Audio News
ꓗꓠꓓꓝ 1 ꓘꓳꓼ ꓐꓲ ꓬꓰꓳ꓾ ꓮꓮ/ꓗꓲꓮ/ꓔꓠꓡꓮ ꓡꓰ ꓪꓳꓽ ꓙ ꓔꓳꓹ ꓙ ꓥꓳ
ꓠꓬꓲꓸ ꓠꓬꓲ 2022 ꓩꓳꓼ 5 ꓦ 31 ꓠꓬꓲ ꓕꓯꓽ ꓗ-ꓬꓲ-ꓠꓰ ꓞꓳ ꓫꓵꓽ ꓡꓳꓸ ꓙ ꓗꓽ ꓙ ꓟꓯꓼ (ꓗꓠꓓꓝ) ꓔꓶ ꓗꓷ ꓟ 1 ꓘꓳꓼ ꓐꓲ ꓡꓰˍ ꓟ ꓚꓲꓸ ꓟꓶ ꓓꓴ ꓑꓮꓲ ꓔꓯ ꓟꓯꓼ ꓜꓴ (5) ꓔꓬ ꓔꓶꓸ ꓗꓪ ꓬꓰˍ ꓡꓳ꓿
ꓗꓠꓓꓝ ꓠꓬ ꓗꓮ ꓟꓯꓼ ꓔꓯ ꓔꓺ ꓢꓲꓸ ꓟꓬ-ꓟ ꓟꓯꓼ ꓔꓯ ꓬꓲꓸ ꓧꓶꓽ ꓔꓳꓼ ꓡꓯ ꓘꓳ ꓔꓬ ꓢꓴ ꓕꓲꓽ ꓜꓴ ꓥ ꓡꓳ꓿ ꓬꓲꓸ ꓪ ꓔꓯ ꓧꓳꓽ ꓢꓴ ꓠꓬ ꓗꓮ ꓟꓯꓼ ꓜꓲꓽ ꓗꓽ ꓐꓲ-ꓕꓴꓸ ꓥ ꓡꓳ꓿
ꓗꓠꓓꓝ 1 ꓘꓳꓼ ꓐꓲ ꓡ ꓟ ꓦꓬꓼ ꓠꓬꓲ ꓚꓲꓸ ꓟꓶ ꓓꓴ ꓑꓮꓲ ꓗꓪ ꓛꓳ ꓒꓯꓹ ꓟꓯꓼ ꓐꓴ ꓥ ꓟꓲ ꓢꓯꓼ ꓖꓶꓽ ꓘꓶꓽ ꓕꓱ ꓩꓴ ꓡ ꓡꓳ꓿ ꓖꓳ ꓟ ꓗꓪ ꓐꓰ ꓗꓲꓮ/ꓮꓮ/ꓔꓠꓡꓮ ꓡꓰ ꓪꓳꓽ ꓙ ꓔꓳꓹ ꓙ ꓓꓴ ꓥꓳ ꓐꓰ ꓐꓯ ꓩꓴ ꓡ ꓡꓳ꓿
ꓬꓥ-ꓖꓳ ꓗꓪ ꓐꓳꓽ ꓑꓳ꓾ 1 ꓣꓳ ꓫꓵꓻ꓾ 9 ꓣꓳ ꓠꓻ ꓓꓴ ꓡꓰ
2022 ꓘꓳꓼ 5 ꓦ 31 ꓠꓬꓲ꓾ ꓟꓶ ꓘꓶꓼ 3 ꓙꓵꓹ ꓛꓲ ꓕꓯꓽ ꓬꓥ-ꓖꓳ ꓡꓳ ꓒꓱ ꓔꓱꓹ ꓫꓵꓺ꓾ ꓐꓹ ꓙ ꓖꓴ ꓟꓳ ꓓꓳ ꓠꓽ ꓔꓶꓸ ꓒ ꓕꓲ ꓗꓪ ꓐꓳꓽ ꓕꓲ ꓢꓶꓽ ꓑꓳꓺ ꓡ ꓢꓲ꓾ 1 ꓣꓳ ꓫꓵꓻ꓾ 9 ꓣꓳ ꓠꓻ ꓓꓴ ꓬꓰꓳ꓿
“ꓫꓵꓻ ꓢꓴ ꓠꓬ ꓮ ꓘꓶꓸ ꓠꓻ ꓓꓴ ꓬꓰ ꓢꓴ 2 ꓣꓳ ꓗꓪ ꓐꓰ 1 ꓣꓳ ꓥꓳ꓿ ꓮ ꓔꓲꓸ ꓔꓲꓸ ꓠꓻ ꓓꓴ ꓬꓰ ꓢꓴ 9 ꓣꓳ ꓙꓳˍ ꓡꓳ” ꓐꓰ ꓠꓯꓺ ꓞꓲꓼ ꓦꓲ ꓗꓪ ꓟꓬꓱꓽ ꓬꓰ ꓢꓴ ꓕꓲ ꓣꓳ ꓡꓰꓽ ꓐꓯ ꓡꓳ꓿
ꓐꓳꓽ ꓑꓳ ꓡ ꓗꓸ ꓠꓯꓸ ꓮ ꓟꓶ ꓖꓶ ꓑꓳꓺ ꓡ ꓢꓲꓽ ꓥ ꓢꓶꓽ ꓐꓯ ꓢꓲꓸ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓠꓲꓹ ꓞ ꓠꓲꓹ ꓧꓳꓽ ꓚꓬꓴꓹ ꓙ ꓟꓽ ꓑꓶꓸ ꓗꓷ ꓡꓰꓳ꓾ ꓐꓯ ꓡꓳ꓿
ꓙ ꓖꓴ 35 ꓔꓱꓹ ꓫꓵꓺ ꓕꓲ ꓗꓺ ꓐꓰ꓾ ꓐꓹ ꓙ ꓖꓴ ꓝꓱꓺ ꓡ ꓟ ꓗꓪ ꓐꓳꓽ ꓑꓳꓺ ꓡꓰˍ ꓟ ꓥ ꓢꓲ꓾ ꓟꓯꓼ ꓗꓳ-ꓢꓰ ꓐꓰ ꓠꓴꓖ ꓢꓲꓽ ꓒꓽ/ꓟ ꓐꓴ ꓠꓬꓲꓽ ꓛꓱꓽ ꓡꓱꓸꓼ ꓠꓲꓹ ꓟ ꓟꓽ ꓪꓽ ꓘꓶꓽ ꓕꓱ ꓩꓴ ꓡ ꓡꓳ꓿
Video News
