Audio News
[ai_playlist id=”21863″]
Video News
ꓟꓶ-ꓡ-ꓫꓵ-ꓓꓰ ꓙꓲ ꓔꓲꓺ ꓗꓪ ꓒꓴ ꓚꓬꓼ ꓜꓱꓽ ꓢꓴ 1 ꓣꓳ ꓣꓴ ꓟꓶ
ꓑꓴ-ꓔ-ꓳ ꓟꓵ꓾ ꓟꓶ-ꓡ-ꓫꓵ-ꓓꓰ ꓙꓲꓺ ꓔꓲ ꓗꓪ ꓒꓴ ꓚꓬꓼ ꓜꓱꓽ ꓢꓲꓸ ꓙꓲꓻ ꓔꓲꓺ ꓪꓴ ꓡ ꓢꓴ 1 ꓣꓳ ꓔꓯ ꓟꓲꓸ ꓟꓲ 2022 ꓘꓳꓼ 8 ꓦ 24 ꓠꓬꓲ ꓟꓳꓼ ꓡꓳ ꓔꓱꓹ ꓫꓵꓺ ꓕꓯꓽ ꓞꓳ ꓘꓹ ꓢꓴ ꓐꓴ ꓡꓰ ꓣꓴ ꓟꓶ ꓕꓲꓺ ꓡꓰꓳ꓿
“ꓒꓴ ꓚꓬꓼ ꓠꓰ ꓞꓳ ꓔꓲꓺ ꓟ ꓮ-ꓘꓴ-ꓓꓰꓺ ꓙꓲ ꓔꓲ ꓗꓪ ꓪꓴꓻ ꓡ ꓐꓶ꓿ 2 ꓢꓯꓹ ꓕꓯꓽ ꓢꓲꓺ ꓥ꓿ ꓡꓳꓽ ꓟꓲꓽ ꓒꓽ ꓤ ꓖꓴ ꓡꓯꓸ 2 ꓣꓳ ꓥ ꓢꓲꓸ ꓕꓲ ꓣꓳ ꓔꓯ ꓣꓴ ꓟꓶ꓾ ꓕꓲ ꓣꓳ ꓠꓬ ꓔꓷꓹ ꓡꓲꓹ ꓙꓰꓳ꓿ ꓮ ꓟꓶ ꓣꓴ ꓟꓶ ꓢꓴ ꓟ ꓔꓯ ꓑꓳ-ꓡꓲ ꓟꓯꓼ ꓡꓯ ꓒꓯꓹ ꓗꓪ ꓡꓯꓼ ꓙꓱ ꓩꓴꓳ” ꓐꓰ ꓖꓳ ꓗꓪ ꓡꓳꓸ ꓟꓳ ꓢꓴ ꓕꓲꓽ ꓣꓳ ꓡꓰ ꓐꓯ ꓡꓳ꓿
ꓟꓶ-ꓡ-ꓫꓵꓸ-ꓓꓰ ꓙꓲꓺ ꓔꓲꓺ ꓙ ꓗꓪ ꓒꓴ ꓚꓬꓼ ꓫꓵꓽ ꓪꓴ ꓕꓱ ꓟ ꓠꓬ ꓬꓲꓸ ꓪꓴꓸ ꓕꓲꓽ ꓧꓪꓹ ꓔꓳꓹ ꓜꓳꓽ ꓟ ꓥ ꓡꓳ꓿
ꓐꓬꓱꓽ꓾ ꓚꓙ
ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓔꓯ ꓙꓵꓽ ꓪꓽ ꓗꓪ ꓐꓰ ꓕꓲ ꓑꓹ ꓠꓽ ꓔꓸ ꓝꓲꓳ
ꓕꓮꓲꓹ ꓗꓴꓷꓼ ꓙꓵꓽ ꓚꓱꓹ ꓔꓯ ꓟꓳꓸ ꓐꓯ ꓟꓴ ꓕꓲꓺ ꓗꓪ ꓐꓰ 2022 ꓘꓳꓼ 8 ꓦ 24 ꓠꓬꓲ ꓕꓯꓽ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓑ-ꓣ-ꓬꓴꓼ (Prayut Chan-o-cha) ꓔꓯ ꓙꓵꓽ ꓪꓽ ꓗꓪ ꓐꓰ ꓕꓲ ꓑꓹ ꓠꓽ ꓔꓸ ꓝꓲꓳ꓾ ꓐꓰ ꓓꓳꓽ ꓜꓳ ꓡꓳ꓿
