Listen

ꓜꓽ ꓓꓳ ꓟꓽ ꓓ ꓟ (39) ꓫꓵꓽ ꓔꓯ ꓝꓓꓮ ꓡꓰ ꓧꓪ ꓟꓰꓹ ꓔꓸ ꓡꓳ

September 14, 2022 

TheLisuTimes

ꓙꓲꓺ ꓔꓲ ꓗꓪ ꓪꓴꓽ ꓔꓬ ꓟ ꓜꓽ ꓫꓵꓽ ꓓꓳ ꓫꓵꓽ ꓗꓪ ꓐꓰ (39) ꓫꓵꓽ ꓠꓬ ꓞꓳ ꓤ ꓐꓱ ꓶ ꓙꓲꓺ ꓣꓴ ꓓꓴ ꓙꓳˍ ꓟ ꓜꓯ ꓫꓵꓽ ꓓꓳ ꓫꓵꓽ ꓥ ꓠꓬꓲ꓾ ꓕꓽ ꓪꓴꓻ ꓕꓽ ꓜꓽ ꓠꓹ ꓟ ꓜꓽ ꓫꓵꓽ ꓐꓰ ꓠꓯꓺ ꓞꓲꓼ ꓚꓲꓸ ꓚ ꓗꓪꓽ ꓫꓵꓽ ꓜꓴ (ꓝꓓꓮ) ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿ 

ꓟꓬ-ꓟ ꓕꓳ ꓶ ꓵꓺ ꓗꓴꓸ ꓢꓴ ꓐꓴ꓾ ꓵꓺ ꓟꓽ ꓗꓴꓸ ꓥ ꓟꓲ ꓜꓽ ꓫꓵꓽ ꓓꓳ ꓫꓵꓽ ꓐꓬꓱꓽ ꓛꓳꓽ ꓡꓳꓸ ꓢꓲꓸ ꓟꓽ ꓪꓴꓻ꓾ ꓟꓽ ꓜꓽ ꓠꓹ ꓟ ꓤ ꓟꓳ ꓙꓲꓽ ꓙꓳ ꓡꓳ꓿

ꓜꓽ ꓫꓵꓽ ꓓꓳ ꓫꓵꓽ ꓶ ꓡꓯꓼ ꓬꓰ ꓢꓴ ꓐꓴ ꓔꓯ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰꓽ ꓔꓶꓼ ꓠꓽ ꓡꓰ ꓝꓲ ꓟꓽ ꓐ ꓡ ꓟ ꓦꓬꓼ ꓠꓬꓲ ꓗꓪ꓾ ꓚꓲꓸ ꓛꓬ ꓒꓴ ꓓꓳ ꓢꓲꓸ ꓪꓴꓻ ꓜꓽ ꓔꓬ ꓢꓴ (Customer) ꓚꓲꓸ ꓛꓬ ꓖꓳ ꓓꓱꓽ ꓔꓬ ꓢ ꓚꓱꓹ ꓐꓱ ꓶꓽ ꓢꓷꓸ ꓠꓲꓹ ꓙꓳ ꓠꓹ ꓟ ꓦꓬꓼ ꓠꓬꓲ ꓥ ꓡꓳ꓿

ꓚꓲꓸ ꓛꓬ ꓪꓳꓽ ꓐꓱ ꓗꓪ ꓠꓲꓹ ꓛꓵꓼ ꓛꓵꓼ ꓟ ꓪꓳꓽ ꓒꓬꓽ ꓪꓳ ꓟꓲ ꓔꓶ ꓜꓽ ꓔꓶ ꓓꓳ ꓐ ꓡ ꓠꓬ ꓙꓲ ꓟꓼ ꓠ ꓬꓰ ꓟ ꓥ ꓡꓳ꓿ Coffemix ꓬꓲꓸ ꓛꓲ ꓠꓬ ꓡꓽ ꓚꓸ ꓙꓲ ꓙꓲ ꓚꓸ ꓓꓳ ꓠꓬ ꓙꓲ ꓖꓴ ꓙꓳ ꓡꓳ꓿ ꓒꓴ ꓡꓰꓸ ꓒꓲꓼ ꓬꓰ꓾ ꓖꓳ ꓓꓱꓽ ꓡꓲꓸ ꓐꓬ ꓡꓰ ꓥꓳꓽ ꓕꓽ ꓬꓰ ꓡꓯ ꓐꓰ The Lisu Times ꓗꓪ ꓐꓰ ꓢꓯꓼ ꓖꓶ ꓩꓴ ꓡ ꓥꓳ꓿

