ꓗꓳꓼ-ꓘꓮꓲ꓾ ꓘꓹ ꓒꓱ (5) ꓗꓪ ꓔꓬ ꓟ ꓟꓸ ꓒ ꓜꓳ-ꓡꓳꓟ ꓠꓬ ꓦꓲ ꓗꓪ ꓐꓰ ꓟꓶꓽ ꓬꓰ ꓟ 4 ꓦꓬꓼ ꓡꓳꓼ ꓕꓯ꓾ ꓡꓯꓽ ꓒꓯꓹ ꓗꓸ ꓢꓲ ꓗꓪ ꓞꓳꓹ ꓔꓸ ꓢꓲ ꓫꓵꓻ ꓖꓴ ꓟ ꓬꓲꓸ ꓧꓪ ꓖꓳ ꓓꓱꓽ ꓔꓯ ꓔ-ꓟꓳꓹ-ꓠꓬꓹ꓾ ꓠꓼ-ꓩꓴꓸ ꓘꓹ ꓒ ꓕꓲ ꓗꓪ ꓮꓸ ꓠꓬꓲ ꓡꓳꓸ ꓢꓴ ꓤ ꓠꓱ ꓐꓴ ꓡꓰ ꓡꓳꓸ ꓟꓳ ꓡꓳ=
ꓟꓸ ꓒ L. Hkun Zau Lum ꓬꓲꓸ ꓠꓬ ꓗ-ꓛꓲ ꓖꓳ ꓓꓱ ꓔꓲꓹ ꓒꓳ ꓙ ꓡꓯ ꓘꓳ ꓜꓴ ꓙꓵꓽ ꓦꓲ ꓙꓵꓽ ꓢꓴ ꓥ ꓢꓲ꓾ 2020 ꓘꓳꓼ ꓕꓯ ꓟꓸꓓꓲꓦ ꓙꓵꓽ ꓪꓴꓸ ꓛꓴꓽ ꓘꓳꓹ ꓟꓶ ꓡꓰ ꓢꓴ ꓟꓲꓔ ꓙꓳꓥ ꓟꓽ ꓡꓵ ꓕꓲ ꓣꓳ ꓥ ꓡ ꓳ= ꓬꓲꓸ ꓔꓯ ꓮ ꓡꓲ ꓕꓲ ꓜꓴ ꓡꓰ ꓞꓳꓹ ꓢꓲꓸ ꓢꓰꓼ ꓗꓷ ꓟ ꓚꓲꓸ ꓚ ꓟꓽ ꓓꓳ ꓡ ꓢꓰ=
ꓕꓱ ꓟ ꓑꓶꓸ ꓓꓴ 6 ꓦ 22 ꓠꓬꓲ ꓗꓪ ꓟꓬ-ꓟ ꓪꓴ-ꓢ ꓙ ꓖꓴ ꓢꓳ ꓦꓲ ꓓꓽ ꓟ (ꓟꓲꓔ) ꓗꓪ ꓟ ꓢꓳ ꓒ ꓢꓳ ꓟ ꓡꓵꓺ ꓜꓴ ꓗꓪ ꓐꓰ ꓜꓰ ꓒꓰꓹ ꓟ ꓦꓲ ꓘꓴ ꓢꓴ ꓐꓱ ꓶ ꓠꓲꓹ ꓗꓴ ꓟꓬ ꓗꓴ ꓘꓶꓽ ꓐꓳ ꓖꓶ ꓔꓸ ꓟ ꓕꓳ ꓶ ꓗꓪ “ꓔꓱꓹ ꓟ ꓗꓪ ꓦꓰꓼ ꓢꓲꓸ ꓢꓯꓼ ꓟꓬ ꓖꓶ ꓗꓷ ꓢꓴ” ꓐꓯ ꓔꓸ ꓡꓳ=
