓬꓱꓼ ꓗꓷ ꓟ ꓥ ꓢꓲ꓾ 2022 ꓘꓳꓼ 3 ꓦ 14 ꓠꓬꓲ ꓗꓪ ꓠꓬ ꓑꓓꓝ 63 ꓜꓴ ꓡꓰꓽ ꓕꓱ ꓡꓱ ꓗꓷ ꓡꓰˍ ꓟ ꓔꓯ ꓕꓼ ꓢꓲꓸ꓾ ꓙꓲꓺ ꓙꓳ ꓢꓴ ꓔꓯ ꓚꓲꓸ ꓚ ꓠꓹ ꓟ꓾ ꓫꓵꓽ ꓘꓶꓽ ꓝꓴꓲꓸ ꓖꓶ ꓠꓹ ꓟ ꓓꓰꓽ ꓕꓳ ꓶ ꓓꓳ ꓩꓴ ꓡ ꓡꓳ꓿
“ꓑꓓꓝ 2 ꓜꓴ ꓘꓴꓽ ꓗꓪ ꓠꓲꓹ ꓗꓶ ꓟꓬ ꓗꓶ ꓡꓯ ꓘꓳ ꓓꓴ ꓙꓳ ꓗꓷ ꓟ ꓑꓶꓸ ꓓꓴ ꓞꓳ ꓢꓰꓼ ꓪ ꓢꓰꓼ ꓗꓪ ꓛꓲ ꓗꓷ ꓡꓰˍ ꓟ ꓡꓳꓸ ꓓꓳ ꓡ ꓡꓳ” ꓐꓰ ꓠꓴꓖ ꓗꓪ ꓟ ꓟꓯꓼ ꓫꓵꓽ ꓪꓴ ꓚꓲꓸ ꓚ ꓜꓴ ꓡꓰ ꓐꓯ ꓔꓸ ꓡꓳ꓿
ꓮ ꓟꓶ 2022 ꓘꓳꓼ 3 ꓦ ꓟ ꓘꓴꓽ ꓗꓪ ꓥ ꓟꓲ꓾ ꓛꓰꓸ ꓒꓽ ꓟꓵꓽ ꓗꓪ ꓟ-ꓣ ꓞꓳ ꓫꓵꓽ ꓟꓯꓼ ꓠꓬꓲꓽ ꓜꓴ ꓡ ꓥꓴꓸ ꓐꓶ ꓡꓯ ꓘꓳ ꓢꓲꓸ ꓫꓵꓻ ꓢꓴ꓾ ꓠꓻ ꓓꓴ ꓡꓰ ꓢꓴ ꓙꓳˍ ꓡꓳ꓾ ꓐꓰ ꓓꓳꓽ ꓜꓳˍ ꓡꓳ꓿
ꓕꓲ ꓗꓴꓷꓼ ꓡꓱꓸꓼ ꓗꓪ ꓟ ꓑꓓꓝ ꓐꓴ ꓟꓯꓼ ꓙꓵꓽ ꓚꓱꓹ ꓕꓲ ꓟˍ ꓗꓪ ꓜꓯꓻ ꓜꓳꓼ ꓡꓰ ꓠꓹ ꓟ ꓬꓲꓸ ꓙꓵꓹ ꓪꓽ ꓐꓶꓽ ꓔꓬ ꓢꓰꓽ ꓡꓳ꓿
ꓙꓲ ꓙꓲ ꓟꓽ ꓙꓵꓽ ꓠꓬ ꓑꓓꓝ ꓟꓯꓼ ꓐꓴ ꓘꓴꓽ ꓒꓽ ꓦꓴ ꓜꓽ ꓢꓴ ꓒꓬꓱꓼ ꓡ ꓥꓳ ꓐꓰ ꓮ-ꓢ ꓟꓯꓼ ꓜꓲꓽ ꓪꓯꓼ-ꓢꓲꓼ ꓡꓰ ꓫꓸ ꓕꓱ ꓔꓸ ꓟ ꓙꓳˍ ꓡꓳ꓿