NUG ꓗꓴꓷꓼ ꓙꓵꓽ ꓜꓴ ꓐꓱ ꓶ ꓫꓸ ꓕꓱ ꓢꓴ ꓡꓰꓽ  ꓣꓳ-ꓦꓲ-ꓙ ꓫꓵꓽ ꓔꓯ ꓖꓶ ꓬꓲꓽ ꓩꓴ ꓡꓻꓳ

September 14, 2022 

TheLisuTimes

NUG ꓗꓴꓷꓼ ꓙꓵꓽ ꓜꓴ ꓐꓱ ꓶ ꓫꓸ ꓕꓱ ꓢꓴ ꓳꓸ-ꓚꓳ-ꓜꓳ ꓡꓰꓽ ꓠꓬꓲꓸ ꓠꓬꓲ 2022 ꓘꓳꓼ 9 ꓦ 14 ꓠꓬꓲ ꓕꓯꓽ ꓣꓳ-ꓦꓲ-ꓙ ꓫꓵꓽ ꓔꓯ ꓬꓲꓸ ꓚꓲꓸ ꓛꓬ ꓡꓰꓽ ꓖꓶ ꓬꓲꓽ ꓩꓴ ꓡꓻꓳ꓿

2017 ꓘꓳꓼ 10 ꓦ 2 ꓠꓬꓲ ꓕꓯꓽ ꓬꓲꓸ ꓘꓳ ꓣꓴ ꓟꓶˍ ꓟ ꓓꓳꓽ ꓡꓳ ꓚ ꓐꓰ꓾ ꓖꓳ ꓕꓯꓽ ꓟ ꓑ ꓫꓬ ꓡꓰ ꓢꓲꓻ ꓣꓴ ꓔꓸ ꓟ ꓗꓴꓷꓼ ꓙꓵꓽ ꓜꓴ ꓐꓱ ꓶ ꓓꓵꓽ ꓙ ꓢꓲ꓾ ꓣꓳ-ꓦꓲ-ꓙ ꓫꓵꓽ ꓪꓴꓻ ꓗꓪ ꓟꓽ ꓔꓱꓹ ꓟꓽ ꓜꓳꓽ ꓢꓸ ꓢꓯ ꓦꓰꓼ ꓢꓲꓸ ꓫꓸ ꓕꓱ ꓗꓷ ꓠꓬꓲ꓾ ꓣꓳ-ꓦꓲ-ꓙ ꓫꓵꓽ ꓐꓴ ꓔꓯ ꓠꓻ ꓡꓰ ꓝꓲˍ ꓟ ꓑꓶꓸ ꓓꓴ ꓖꓽ ꓖꓶ ꓡꓯ ꓐꓰ ꓖꓶ ꓬꓲꓽ ꓔꓸ ꓡꓳ꓿

ꓕꓱ ꓟ ꓠꓬ ꓟꓬ-ꓟ ꓟꓯꓼ꓾ ꓟꓬ-ꓟ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓧꓳꓽ ꓢꓴ ꓮꓳ-ꓢ-ꓢꓴ-ꓚꓰꓽ ꓐꓰ꓾ ꓟꓬ-ꓟ ꓗꓴꓷꓼ ꓗꓪ ꓟ ꓗꓴꓷꓼ ꓟꓬꓱꓽ ꓬꓰ ꓢꓴ ꓕꓲꓽ ꓣꓳ ꓡꓰꓸ ꓐꓯ ꓟꓽ ꓑꓶꓸ꓾ ꓖꓶ ꓬꓲꓽ ꓟꓽ ꓑꓶꓸ ꓟ ꓫꓵꓽ ꓪꓴ ꓔꓯ ꓬꓲꓸ ꓪꓴꓸ ꓖꓶ ꓬꓲꓽ ꓩꓴ ꓡ ꓟ ꓥ ꓡꓳ꓿

