2022 ꓘꓳꓼ 9 ꓦ 5 ꓠꓬꓲ ꓕꓯꓽ ꓬꓰ ꓗꓷ ꓟ ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓺ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓐꓰ ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ ꓐꓰ꓾ ꓘꓳꓼ ꓫꓵꓼ ꓦꓬꓼ ꓠꓬꓲ ꓖꓪ ꓙꓱ ꓞꓷꓹ ꓗꓷꓳ ꓐꓰ ꓢꓷꓸ ꓡ ꓡꓳ꓿
- ꓕꓲ ꓘꓳꓼ ꓡꓰꓸ ꓕꓲ ꓘꓳꓼ ꓗꓪ ꓡꓲ-ꓢꓴ ꓞꓳ ꓫꓵꓽ ꓦꓬ ꓠꓬꓲ ꓔꓯ 12 ꓦ 20 ꓠꓬꓲ ꓕꓯꓽ ꓬꓰ ꓠꓹ ꓟ꓿
- ꓕꓲ ꓘꓳ ꓡꓰ ꓕꓲ ꓘꓳꓼ ꓗꓪ ꓡꓲ-ꓢꓴ ꓘꓳꓼ ꓫꓵꓼ ꓑꓮꓲꓽ ꓔꓯ 2 ꓦ 15 ꓠꓬꓲ ꓗꓪ ꓬꓰ ꓠꓹ ꓟ꓿
ꓖꓪ ꓙꓱ ꓜꓲꓼ ꓓꓴ ꓗꓪ ꓛꓲꓽ ꓝꓳꓹ ꓜꓲꓼ ꓡ ꓓꓴ ꓐꓴ ꓙꓳˍ ꓟ ꓡꓰ ꓐꓰ꓾ ꓝꓮꓲ ꓬꓥ-ꓖꓳꓥ꓾ ꓟ-ꓓꓲ-ꓡꓲ꓾ ꓐ-ꓟꓳ꓾ ꓢꓲꓹ-ꓔꓳꓽ ꓗꓪ ꓐꓰ ꓠꓬ ꓜꓳꓳꓟ ꓗꓪ ꓐꓰ ꓔꓺ ꓜꓲꓼ ꓡ ꓢꓲ꓾ 2022 ꓘꓳꓼ 9 ꓦ 5 ꓠꓬꓲ ꓠꓯꓼ 10 ꓙꓵꓹ ꓗꓪ ꓐꓰ ꓟꓳꓼ ꓡꓳ 2:30 ꓗꓪ ꓛꓲ ꓖꓪ ꓙꓱ ꓗꓷ ꓟ ꓥ ꓡꓳ꓿
ꓡꓲ-ꓢꓴ ꓫꓵꓽ ꓦꓬꓼ ꓠꓬꓲ ꓔꓯ ꓟꓳꓸ ꓐꓯˍ ꓠꓬ ꓟꓬ-ꓟ ꓗꓴꓷꓼ ꓗꓪ ꓡꓲ-ꓢꓴ ꓫꓵꓽ ꓐꓰ ꓡꓲꓽ ꓒꓰꓼ ꓡꓲꓽ ꓚꓱꓹ ꓐꓱ ꓶ ꓧꓳꓽ ꓪꓴꓸ ꓟꓴ ꓜꓴ ꓙꓳ ꓡ ꓠꓹ ꓟ ꓬꓲꓸ ꓪꓴꓸ ꓞꓳ ꓪꓴꓽ ꓞꓳ ꓟ ꓐꓴ ꓖꓪ ꓙꓱ ꓖꓪ ꓟꓴ ꓗꓷ ꓟ 1960 ꓘꓳꓼ 12 ꓦ 20 ꓠꓬꓲ ꓔꓯ ꓚꓲꓸ ꓟꓶ ꓓꓴ ꓬꓰˍ ꓟ ꓥ ꓡꓳ꓿
ꓮ ꓬꓸ ꓟꓳꓽ ꓕꓲꓽ ꓣꓳ
ꓡꓲ-ꓢꓴ ꓫꓵꓽ ꓘꓳꓼ ꓫꓵꓼ ꓔꓯ ꓟꓳꓸ ꓠꓬ ꓒꓵꓽ ꓒ ꓐꓴ ꓬꓰ ꓡꓲꓽ ꓬꓰ ꓫꓱꓹ ꓚꓽ ꓡ ꓟ ꓡꓳ ꓚꓺ꓾ ꓦ ꓐ ꓔꓯ ꓛꓳ ꓢꓲꓸ 12 ꓦ ꓐ ꓡꓳꓹ ꓬꓰ ꓢꓲꓸ 13 ꓦ ꓐ ꓓꓵꓽ ꓡꓰˍ ꓟ ꓦꓬꓼ ꓠꓬꓲ꓾ ꓧꓪ ꓒꓴ ꓦ ꓐ ꓡꓳꓸ ꓕꓳ ꓶ ꓔꓯ ꓛꓳˍ ꓠꓬ 2 ꓦ 15 ꓠꓬꓲ ꓗꓪ ꓮ ꓙꓵꓽ ꓢꓴ ꓬꓰ ꓪꓽ ꓡꓰ ꓠꓹ ꓟ ꓦꓬꓼ ꓠꓬꓲ ꓐꓯ ꓞꓷꓹ ꓩꓴ ꓡ ꓟ ꓥ ꓡꓳ꓿
ꓓꓳꓽ ꓬꓲꓸ ꓚꓰ꓾ ꓡꓲ-ꓢꓴ ꓡꓲꓽ ꓒꓰꓼ ꓜꓴ ꓚꓰꓺ
