ꓡ ꓛꓴꓸ ꓔꓯꓹ ꓢꓲ ꓚꓲ ꓛꓬ ꓟꓵꓽ ꓚꓲ ꓛꓬ ꓙꓵꓽ ꓚꓱꓹ ꓪ ꓟꓽ ꓓ꓾ ꓐꓰ ꓟꓬ-ꓟ ꓟꓯꓼ ꓜꓲꓽ ꓗꓽ ꓟꓰꓹ-ꓮꓳ-ꓡꓮꓲꓽ ꓡꓰ 2024 ꓘꓳꓼ 1 ꓦ 26 ꓠꓬꓲ ꓕꓯꓽ ꓠꓯ-ꓑꓲ-ꓓꓳ ꓗꓪ ꓫꓸ ꓕꓱ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓡꓽ ꓛꓴꓸ ꓔꓯꓹ ꓟꓯꓼ ꓮ ꓙꓵꓽ ꓔꓯ ꓖꓴ ꓢꓲꓸ ꓫꓸ ꓕꓱ ꓟ ꓥ ꓢꓲ꓾ ꓚꓲꓸ ꓛꓬ ꓟꓵꓽ ꓚꓲ ꓛꓬ ꓙꓵꓽ ꓠꓹ ꓟ ꓠꓬ꓾ ꓗꓴꓷꓼ ꓝꓲ ꓢꓴ ꓐꓴ ꓖꓪ ꓙꓱ ꓜꓲꓼ ꓓꓴ (parliament) ꓗꓪ ꓐꓰ ꓐꓯ ꓞꓷꓹ ꓢꓲꓸˍ ꓡꓰ ꓒꓬꓱꓼ ꓡ ꓓ ꓡꓳ꓾ ꓐꓰ ꓐꓯ ꓡꓳ꓿
ꓖꓳ ꓡꓱ ꓥ ꓟꓲ ꓗꓴꓷꓼ ꓝꓲ ꓓꓴ ꓖꓪ ꓙꓱ ꓜꓲꓼ ꓓꓴ ꓔꓯ ꓬꓲꓸ ꓡꓰ ꓑꓲꓸ ꓩꓴ ꓔꓸ ꓟ꓾ ꓑ ꓫꓬ ꓡꓰ ꓢꓲꓻ ꓔꓸ ꓟ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓔꓯ ꓞꓳꓹ ꓡꓴꓽ ꓔꓸ ꓟ 3 ꓘꓳꓼ ꓐꓲ ꓡ ꓔꓬ ꓠꓬꓲ꓾ ꓬꓲꓸ ꓫꓸ ꓪ ꓠꓬ ꓠꓬꓹ ꓒꓳꓹ ꓡꓳ ꓡꓰ ꓥꓳ꓾ ꓐꓰ ꓙꓽ ꓘꓶꓽ ꓢꓴ ꓙꓳ ꓡꓳ꓿
ꓝꓮꓲ ꓗꓴ ꓗꓴ ꓢꓲ ꓗꓪ ꓠꓬ ꓞꓳ ꓫꓵꓽ ꓞꓳ ꓙꓰ ꓔꓯ ꓢꓯꓼ ꓩꓴꓽ ꓢꓲꓸ ꓟꓵꓽ ꓫꓴ ꓖꓶ ꓓꓴ ꓥꓳ꓾ ꓐꓰ ꓐꓯ ꓔꓬ ꓟ ꓟꓲꓽ ꓦꓲ ꓓꓳꓽ ꓥ ꓟꓲ ꓑ ꓙ ꓪ ꓡ ꓡꓳ꓿
