ꓑꓴ-ꓔ-ꓳ ꓟꓵꓽ꓾ ꓘꓳ-ꓡ-ꓒꓶꓸ ~ꓛ-ꓖꓳ ꓕꓲ ꓚꓳ ꓡꓳ ꓗꓪ ꓐꓰ ꓓꓳ ꓡ ꓟ ꓞꓳ-ꓗꓳ ꓔꓯ ꓡꓲ-ꓓꓯꓸ ꓓꓽ ꓖꓴꓽ ꓘꓶꓽ ꓗꓪ ꓡꓳꓸ ꓔꓬ ꓟ ꓐꓲ-ꓓꓴ-ꓢꓰꓸ ꓟꓯꓼ ꓡꓰ 1 ꓚ 320 ꓒꓯꓼ ꓬꓲꓸ ꓫꓴꓸ ꓖꓳꓻ ꓔꓬ ꓡꓳ꓾ ꓐꓰ ꓔꓳꓹ ꓜꓳꓽ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓗꓸ ꓚꓲ ꓕꓳ ꓶ
ꓞꓳ-ꓗꓳ ꓠꓬ ꓧꓶꓽ ꓒꓽ ꓫꓵꓽ ꓐꓴ ꓜꓽ ꓗꓴˍ ꓟ ꓞꓴ ꓠꓴ ꓞꓲ ꓫꓵꓸ ꓕꓲ ꓫꓵꓽ ꓥ ꓢꓲ꓾ ꓗꓳꓺ ꓟꓵꓽ ꓙꓬ ꓟꓵꓽ ꓗꓪ ꓔꓶ ꓙꓲˍ ꓟ ꓒꓴ ꓧꓪ ꓪ ꓓˍ ꓟ ꓔꓶ ꓜꓽ ꓫꓵꓽ ꓕꓲ ꓫꓵꓽ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓑ ꓫꓬ ꓐꓴ ꓡꓰ ꓟꓬꓱꓽ ꓬꓰ ꓢꓯꓼ ꓕꓵꓼ ꓓꓳ ꓩꓴ ꓡ ꓟ ꓮ ꓙꓵꓽ ꓬꓲꓸ ꓫꓴꓸ ꓐꓶ ꓔꓬ ꓠ ꓗꓷ ꓡꓰ ꓠꓬꓲ꓾ ꓐꓲ-ꓓꓴ-ꓢꓰꓸ ꓟꓯꓼ ꓔꓯ ꓬꓰ ꓚꓸ ꓔꓬ ꓟ ꓡꓰ ꓐꓰ ꓗˍ ꓡꓳ꓾ ꓐꓯ ꓡꓳ꓿ ꓐꓲ-ꓓꓴ-ꓢꓰꓸ ꓟꓯꓼ ꓔꓯ ꓖꓳ ꓕꓲ ꓟꓵꓽ ꓢꓴ ꓠꓬ ꓣ-ꓪ ꓟꓯꓼ ꓐꓰ ꓢꓷꓸ ꓡꓳ꓿
“ꓮ ꓠꓲꓹ ꓕꓽ ꓠꓽ ꓕꓲ ꓟꓳ ꓠꓳ 5000 ꓒꓯꓼ ꓬꓲꓸ ꓫꓴꓸ ꓐꓶ ꓠ ꓔꓸ ꓥ꓿ ꓞꓲ ꓠꓲꓹ ꓠꓽ ꓟꓳ ꓠꓳ ꓡꓲꓸ ꓟ ꓥ꓾ 1 ꓚ 320 ꓒꓯꓼ ꓢꓪꓼ ꓡ ꓥ꓿ ꓳ ꓕꓽ 1 ꓟꓳ-ꓠꓳ ꓟ 6000 – 7000 ꓒꓯꓼ ꓜꓯꓼ ꓡ ꓥ꓿ ꓟꓬꓱꓽ ꓬꓰ ꓜꓽ ꓢꓴ ꓑ ꓫꓬ ꓐꓴ ꓪ ꓙꓲꓽ ꓙꓳˍ ꓟ ꓡꓰ ꓐꓰ ꓟꓽ ꓪ ꓡ” ꓐꓰ ꓓꓳꓽ ꓜꓳ ꓢꓴ ꓡꓰ ꓚ ꓟꓸ ꓖꓶ ꓡˍ ꓡꓳ꓿
ꓡꓼ-ꓑꓲꓼ-ꓪꓳꓹ ꓗꓳ-ꓑꓶ-ꓠꓰ ꓶ ꓡꓯꓼ ꓜꓴ ꓠꓬ ꓐꓲ-ꓓꓴ-ꓢꓰꓹꓡꓸ ꓟꓯꓼ ꓧꓳꓽ ꓢꓴ ꓮ-ꓓ ꓗꓪꓽ ꓫꓵꓽˍ ꓟ ꓶ ꓡꓯꓼ ꓜꓴ ꓕꓲ ꓟ ꓥ ꓡꓳ꓿ ꓟꓯꓼ ꓐꓰ ꓶ ꓡꓯꓼ ꓚꓱꓹ ꓛꓬꓹ ꓦꓲˍ ꓡꓰ ꓐꓰ ꓪꓳꓼ ꓔꓸ ꓢꓲꓸ ꓘꓳ-ꓡ-ꓒꓶꓸ ~ ꓛꓽ-ꓖꓳꓽ ꓟꓵꓽ ꓗꓪ ꓮ ꓙꓵꓽ ꓟ ꓔꓯ ꓙꓵꓽ ꓗꓪꓼ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓥ ꓡꓳ꓿
ꓓꓳꓽ ꓐꓰ꓾ ꓐꓬꓱꓽ꓾ ꓚꓙ
