ꓙ-ꓑ ꓠꓲ-ꓑꓳ ꓜꓴ ꓢꓽ ꓡ ꓙꓵꓽ ꓢ-ꓢ-ꓗ-ꓪ (Mr. Yohei Sasakawa) ꓠꓬ ꓢꓠꓡꓓ (ꓮ-ꓢ ꓓꓰ-ꓟꓳ-ꓗꓯ-ꓢꓰ-ꓜꓴ ꓑ-ꓔꓲ) ꓢꓽ ꓡ ꓙꓵꓽ ꓢꓮꓲꓹ-ꓠꓬꓴꓼ-ꓡꓱꓲꓽ ꓔꓯ ꓠꓬꓲꓸ ꓠꓬꓲ 2021 ꓘꓳꓼ 11 ꓦ 16 ꓠꓬꓲ꓾ ꓟꓶ ꓘꓶꓼ 3:30-4:30 ꓗꓪ ꓛꓲ ꓬꓥ-ꓖꓳꓥ ꓡꓳ ꓒꓱ ꓗꓪ ꓜꓲ ꓡꓯ ꓘꓳ ꓡꓳ꓿
“ꓜꓲ ꓡꓯ ꓘꓳ ꓟ ꓗꓪ ꓮ ꓟꓶ ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓐꓰ꓾ ꓮ-ꓢ ꓟꓵꓽ ꓔꓯ ꓟꓳꓸ ꓒꓴ ꓒꓴ ꓡꓯ ꓡꓯ ꓖꓪ ꓙꓱ ꓡꓯ ꓘꓳ ꓡꓳ” ꓐꓰ ꓢꓠꓡꓓ ꓔꓳꓹ ꓙ ꓟꓬꓱꓽ ꓢꓲꓺ ꓢꓮꓲꓹ-ꓚꓳ-ꓠꓬꓴꓼ ꓡꓰ ꓝꓮꓚꓰꓐꓳꓳꓗ ꓗꓪ ꓢꓷ ꓙ ꓟꓴ ꓙ ꓔ ꓡꓳ꓿
ꓢ-ꓢ-ꓗ-ꓪ ꓠꓬ ꓣ-ꓘꓮꓲꓽ ꓟꓵꓽ ꓗꓪ ꓥ ꓟꓲ ꓚꓳ ꓙꓰ ꓢꓲꓸ ꓣ-ꓘꓮꓲꓽ ꓫꓵꓽ ꓑ-ꓔꓲ ꓐꓴ ꓐꓰ꓾ ꓮꓮ ꓟꓯꓼ ꓔꓯ ꓜꓲ ꓡꓯ ꓘꓳ ꓓꓳ ꓡꓰ ꓗꓸ ꓠꓯꓸ ꓕꓲ ꓠꓬꓲ ꓗꓪ ꓮꓮ ꓟꓯꓼ ꓡꓰ ꓟꓯꓼ ꓘꓶꓽ ꓗꓪ ꓣꓴ ꓟꓶ ꓔꓸ ꓟ ꓟꓬ-ꓟ ꓟꓯꓼ 15 ꓣꓳ ꓡꓲꓹ ꓖꓶ ꓩꓴ ꓡ ꓡꓳ꓿
ꓝꓮꓲ ꓢ-ꓢ-ꓗ-ꓪ ꓠꓬ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓥ ꓟꓲ ꓜꓲ ꓡꓯ ꓘꓳ ꓗꓷꓳ꓿ ꓝꓮꓲ ꓠꓡꓓ ꓔꓯ ꓟꓲ ꓜꓲ ꓡꓯ ꓘꓳ ꓓꓴ ꓥꓳ ꓐꓯ ꓔꓸ ꓡꓳ꓿
ꓙ-ꓑ ꓟꓵꓽ ꓗꓪ ꓐꓰ ꓡ ꓟ ꓢ-ꓢ-ꓗ-ꓪ ꓠꓬ ꓟꓬ-ꓟ ꓟꓵꓽ ꓗꓪ ꓢꓲ ꓡꓲꓹ ꓟ ꓚꓱꓹ ꓐꓱ ꓶ ꓬꓰ ꓙ ꓠꓹ ꓟ ꓛꓲ ꓡ ꓢꓲꓸ ꓖꓳ ꓑꓳ ꓕ ꓑꓳꓸ ꓖꓪ ꓙꓱ ꓙ ꓔꓬ ꓟ ꓥ ꓡꓳ꓿
