ꓠꓴꓖ ꓗꓴꓷꓼ ꓙꓵꓽ ꓜꓴ ꓔꓯ ꓳ-ꓢ-ꓗ ꓜꓴ ꓡꓰ ꓙ-ꓑ ꓒꓴ 6 ꓪꓹ (ꓟꓬ-ꓟ ꓒꓴ 1000 ꓢꓯꓹ ꓖꓼ ꓡꓯꓼ ꓖꓼ ꓙꓲ) 2021 ꓘꓳꓼ꓾ 12 ꓦ 4 ꓠꓬꓲ ꓕꓯꓽ ꓬꓰ ꓙ ꓩꓴ ꓡ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓐꓱ ꓶ ꓢꓯꓼ ꓕꓵꓼ ꓔꓬ ꓟ ꓗꓴꓷꓼ ꓑ ꓫꓬ ꓐꓴ ꓠꓲꓹ ꓧꓳꓹ ꓗꓴꓷꓼ ꓙꓵꓽ ꓜꓴ ꓔꓯ ꓙ-ꓑ ꓟꓵꓽ ꓳ-ꓢ-ꓗ ꓜꓴ ꓗꓪ ꓐꓰ ꓢꓯꓼ ꓖꓶ ꓔꓳꓹ ꓙ ꓩꓴ ꓡ ꓟ ꓥ ꓡꓳ꓿
“ꓟꓬ-ꓟ ꓑ ꓫꓬ ꓐꓱ ꓶ ꓦꓰꓼ ꓙ ꓪˍ ꓠꓬꓲ꓾ ꓥꓪ ꓠꓴ ꓠꓲꓹ ꓟ ꓔꓯ ꓟꓳꓸ ꓖꓶ ꓪ ꓠꓬꓲ ꓫꓸ ꓟꓳ ꓪ” ꓐꓰ ꓳ-ꓢ-ꓗ ꓙꓵꓽ ꓢꓴ Mr. Kenji Matsuoka ꓡꓰ ꓐꓯ ꓡꓳ꓿
ꓔꓳꓹ ꓙ ꓒꓴ ꓬꓰ ꓙ ꓟ ꓜꓲꓼ ꓓꓴ ꓔꓯ ꓳꓠꓡꓲꓠꓰ ꓗꓪ ꓐꓰ ꓣꓱꓽ ꓬꓰ ꓟ ꓥ ꓢꓲ꓾ ꓠꓴꓖ ꓗꓪ ꓐꓰ ꓓꓣꓸ ꓪꓰꓹ-ꓟꓬꓮꓼ-ꓯꓸ ꓐꓰ ꓬꓲꓸ ꓛꓳ ꓒꓯꓹ ꓐꓴ꓾ ꓝꓮꓲ ꓳ-ꓢ-ꓗ ꓜꓴ ꓬꓲ ꓛꓲ MNSO & Kansai Group ꓢꓽ ꓡ ꓙꓵꓽ ꓓꓳ-ꓟꓳꓼ-ꓟꓳꓼ-ꓳꓸ ꓜꓲꓼ ꓡ ꓡꓳ꓿