2021 ꓘꓳꓼ ꓕ ꓑꓳꓸ ꓠꓬ ꓟꓬ-ꓟ ꓗꓴꓷꓼ ꓗꓪ ꓟ ꓞꓳ ꓤ ꓶꓽ ꓐꓱ ꓶ ꓟꓬꓱꓽ ꓬꓰ ꓢꓴ ꓐꓴ꓾ ꓕꓳ ꓶ ꓐꓳ ꓢꓴ ꓟꓬꓱꓺ ꓓꓳ ꓙꓳ ꓢꓴ ꓐꓴ ꓠꓬ ꓣꓳ-ꓦꓲ-ꓙ ꓔꓯ ꓟꓬ-ꓟ ꓟꓯꓼ ꓡꓰ ꓞꓳ ꓤ ꓟꓽ ꓢꓪꓼ ꓢꓰꓼ ꓔꓬ ꓕꓯꓽ ꓬꓲꓸ ꓪ ꓐꓱ ꓶ ꓟꓽ ꓫꓸ ꓕꓱ ꓙ꓾ ꓟꓶ ꓠꓷꓹ ꓟꓽ ꓙꓳ ꓪ ꓡꓰ ꓔꓬ ꓗꓷ ꓟ ꓡꓰꓽ ꓟꓽ ꓞꓲ꓾ ꓟꓬ-ꓟ ꓟꓯꓼ ꓠꓲꓹ ꓡꓶꓽ ꓔꓯ ꓛꓳ ꓢꓲꓸ ꓐꓯ ꓕꓼ ꓐꓯ ꓥꓰꓸ ꓝꓬꓲꓸ ꓓꓰꓺ ꓗꓷ ꓟ ꓔꓯ ꓓꓵꓽ ꓙ ꓧꓪꓸ ꓛꓲꓽ ꓡ ꓢꓲꓸ ꓖꓶ ꓬꓲꓽ ꓢꓴ ꓙꓳˍ ꓡꓳ꓿

ꓠꓴꓖ ꓗꓴꓷꓼ ꓙꓵꓽ ꓜꓴ ꓠꓬ ꓟꓬ ꓔꓯ ꓐꓯ ꓟꓴ ꓩꓴ ꓔꓸ ꓟ ꓫꓵꓽ ꓪꓴ ꓐꓱ ꓶ ꓲꓚꓙ ꓡꓰꓽ ꓫꓵꓽ ꓘꓶꓽ ꓡ ꓟ ꓔꓯ ꓘꓳ ꓣꓴ ꓓꓴ ꓥꓳ꓾ ꓐꓰ ꓕꓳ ꓶ ꓓꓳ ꓔꓸ ꓡꓳ꓿ 

ꓟꓬ-ꓟ ꓟꓯꓼ ꓡꓰ ꓖꓼ ꓢꓰꓼ ꓡ ꓠꓬꓲ꓾ ꓣꓳ-ꓦꓲ-ꓙ 7 ꓢꓯꓹ ꓣꓳ ꓟꓽ ꓞꓲ ꓐꓲ-ꓖ-ꓡ-ꓓꓯ-ꓫꓲ ꓗꓴꓷꓼ ꓗꓪ ꓛꓰꓹ ꓑꓬ ꓔꓬ ꓟ ꓮ ꓟꓶ ꓠꓬ 5 ꓘꓳꓼ ꓐꓲ ꓡꓰꓳ꓿

Watch