ꓠꓮꓲ‐ꓙꓲꓼ‐ꓣꓲꓼ‐ꓣꓼ ꓗꓴꓷꓼ(Nigeria)ꓗꓴꓷꓼ꓾ ꓟꓳ‐ꓘꓪ ꓡꓳ ꓒꓱ ꓗꓪ ꓠ ꓡꓲ. ꓠꓬꓲ ꓗꓪ ꓐꓰ ꓪꓴ. ꓔꓴ ꓢꓲ. ꓟꓶ ꓦ ꓮ ꓘꓶ. ꓦ ꓟ ꓑꓶ ꓓꓴ 6 ꓦ 2 ꓠꓬꓲ ꓕꓯ ꓗꓴꓷꓼ ꓙꓵꓽ ꓢꓴ ꓐꓴ ꓗꓪ ꓐꓰ ꓐꓯ ꓑꓶ ꓔ ꓟ ꓠꓬ ꓡ ꓞꓳ 200 ꓣꓳ ꓟꓽ ꓞꓲ ꓬꓲ ꓙꓬ ꓙꓵꓽ ꓢꓲ. ꓫꓵ.,ꓳ ꓐꓰ ꓐꓯ ꓔ ꓡꓳ꓿ ꓬꓰ ꓙ ꓧꓪ ꓟꓰ., ꓢꓴ ꓐꓴ ꓠꓬ ꓡꓯ ꓫꓵꓽ ꓧꓪ ꓔꓬ ꓢꓲ. ꓠꓮꓲ‐ꓙ ꓡꓳ ꓒꓱ ꓗꓪ ꓡ ꓞꓳ 500 ꓣꓳ ꓟꓽ ꓧꓪ ꓟꓶ ꓢꓲ ꓐꓰ ꓐꓯ ꓔꓬ ꓡꓳ꓿ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓐꓯ_ ꓟ ꓠꓬ ꓮ ꓟꓶ ꓠꓬ ꓢꓯꓼ ꓔꓬ ꓢꓴ ꓟꓽ ꓙꓳ ꓡꓰ ꓐꓰ ꓓꓵꓽ ꓙ ꓟ ꓑꓶ ꓓꓴ ꓬꓰ ꓙ ꓧꓪ ꓟꓰ.,_ ꓟ ꓟꓬꓱꓽ ꓔꓯ ꓠꓽ ꓓꓴ ꓥꓳ ꓐꓰ ꓐꓯ ꓔ ꓡꓳ꓿
60 ꓘꓳꓼ ꓬꓲ. ꓘꓴ ꓗꓪ ꓕꓱ ꓕꓲ ꓧꓪ ꓬꓲ ꓙꓬ ꓙꓵꓽ_ ꓟ ꓠꓬ ꓮ ꓕ ꓠꓬ ꓟꓽ ꓞꓲ ꓙꓵꓽ ꓡ ꓔꓬ ꓟ ꓥꓳ꓿ 2024 ꓘꓳꓼ ꓗꓪ ꓥ ꓟꓲ ꓬꓲ ꓙꓬ ꓙꓵꓽ ꓡ ꓟ ꓑꓶ ꓓꓴ ꓫ ꓑꓬ ꓖꓴ ꓗꓪ ꓔꓷ ꓘꓰ ꓠꓽ ꓗ ꓬꓰꓳ꓿ 2022 ꓘꓳꓼ ꓗꓪ ꓥ ꓟꓲ ꓬꓲ ꓙꓬ ꓙꓵꓽ ꓡ ꓠꓬꓲ ꓡ ꓞ0 600 ꓣꓳ ꓫꓵ., ꓢꓲ. ꓫ ꓑꓬ ꓖꓴ ꓗꓪ ꓔꓬ ꓢꓴ ꓠꓬ 12 ꓢꓯ, ꓣꓳ ꓙꓳ ꓗꓷ_ ꓟ ꓥꓳ ꓐꓰ ꓐꓯ ꓔ ꓡꓳ꓿
ꓮ ꓟꓶ ꓠꓬ ꓟꓬ‐ꓟ ꓗꓴꓷꓼ ꓡꓳ ꓪꓴ. ꓕꓲ ꓒꓳ, ꓗꓪ(ꓟꓶ‐ꓚꓲ‐ꓠ ꓐꓰ ꓑꓴ‐ꓔ‐ꓳ) ꓗꓪ ꓬꓲ ꓙꓬ ꓙꓵꓽ ꓔꓬ ꓟ ꓑꓶ ꓓꓴ ꓟꓶ‐ꓚꓲ‐ꓠ ꓗꓪ ꓞꓳ ꓘ, ꓕꓲ ꓐꓱ ꓠꓬ ꓬꓲ ꓙꓬ ꓟꓶ. ꓡꓰ ꓔꓬ ꓟ ꓥꓳ꓿ꓕꓱ ꓗꓪ ꓛꓳ ꓠꓬꓲ ꓡꓯ꓿https://lisutimes.com/ꓟꓶ-ꓚꓲ-ꓠ-ꓗꓪ-ꓮꓸ-ꓙꓬ-ꓙꓵꓽ-ꓠꓬꓹ-ꓪ/ ꓑꓴ‐ꓔ‐ꓳ ꓗꓪ https://lisutimes.com/ꓟꓶ-ꓡ-ꓐꓰ-ꓟꓶ-ꓡꓲꓸ-ꓠꓯ-ꓬꓲ-ꓙꓵꓽ-ꓔꓬ-2/