ꓕꓮꓲꓹ ꓑ ꓫꓬ ꓝꓲ ꓓꓴ 172 ꓣꓳ ꓗꓪ ꓐꓰ ꓗꓴꓷꓼꓬꓱꓽ ꓢꓲꓺ ꓓ ꓟ ꓑ-ꓣ-ꓬꓴꓼ ꓙꓵꓽ ꓪ ꓠꓬꓲꓺ ꓖꓴ ꓗꓪ 8 ꓘꓳꓼ ꓕꓯꓽ ꓢꓲꓺ ꓔꓬ ꓟ ꓠꓬ ꓕꓮꓲꓹ ꓗꓴꓷꓼ ꓙꓵꓽ ꓗ ꓬꓲꓸ ꓚꓰꓺ ꓔꓯ ꓪꓽ/ ꓟꓽ ꓪꓽ ꓢꓪꓼ ꓖꓶ ꓡꓯ ꓐꓯ ꓢꓲꓸ ꓕꓮꓲꓹ ꓗꓴꓷꓼ ꓙꓵꓽ ꓗ ꓚꓰꓺ ꓔꓯ ꓟꓳꓸ ꓐꓯ ꓟꓴ ꓘꓶꓽ ꓜꓴ ꓗꓪ ꓗꓳꓹ ꓩꓴ ꓡ ꓟ ꓑꓶꓸ ꓕꓱ ꓡꓱ ꓠꓽ ꓔꓸ ꓝꓲ ꓟ ꓥ ꓡꓳ꓿
ꓗꓳꓹ ꓢꓴ ꓐꓴ ꓵꓺ ꓟꓬꓱꓺ ꓠꓬ 172 ꓣꓳ ꓙꓳˍ ꓠꓬꓲ꓾ ꓬꓲꓸ ꓪ ꓗꓳꓹ ꓘꓶꓽ ꓔꓯ ꓚꓲꓸ ꓚ ꓠꓹ ꓟ ꓐꓱ ꓶ ꓟꓲꓸ ꓟꓲ 8 ꓦ 24 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓚꓲꓸ ꓚ ꓓꓳ ꓡꓰ꓾ ꓐꓯ ꓟꓴ ꓘꓶꓽ ꓩꓴ ꓡ ꓕꓲꓽ ꓠꓬꓲ ꓗꓪ ꓛꓲ ꓬꓲꓸ ꓙꓵꓽ ꓪ ꓟꓬꓱꓽ ꓮ ꓙꓵꓽ ꓗꓪ ꓐꓰ ꓠꓽ ꓔꓸ ꓝꓲ ꓓꓴ ꓥ ꓡꓳ꓿“ꓑ-ꓣ-ꓬꓴꓼ ꓠꓬ 15 ꓠꓬꓲ ꓟ ꓘꓴꓽ ꓗꓪ ꓗꓳꓹ ꓘꓶꓽ ꓔꓯ ꓒꓶꓻ ꓫꓬ ꓠ ꓔꓸ ꓥ” ꓐꓰ ꓐꓯ ꓟꓴ ꓘꓶꓽ ꓖꓴ ꓗꓪ ꓐꓰ ꓐꓯ ꓡꓳ꓿
ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓠꓬ ꓬꓲꓸ ꓔꓱꓹ ꓬꓲꓸ ꓟꓯꓼ ꓜꓲꓽ ꓓꓽ ꓟ ꓟꓬꓱꓽ ꓣꓱꓽ ꓢꓴ ꓥ ꓢꓲ꓾ 204 ꓘꓳꓼ ꓕꓯꓽ ꓗꓴꓷꓼ ꓙꓵꓽ ꓪ ꓦꓴ ꓣꓴ ꓢꓲꓸ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓙꓵꓽ ꓪ ꓟꓯꓻ ꓔꓬ ꓟ 8 ꓘꓳꓼ ꓐꓲ ꓡꓰˍ ꓟ ꓥ ꓡꓳ꓿
ꓬꓲꓸ ꓔꓯ ꓚꓲꓸ ꓚ ꓔꓬ ꓟ ꓦꓬꓼ ꓠꓬꓲ ꓗꓪ꓾ ꓬꓲ ꓛꓲ ꓔꓳꓹ ꓙ ꓟꓬꓱꓽ ꓢꓲꓺ ꓓꓽ ꓟ ꓑ-ꓣ-ꓪꓲꓼ ꓑꓮꓳ-ꓢꓴ-ꓪꓳꓽ ꓡꓰ ꓙꓵꓽ ꓪ ꓣꓱꓽ ꓔꓬ ꓓꓴ ꓥ ꓡꓳ꓿
ꓐꓬꓱꓽ꓾ Bangkok Post