ꓠꓲ, ꓠꓵ ꓟ ꓣꓳ ꓡꓲ-ꓢꓴ ꓫꓵꓽ ꓐꓴ,ꓳ꓾ ꓠꓬꓲ. ꓠꓬꓲ ꓠꓬ ꓡꓲ-ꓢꓴ ꓐꓰ ꓘꓴ ꓟ ꓮ ꓡꓰ ꓗꓪ ꓐꓰ꓾ ꓮ ꓕꓯ ꓗꓪ ꓐꓰ ꓪꓴ. ꓔꓴ ꓟ ꓔꓯ ꓧꓶ: ꓟꓵ: ꓗꓪ ꓔꓬ, ꓟ ꓡꓲ-ꓢꓴ ꓚ ꓟꓲ: ꓐꓳ ꓒ: ꓕꓲ: ꓣꓳ ꓡꓰ ꓐꓳ ꓔ ꓟ ꓗꓪ ꓐꓰ ꓵ.. ꓟꓶ ꓡꓰ ꓟ ꓔꓯ ꓐꓯ ꓟ. ꓖꓶ: ꓠꓲ, ꓫꓵ_ ꓡꓳ=
ꓧꓶ: ꓚ ꓟꓲ ꓕꓳ: ꓶ: ꓗꓪ ꓡꓳ. ꓠꓬꓲ ꓕꓯ ꓡꓲ-ꓢꓴ ꓫꓵ: ꓬꓲ. ꓪꓴ. ꓬꓲ. ꓚꓰ ꓔꓯ ( ꓛ ) ꓐꓰ ꓘꓴ_ ꓡꓳ= ꓗ. ꓠꓯ ꓟꓶ ꓫꓵ ꓫꓵ ꓗꓷ ꓡꓰ ꓕꓯ ꓛ.. ꓫꓵ: ꓗꓪ ꓟ ꓞꓳ ꓤ ꓕꓲ: ꓐꓱ ꓠꓬ ꓧꓶ: ꓫꓵ: ꓡꓲ: ꓒꓰ; ꓚꓱ, ꓔꓯ. ꓘꓳ ꓣꓴ ꓟꓶ ꓡꓰ ꓟ ꓑꓶ. ꓓꓴ ꓬꓲ. ꓪ: ꓔꓯ ( ꓔꓲ.. -ꓛ..) ꓫꓵ: ꓐꓰ ꓘꓴ ꓡ -ꓡꓳ= ꓖꓳ ꓟ ꓦꓬ; ꓠꓬꓲ ꓗꓪ ꓬꓲ. ꓪ ꓠꓬ ꓟꓲ ꓠꓯ ꓮ ꓘꓶ. ꓟꓴ ꓟ ꓟꓵ: ꓛꓰ-ꓧꓯ-ꓢꓷ ꓐꓰ ꓘꓴ ꓟ ꓟꓵ: ꓗꓪ ꓔꓬ ꓗꓳ. ꓡ_ ꓡꓳ= ꓖꓳ ꓗꓪ ꓠꓬ ꓧꓳ-ꓧꓪ ꓐꓰ ꓐꓯ ꓟ ꓬꓲ: ꓟ ꓕꓲ: ꓓꓵ: ꓙꓳ ꓢꓲ ꓔꓲ.. -ꓛ ꓫꓵ: ꓐꓴ ꓠꓬ ꓬꓲ: ꓟ ꓖꓳ ꓕꓲ: ꓓꓵ: ꓖꓳ ꓐ: ꓕ ꓐ: ꓢꓲ ꓗꓪ ꓔꓬ ꓗꓳ. ꓡ_ ꓡꓳ= ꓖꓳ ꓗꓪ ꓐꓰ ꓕꓲ: ꓝ. ꓬꓲ. ꓪ ꓠꓬ ꓓꓰ.. ꓟꓵ: ꓡꓱ ꓟꓵ: ꓥ ꓟ ꓢꓲ,-ꓞꓪ ꓟꓵ: ꓗꓪ ꓔꓬ ꓛꓲ ꓡ- ꓡꓳ= ꓖꓳ ꓗꓪ ꓛꓲ ꓡ ꓕꓯ ꓠꓬ ꓬꓲ. ꓪ: ꓔꓯ (ꓔꓲ-ꓛ) ꓫꓵ: ꓐꓰ ꓟ: ꓘꓴ,ꓳ= ꓬꓲ. ꓪ ꓔꓯ ꓧꓶ: ꓥꓳ: ꓗꓪ ꓐꓰ ( ꓠ:-ꓛꓬ:-ꓟ:) ꓫꓵ: ꓐꓰ ꓘꓴ ꓡꓳ ꓐꓰ ꓐꓯ ꓡꓳ=
