2021 ꓘꓳꓼ 9 ꓦ 19 ꓠꓬꓲ ꓕꓯ ꓟꓶ-ꓡꓯ-ꓫ ꓟꓵꓽ (Malaysia Johor bahru) ꓗꓪ ꓟꓶꓽ ꓡꓰ ꓢꓴ ꓑꓴ-ꓔ-ꓳ ꓟꓵꓽ꓾ ꓐ-ꓯ ꓘꓹ ꓗꓪ ꓐꓰ ꓡ ꓢꓴ ꓡꓲ-ꓢꓴ ꓟ ꓥꓪ-ꓟ-ꓥꓰ ꓔꓯ ꓧꓪ ꓟꓳ ꓡꓰꓳ ꓐꓰ the Lisu Times ꓗꓪ ꓓꓳꓽ ꓜꓳ ꓛꓲ ꓡ ꓡꓳ=
“ꓬꓲ ꓔꓯ ꓧꓪ ꓟꓶꓳ= (2021 ꓘꓳꓼ 10 ꓦ 10 ꓠꓬꓲ)ꓴꓢꓮ ꓠꓯꓼ ꓠꓯꓼ 9 ꓙꓵꓹ ꓗꓪ ꓬꓲꓸ ꓔꓯ ꓧꓪ ꓟꓶ ꓡꓰꓳ꓿ ꓬꓲꓸ ꓟ ꓐꓰ ꓫꓸ ꓕꓱ ꓙ ꓡꓯ ꓘꓳ ꓟꓶ ꓬꓰꓳ= ꓡꓲ-ꓢꓴ ꓕꓲ ꓣꓳ ꓖꓶ ꓟꓽ ꓔꓬ ꓟ ꓟꓵꓽ ꓗꓪ꓾ ꓟꓶ-ꓡꓯ-ꓫ ꓗꓪ ꓟ ꓡꓲ-ꓢꓴ ꓛꓳ ꓒꓯꓹ ꓐꓴ ꓐꓰ ꓟꓸ ꓒ ꓟꓸ ꓟ ꓐꓴ ꓔꓯ ꓙ ꓡꓯ ꓘꓳ ꓓꓴ ꓮ ꓫꓵꓽ ꓡꓲꓸ ꓟꓽ ꓢꓷꓸ ꓡꓰ ꓐꓷ= ꓑꓧꓳꓠꓰ ꓠꓳꓸ ꓖꓶ ꓟꓽ ꓙꓳ꓾ ꓝꓮꓚꓰꓐꓳꓳꓗ ꓖꓶ ꓟꓽ ꓙꓳ ꓡꓰ ꓮ ꓡꓲ ꓟ ꓔꓯꓸ ꓡꓲꓸ ꓟꓽ ꓙ ꓡꓯ ꓘꓳ ꓪ ꓗꓷ ꓡꓰ ꓐꓷ= ꓬꓲ ꓠꓬ ꓟꓬ-ꓟ ꓡ ꓞꓳ ꓕꓲ ꓜꓴ ꓔꓬ ꓟ ꓗꓪ ꓠꓬꓹ ꓠꓬꓹ꓾ ꓟꓬ-ꓟ ꓥꓳꓽ ꓙꓳꓸ ꓙꓳꓽ ꓕꓱ ꓢꓲ ꓡꓲ-ꓢꓴ ꓥꓳꓽ ꓟ ꓡꓲꓸ ꓮ ꓡ ꓮ ꓡ ꓟꓽ ꓕꓱ ꓐꓲꓼ ꓡ ꓗꓪ ꓛꓲ ꓗꓷ ꓡꓰ ꓐꓷ= ꓮ ꓟꓶ ꓠꓽ ꓙ ꓫꓸ ꓟꓽ ꓛꓲ ꓬꓰꓳ” ꓐꓰ ꓴꓢꓮ ꓗꓪ ꓔꓬ ꓟ ꓬꓲꓸ ꓫꓵꓽ ꓤ ꓪꓳꓼ ꓤ ꓕꓲ ꓣꓳ ꓡꓰ ꓐꓯ ꓩꓴ ꓡ ꓡꓳ=
