ꓟꓬ‐ꓟ ꓗꓴꓷꓼ ꓗꓪ ꓐꓰ ꓟꓶ‐ꓡꓯ‐ꓫ ꓛꓲ ꓡ ꓢꓲ. ꓴꓠꓧꓚꓣ ꓗꓪ ꓟꓬꓱ., ꓓꓵꓽ ꓔ ꓟ ꓡꓲ‐ꓢꓴ ꓣꓰ‐ꓩꓴ‐ꓙꓲ 2 ꓦꓲ ꓠꓬ 10 ꓦ 22 ꓠꓬꓲ 2025 ꓘꓳꓼ ꓕꓯ (3) ꓗꓴꓷꓽ ꓗꓪ ꓓꓳ ꓙꓰ_ꓳ ꓟ ꓥ ꓥꓳ꓿ ꓟ. ꓒ ꓥꓪ‐ꓙꓳ‐ꓢ ꓐꓴ ꓕꓲ ꓦꓲ ꓐꓰ ꓞꓳ ꓔꓲ ꓮ‐ꓒꓲ ꓐꓴ ꓕꓲ ꓦꓲ ꓥ ꓡꓳ꓿ ꓟ. ꓒ ꓥꓪ.‐ꓙꓳ‐ꓢ ꓐꓴ ꓠꓬ ꓚꓮꓠꓮꓓꓮ ꓗꓴꓷꓼ ꓗꓪ ꓙꓰ_ ꓟ ꓥ ꓢꓲ.꓾ ꓞꓳ ꓔꓲ ꓮ‐ꓒꓲ ꓐꓴ ꓕꓲ ꓦꓲ ꓠꓬ ꓳ‐ꓢꓲ‐ꓔꓯ‐ꓡꓲ‐ꓬ ꓗꓴꓷꓽ ꓗꓪ ꓓꓳ ꓙꓰ ꓟ ꓥ ꓡꓳ꓿
ꓟ. ꓒ ꓥꓪ.‐ꓙꓳ‐ꓢ ꓐꓴ ꓚꓮꓠꓮꓓꓮ ꓗꓪ ꓛꓲ ꓔꓬ ꓟ ꓐꓬꓱꓽ
ꓟꓬ‐ꓟ ꓗꓴꓷꓼ ꓗꓪ ꓗꓴꓷꓼ ꓙꓵꓽ ꓚꓱ, ꓟꓽ ꓙꓲ,_ ꓟ ꓑꓶ ꓓꓴ ꓡꓲ‐ꓢꓴ ꓐꓴ ꓥ_ ꓟꓲ ꓟꓶ‐ꓡꓯ‐ꓫ ꓗꓴꓷꓼ꓾ ꓕꓮꓲꓽ ꓗꓴꓷꓼ ꓗꓪ ꓔꓶ, ꓘꓰ, ꓔꓬ ꓟ ꓥꓳ꓿ ꓟꓬ ꓠꓬꓲ ꓠꓬ ꓟꓶ‐ꓡꓯ‐ꓫ ꓗꓪ ꓔꓬ ꓟ ꓥ ꓡꓳ꓿ ꓡꓲ‐ꓢꓴ 5000 ꓣꓳ ꓛꓲ ꓟꓶ‐ꓡꓯ‐ꓫ ꓗꓴꓷꓼ ꓗꓪ ꓔꓬ ꓡꓳ ꓐꓰ ꓡꓲ‐ꓢꓴ ꓣꓰ‐ꓩꓴ‐ꓙꓲ ꓗꓳ‐ꓟꓲ‐ꓔꓲ ꓧꓳꓽ ꓢꓴ ꓡꓰ ꓐꓯ ꓟ. ꓖꓶ ꓡ ꓡꓳ꓿
ꓞꓳ ꓔꓲ ꓮ‐ꓒꓲ ꓐꓴ ꓕꓲ ꓦꓲ
