ꓴꓢꓮ꓾ ꓠꓰ-ꓬꓴ-ꓬꓳꓼ ꓡꓳ ꓒꓱ꓾ ꓟꓲꓺ ꓘꓴ ꓟꓯꓹ ꓕꓸ ꓦꓲ ꓕꓲ ꓟ ꓗꓪ ꓡ ꓛꓴꓸ ꓐꓶ ꓢꓴ ꓕꓲ ꓣꓳ ꓑꓶꓸ ꓓꓴ 13 ꓣꓳ ꓠꓻ ꓓꓴ ꓡꓰꓳ꓿
ꓟꓯꓼ ꓡꓰ ꓬꓰ ꓙ ꓔꓬ ꓟ
2022 ꓘꓳꓼ 4 ꓦ 12 ꓠꓬꓲ꓾ ꓠꓯꓼ 8:30 ꓙꓵꓹ ꓞꓳ ꓤ ꓧꓳꓹ ꓔꓶˍ ꓡꓰ ꓓꓵꓽ ꓓꓳ ꓔꓬ ꓟ ꓔꓲ ꓙꓵꓹ ꓗꓪ꓾ Sunset Park ꓕꓲ ꓛꓱꓽ꓾ ꓙ ꓖꓴ 36 ꓟꓯꓹ ꓕꓸ ꓦꓲ ꓗꓪ ꓡ ꓛꓴꓸ ꓔꓯꓹ ꓔꓸ ꓢꓴ ꓕꓲ ꓣꓳ ꓡꓰ ꓦ ꓟꓳ ꓦ ꓘꓪꓽ ꓕꓱ ꓡꓱ ꓐꓶ ꓩꓴ ꓡ ꓠꓬꓲ꓾ 13 ꓣꓳ ꓔꓯ ꓐꓶ ꓜꓯꓼ ꓠꓻ ꓓꓴ ꓬꓰ ꓟ ꓥ ꓡꓳ꓿
“ꓴꓢꓮ ꓠꓬ ꓪꓴꓽ ꓟꓴ ꓔꓬ ꓟ ꓗꓴꓷꓼ ꓥ ꓖꓶ ꓠꓰ ꓞꓳ ꓤꓽꓳ ꓔꓶ ꓟꓽ ꓛꓱꓼ ꓢꓴ ꓐꓯ ꓖꓴ ꓟꓽ ꓓ꓿ ꓓꓵꓽ ꓙ ꓚꓱꓹ ꓐꓬ ꓡꓰ ꓢꓴ ꓑꓶꓸ ꓓꓴ ꓢꓯꓼ ꓟꓬ ꓐꓱ ꓶ ꓙꓽ ꓫꓸ ꓓꓴ ꓙꓳˍ ꓥ꓿ ꓡꓲꓹ ꓗꓷ ꓩꓴ ꓗꓷ ꓟꓶˍ ꓟ ꓙꓵꓽ ꓪ ꓔꓯ ꓣꓱꓽ ꓘꓱꓻ ꓡꓰ ꓢꓲꓸ ꓢꓴ ꓔꓯ ꓠꓻ ꓡꓰ ꓝꓲ ꓢꓴ ꓙꓳˍ ꓡꓳ꓿ ꓳꓸ ꓕꓲ ꓩꓴꓸ ꓟ ꓔꓯ ꓡꓳ ꓪꓴꓸ ꓗꓳ-ꓣꓲꓸ-ꓬ꓾ ꓟꓬ-ꓟ ꓗꓴꓷꓼ ꓡꓲꓳ ꓫꓵꓽ ꓗꓪ ꓟꓯꓼ ꓡꓯ ꓛꓲ ꓗꓪ ꓔꓬ ꓝꓲ ꓠ ꓔꓸ ꓥ” ꓐꓰ ꓴꓢꓮ ꓗꓪ ꓛꓲ ꓔꓬ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓡꓽ ꓛꓴꓸ ꓐꓶ ꓒꓽ ꓠꓬ ꓔꓷꓹ ꓘꓰꓹ ꓡꓳꓹ ꓬꓰ ꓠꓬꓲ ꓟꓽ ꓣꓴ ꓟꓶ ꓢꓰꓽ꓿ ꓬꓲꓸ ꓮ ꓫꓵꓽ ꓠꓲꓹ ꓘꓪ ꓟꓽ ꓫꓵ ꓠꓰ ꓐꓶ ꓚꓳ ꓡ ꓟ ꓟꓽ ꓚꓲꓸ ꓚ ꓓꓳ ꓡ ꓢꓰꓽ ꓿
Source: BBC, Reuters
Photo: REUTERS/Brendan McDermid