ꓗ. ꓠꓯ. ꓠꓬ ꓠ:-ꓛꓬ:-ꓟ: ꓐꓰ ꓘꓴ ꓟ ꓠꓯ.; ꓗꓪ ꓞꓳ ꓜꓴ ꓠꓬꓲ: ꓜꓴ ꓗꓷ ꓡꓰ ꓡꓳ= ꓕꓱ ꓟ ꓠꓬ ꓐꓵ ꓞꓲ: ꓠꓯ ꓓꓷ; ꓓꓷ; ꓖꓪ ꓠꓲ, ꓫꓵ ꓢꓴ ꓔꓯ ( ꓪꓴ.-ꓟ:) ꓐꓰ ꓘꓴ ꓡꓳ= ꓝꓮꓲ ꓕꓲ: ꓜꓴ ꓐꓵ ꓞꓲ: ꓒꓴ ꓒꓴ ꓖꓪ ꓠꓲ, ꓫꓵ ꓢꓴ ꓕꓲ: ꓧꓳ: ꓔꓯ ( ꓑꓯ:-ꓟ:) ꓐꓰ ꓘꓴ ꓡꓳ= ꓑꓯ: – ꓟ: ꓐꓰ ꓐꓯ ꓟ ꓠꓬ ꓠꓱ. ꓐꓯ ꓡ: ꓐꓶ: ꓫꓵ: ꓐꓴ ꓒꓵ: ꓒ: ꓥ ꓢꓲ ꓠꓬꓲ ꓾ ꓪꓴ._ ꓟ: ꓐꓰ ꓐꓯ ꓟ ꓠꓬ ꓣꓳ ꓡꓲ-ꓢꓴ ꓾ ꓡꓳ-ꓧꓶ, ꓐꓴ ꓒꓵ: ꓒ: ꓥ ꓡꓳ ꓐꓰ ꓐꓯ ꓡꓳ= ꓖꓳ ꓡꓱ ꓠꓬ (ꓛ ) ꓐꓰ ꓘꓴ ꓟ ꓦꓬ; ꓠꓬꓲ ꓗꓪ ꓐꓰ (ꓔꓲ-ꓛ) ꓗꓪ ꓛꓲ꓾ ꓝꓮꓲ ꓠꓬ (ꓪꓴ.-ꓟ) ꓾ ꓪꓴ.-ꓟ ꓗꓪ ꓐꓰ ꓞꓳ ꓫꓵ: 6 ꓫꓵ: ꓗꓪ ꓓꓳ ꓡ ꓡꓳ= ꓖꓳ ꓗꓪ ꓡꓲ-ꓢꓴ ꓟꓲ ꓚꓬ.; ꓡꓳ=
ꓖꓳ ꓡꓰ ꓠꓬ ꓔꓲ-ꓛ ꓐꓰ ꓘꓴ ꓟ ꓦꓬ; ꓠꓬꓲ ꓗꓪ ꓐꓰ ꓠ:-ꓛꓬ:-ꓟ: ꓐꓰ ꓘꓴ ꓟ ꓗꓪ ꓛꓲ 2200 ꓘꓳ; ꓛꓲ ꓟꓶ ꓫꓵ-ꓡꓳ= ꓝꓮꓲ ꓠ:-ꓛꓬ-ꓟ ꓐꓰ ꓘꓴ ꓟ ꓗꓪ ꓐꓰ ꓡꓲ-ꓢꓴ ꓐꓰ ꓘꓴ ꓓꓳ ꓡ ꓟ ꓦꓬ: ꓠꓬꓲ ꓗꓪ ꓛꓲ 600 ꓘꓳ; ꓛꓲ ꓟꓶ ꓫꓵ ꓡꓳ= ꓝꓮꓲ ꓡꓲ-ꓢꓴ ꓐꓴ ꓘꓴ ꓪꓴ. ꓔꓴ ꓟ ꓦꓬ; ꓠꓬꓲ ꓗꓪ ꓐꓰ ꓠꓬꓲ ꓠꓬꓲ ꓗꓪ ꓛꓲ ꓠꓬ 1200 ꓘꓳ; ꓟ: ꓞꓲ ꓙꓳ ꓡꓳ ꓐꓯ ꓡꓳ= ꓖꓳ ꓡꓰ ꓠꓬ ꓮ ꓙꓵ: ꓔ ꓢꓲ ꓢꓪ. ꓠꓬꓲ ꓠꓬ ꓔꓲ-ꓛ ꓗꓪ ꓐꓰ ꓮ ꓟꓶ ꓗꓪ ꓛꓲ ꓠꓬ 4000 ꓘꓳ; ꓟ: ꓞꓲ ꓙꓳ ꓡ ꓔꓬ ꓟ ꓥꓳ=
ꓕꓱ ꓟ ꓠꓬ ꓣꓳ ꓡꓲ-ꓢꓴ ꓫꓵ: ꓕꓱ ꓕꓲ: ꓫꓵ: ꓟ ꓠꓬ ꓒꓵ: ꓒ: ꓦꓬ; ꓠꓬꓲ ꓟꓶ ꓫꓵ ꓫꓵ ꓙꓳ ꓟ ꓞꓳ ꓫꓵ: ꓕꓲ: ꓫꓵ: ꓥ ꓟ ꓢꓷ. ꓡꓰ ꓓꓴ ꓥꓳ=
ꓢꓷ. ꓠꓲ, ꓫꓵ ꓟ ꓙꓳ ꓐꓷ ꓟꓲ Comment ꓗꓪ ꓢꓷ. ꓖꓶ: ꓡꓯ ꓡꓯ
