ꓠꓴꓖ ꓡꓰ ꓬꓥ-ꓖꓳꓥ ꓗꓪ ꓟꓬ-ꓟ ꓟꓯꓼ ꓜꓲꓽ ꓐꓴ ꓦꓲ ꓐꓰ ꓐꓱꓻ ꓘꓴꓽ 400 ꓟꓽ ꓞꓲ ꓪꓴꓽ ꓖꓶꓽ ꓓꓴ ꓥꓳ꓾ ꓐꓰ ꓣꓝꓮ ꓗꓪ ꓠꓴꓖ ꓶ ꓡꓯꓼ ꓚꓱꓹ ꓢꓲꓽ ꓒꓽ ꓔꓲ-ꓕꓴꓸ-ꓠꓮꓲꓽ ꓡꓰꓽ 2022 ꓘꓑꓼ 4 ꓦ 22 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
2021 ꓘꓳꓼ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓐꓰ ꓬꓲꓸ ꓪ ꓔꓯ ꓔꓺ ꓢꓴ ꓐꓴ ꓒꓵꓽ ꓶ꓾ ꓦꓲ ꓖꓴ ꓙꓴꓽ ꓮ ꓙꓵꓽ ꓠꓴꓖ ꓡꓰ ꓫꓺ ꓓꓴ ꓥꓳ ꓐꓯ ꓩꓴ ꓡ ꓡꓳ꓿
ꓬꓲꓸ ꓒꓵꓽ ꓙꓶ ꓗꓪ ꓐꓰ 30% ꓡꓰꓽ ꓟꓰꓹ-ꓮꓳꓽ-ꓡꓮꓲꓽ ꓦꓲ ꓐꓰ ꓠꓱꓸ ꓐꓯꓼ ꓮ ꓙꓵꓽ ꓪꓴꓽ ꓓꓴ ꓥꓳ꓾ ꓐꓰ ꓐꓯˍ ꓡꓳ꓿
“ꓰ-ꓡꓲꓮꓹ ꓙ ꓖꓴ ꓗꓪ ꓙꓳˍ ꓟ 1.86 ꓗꓽ꓾ ꓠꓳꓸ 14꓾ ꓟꓰꓹ-ꓮꓳ-ꓡꓮꓲꓽ ꓦꓲ ꓐꓱ ꓔꓯ ꓪꓴꓽ ꓓꓴ ꓥꓳ” ꓐꓰ ꓠꓴꓖ ꓶ ꓡꓯꓼ ꓚꓱꓹ ꓢꓲꓽ ꓒꓽ ꓔꓲ-ꓕꓴꓸ-ꓠꓮꓲꓽ ꓡꓰ ꓐꓯˍ ꓡꓳ꓿
ꓟꓬ-ꓟ ꓗꓴꓷꓼ ꓚ ꓟꓲꓽ ꓗꓪ ꓟꓯꓼ ꓡꓰ ꓙꓵꓽ ꓪ ꓦꓴ ꓠꓰ ꓟꓽ ꓓ ꓟ ꓠꓬ꓾ ꓬꓲꓸ ꓪ ꓶ ꓡꓯꓼ ꓚꓱꓹ ꓑꓶꓸ ꓓꓴ ꓥˍ ꓠꓬꓲ꓾ ꓗꓸ ꓠꓯꓸ ꓦꓴ ꓟꓽ ꓑꓶꓸ ꓗꓪ ꓛꓲ ꓟꓸ ꓙꓽ ꓓꓴ ꓠꓴꓖ ꓡꓰ ꓢꓯꓼ ꓩꓴ ꓡˍ ꓟ ꓥ ꓡꓳ꓿
“ꓑ ꓫꓬ ꓙꓵꓽ ꓪ ꓦꓴˍ ꓠꓬ ꓚꓲꓸ ꓛꓬ ꓙꓳˍ ꓟ ꓮ ꓙꓵꓽ ꓞꓳꓸ ꓬꓰ ꓡ ꓥ” ꓐꓰ ꓢꓷꓸ ꓡꓰ ꓠꓹ ꓟ ꓟꓲ ꓠꓯ ꓔꓯˍ ꓟꓲ ꓟꓳꓸ ꓖꓶ ꓠꓹ ꓟ ꓥ ꓡꓳ꓾ꓐꓯ ꓡꓳ꓿
ꓪ ꓡ ꓟ ꓒꓴ ꓠꓬ꓾ ꓟꓯꓼ ꓡꓰ ꓢꓰꓼ ꓗꓷ ꓢꓴ꓾ ꓦꓲ ꓟꓽ ꓙꓳ ꓡꓰ ꓢꓴ꓾ ꓟꓯꓼ ꓛꓰꓹ ꓐꓴ ꓐꓱ ꓶ ꓣꓱꓽ ꓓꓴ ꓥꓳ꓾ ꓐꓯ ꓡꓳ꓿
ꓕꓱ ꓟ ꓠꓬ ꓧꓶꓸ ꓕꓯꓽ ꓟꓽ ꓬꓰ ꓠꓬꓲˍ ꓟ ꓓꓵꓽ ꓙ ꓚꓱꓹ ꓬꓲꓸ ꓫꓵꓼ ꓕꓲ ꓟ ꓥ ꓡꓳ꓿
