ꓲ-ꓓꓲ-ꓬ ꓟꓵꓽ꓾ ꓮ-ꓣꓴ-ꓠ-ꓛꓬ-ꓑ-ꓣ-ꓓꓯ-ꓫꓲ ꓗꓪ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓟ ꓙꓵꓽ ꓪ (Panchayati Raj Rights) ꓐꓱ ꓶ ꓐꓰ꓾ ꓠꓬꓲꓸ ꓤꓲ ꓓꓴ ꓬꓲ ꓫꓵ ꓬꓲ ꓙꓰ ꓑꓶꓸ ꓓꓴ ꓘꓴ ꓔꓴ ꓢꓴ ꓢꓷ ꓠꓲꓹ ꓢꓳ ꓤꓽ 5 ꓣꓳ ꓗꓪ ꓐꓰ 4 ꓣꓳ ꓠꓬ 2021 ꓘꓳꓼ 10 ꓦ 10 ꓠꓬꓲ ꓕꓯꓽ ꓡꓲꓹ ꓡꓻꓳ꓿
“ꓢꓲꓽ ꓒ ꓐꓴ ꓠꓰ ꓐꓯ ꓟ ꓠꓬ ꓮ ꓟꓶ ꓡꓴꓽ ꓔꓸ ꓠ ꓗꓹ ꓢꓴ ꓖꓳ ꓕꓲ ꓣꓳ ꓠꓬ ꓪꓴꓸ ꓓꓵ ꓧꓳꓽ ꓢꓴ ꓥ ꓠꓰ ꓟꓽ ꓡꓲꓹ ꓖꓶ ꓐꓯ ꓥ꓿ ꓥꓪ ꓠꓴ ꓖꓶ ꓚꓹ ꓟꓽ ꓗꓴꓸ ꓬꓰꓳ꓿ ꓥꓪ ꓠꓬꓲ ꓤ ꓥꓪ-ꓜꓳ-ꓢ ꓡꓲꓹ ꓡ ꓠꓹ ꓟ ꓢꓯꓼ ꓕꓵꓼ ꓙꓰ ꓠ ꓔꓸ ꓢꓲꓽ ꓥ” ꓡꓰ ꓟꓸ ꓒ ꓡꓲ-ꓮ-ꓦꓯꓼ ꓡꓰ ꓐꓯ ꓡꓳ꓿
(ꓡꓯ ꓒꓯꓹ ꓫꓸ ꓔꓸ ꓢꓴ ꓟ)
ꓧꓶꓸ ꓕꓯ ꓟ ꓚ ꓟꓲꓽ ꓠꓬ ꓕꓱ ꓡꓱ ꓥꓳ꓿ India ꓟꓯꓼ ꓡꓵ (Ex Assam Refles Settlers) ꓐꓴ ꓔꓯ ꓡꓲ‐ꓢꓴ ꓫꓵꓽ ꓔꓬ, ꓟꓵꓽ ꓗꓪ 200 ꓦꓲ.,꓾ 30 ꓞꓲ ꓘꓳꓼ ꓔꓬ ꓙꓵꓽ ꓪ ꓖꓶ ꓗꓷ ꓡꓳ꓿ ꓖꓳ ꓟ ꓠꓬ 1967 ꓗꓪ ꓐꓰ 1971 ꓗꓪ ꓥꓳ꓿
ꓮ ꓟꓶ ꓠꓬ ꓡꓲ‐ꓢꓴ ꓫꓵꓽ ꓟꓵꓽ ꓔꓯ ꓬꓲ ꓪ ꓟꓵꓽ ꓥ ꓡꓳ‐. ꓐꓰ ꓐꓯ ꓔꓬ, ꓝꓮꓲ ꓡꓲ‐ꓢꓴ ꓫꓵꓽ ꓟꓵꓽ ꓛꓲ ꓔꓲ ꓙꓵꓽ ꓪ (Panchayati Raj Rights) ꓔꓯ ꓬꓲ ꓪ ꓣꓱ ꓔꓬ, ꓠꓬꓲ ꓲ‐Dꓲ‐ꓬ ꓗꓪ ꓔꓬ,_ꓟ ꓡꓲ‐ꓢꓴ ꓫꓵꓽ ꓗꓪ ꓐꓰ ꓲ-ꓓꓲ-ꓬ ꓗꓴꓷꓼ ꓙꓵꓽ ꓜꓴ ꓔꓯ ꓙꓵꓽ ꓪ Panchayati Raj Rights (Cꓲ ꓛꓬ ꓔꓱ Cꓲ ꓛꓬ ꓙꓵꓽ ꓠ, ꓟ ꓙꓵꓽ ꓪ) ꓟꓽ ꓖꓴ ꓠ, ꓟ ꓗꓳ ꓡ ꓟ 2017 ꓘꓳꓼ ꓗꓪ ꓐꓰ_ꓡꓰ ꓮ ꓜꓴ ꓬ ꓔꓯ ꓕꓳ ꓶ ꓮ ꓟꓬ ꓐꓳ ꓢꓲ ꓔꓲ.. ꓗꓷ‐. ꓝꓮꓲ ꓢꓲ ꓡꓲꓹ ꓐꓰ ꓜꓲꓼ ꓢꓲ ꓘꓴ ꓔꓴ ꓟ Peaceful Rally ꓬꓰ ꓗꓷꓳ꓿
DEꓽ ꓘꓶꓽ ꓔꓯ ꓟꓽ D ꓔꓳ ꓖꓶ ꓡ ꓠꓬꓲ‐.2020 ꓘꓳꓼ 12 ꓦ ꓟ ꓘꓴꓽ ꓗꓪ ꓫꓲ‐DE‐ꓘ, ꓕꓲ Cꓳ ꓡꓳ ꓜꓲꓼ ꓢꓲ ꓠꓬꓲ ꓙꓱ‐ꓦꓲ‐ꓠ ꓔꓶ (Vijoynagar) ꓗꓪ ꓟ ꓙꓵꓽ ꓦꓲ.,(EAC, Extra Additional Commission Office) ꓔꓯ ꓮ ꓔꓳ ꓛꓴ ꓗꓷ ꓟ ꓥ ꓡꓳ꓿
ꓓꓳꓽ ꓬꓲ ꓚꓰ꓾ ꓡꓲ-ꓮ-ꓦꓯꓼ
