ꓑ-ꓔꓲ ꓒꓴ ꓓꓵꓽ/ꓓꓳ ꓚꓱꓹ ꓔꓯ ꓟꓽ ꓚꓲꓸ ꓚ ꓝꓲ ꓐꓯ ꓠꓬ ꓑ-ꓔꓲ ꓔꓯ ꓠꓽ ꓩꓴ ꓗꓪ ꓛꓲ ꓝꓴꓲꓸ ꓖꓶꓽ ꓓꓴ ꓥꓳ ꓐꓰ ꓟꓬ-ꓟ ꓟꓯꓼ ꓡꓯꓼ ꓛꓲ ꓗꓪ ꓟ ꓴꓰꓚ ꓡꓰ ꓠꓡꓓ ꓐꓰ ꓢꓠꓡꓓ ꓐꓴ ꓔꓯ ꓙꓳꓺ ꓗꓽ ꓢꓷ ꓙ ꓟꓴ ꓙ ꓕꓳ ꓶ ꓖꓶꓽ ꓩꓴ ꓡ ꓡꓳ꓿
ꓕꓱ ꓐꓱ ꓶ ꓬꓲꓸ ꓙꓵꓹ 2 ꓫꓵꓽ ꓠ ꓖꓶ ꓔꓸ ꓢꓲꓸ ꓟꓽ ꓛꓳ ꓠꓬ ꓝꓴꓲꓸ ꓖꓶ ꓓꓴ ꓥꓳ ꓐꓯ ꓔ ꓡꓳ꓿
ꓠꓡꓓ ꓡꓰ ꓐꓯ ꓠꓬ ꓧꓳꓽ ꓢꓴ ꓔꓯ ꓐꓱ ꓓꓴꓽ ꓗꓪ ꓣꓴ ꓡꓴꓽ ꓔꓸ ꓠꓬ ꓛꓪ ꓠꓴ ꓮ ꓟˍ ꓟꓲ ꓒꓴ ꓓꓵ/ ꓓꓳ ꓚꓱꓹ ꓒꓳꓹ ꓖꓶ ꓟꓽ ꓐ ꓡ ꓐꓯ ꓔꓸ ꓡꓳ꓿
ꓝꓮꓲ ꓢꓠꓡꓓ ꓡꓰ ꓥ ꓟꓲ ꓥꓪ ꓠꓴ ꓑ-ꓔꓲ ꓙꓵꓽ ꓦꓲ ꓗꓪ ꓴꓰꓚ ꓡ ꓢꓲꓸ ꓚꓲꓸ ꓚ ꓡꓯ꓿ ꓥꓪ ꓠꓴ ꓠꓬ ꓠꓴ ꓪ ꓔꓬ ꓗꓪ ꓡ ꓓꓴ ꓟꓽ ꓥ ꓐꓯ ꓡꓽ ꓩꓴ ꓡ ꓡꓳ꓿
ꓟꓲꓸ ꓕꓯꓽ ꓢꓲ ꓟ ꓦꓬꓼ ꓠꓬꓲ ꓗꓪ ꓑ-ꓔꓲ ꓓꓽ ꓟ ꓕꓱ ꓠꓬꓲꓽ ꓟ ꓔꓯ ꓟꓯꓼ ꓡꓯ ꓛꓲ ꓗꓪ ꓬꓲꓸ ꓫꓵꓼ ꓒꓴ ꓔꓸ ꓟ ꓴꓰꓚ ꓡꓰ ꓮ ꓡꓰ ꓬꓰ ꓡ ꓟ ꓔꓯ ꓢꓰꓸ ꓮ ꓢꓸ ꓔꓬ ꓡꓳ꓿
