2022 ꓘꓳꓼ 4 ꓦ 3 ꓠꓬꓲ ꓗꓪ꓿ ꓰ ꓟꓬ-ꓟ ꓟꓴ-ꓢꓲ-ꓡꓲ ꓐꓴ ꓬꓥ-ꓖꓳꓥ ꓡꓳ ꓒꓱ ꓠꓪꓰ-ꓯꓸ ꓐ-ꓡꓲ ꓪ ꓘꓴ ꓜꓲꓼ ꓦꓲ ꓗꓪ ꓣ-ꓟ-ꓓ (ꓟꓲꓽ ꓟꓲ ꓙꓳˍ ꓕ ꓑꓳꓸ ꓜꓽ ꓓꓴꓽ ꓜˍ ꓟ ꓜꓽ ꓓꓴ ꓚꓲꓸ ꓦ ꓐ) ꓬꓲꓸ ꓪꓴꓸ ꓕꓲꓽ ꓠꓬꓲ ꓪꓴꓸ ꓔꓴˍ ꓡꓳ꓿
ꓣ-ꓟ-ꓓ ꓠꓬ ꓟꓴ-ꓢꓲ-ꓡꓲ ꓐꓴ ꓐꓱ ꓶ ꓦ ꓐ 9 ꓟ ꓕꓲ ꓟ ꓥ ꓢꓲ꓾ ꓦ ꓡꓱ ꓚꓱꓹ ꓗꓪ ꓚꓲ ꓛꓬ ꓔꓱꓹ ꓚꓲ ꓛꓬ ꓚꓹ ꓫꓵꓽ ꓠꓬꓲˍ ꓟ ꓐꓰ꓾ ꓗꓳ-ꓣ ꓢꓲꓽ ꓫꓬ ꓕꓳ ꓶ ꓟꓸ ꓚꓱꓹ ꓔꓯ ꓢꓳ ꓣꓴˍ ꓟ꓾ ꓠꓯꓼ ꓟꓲꓽ ꓟꓲ ꓓꓳ ꓡ ꓗꓪ ꓐꓰ ꓟꓲꓽ ꓟꓲ ꓖꓱ ꓡꓰ ꓗꓪ ꓛꓲ ꓜꓽ ꓓꓴ ꓟꓽ ꓜꓽ ꓜꓽ ꓔꓬ ꓟ ꓬꓰ ꓚꓰꓼ ꓡꓳ꓿
ꓕꓱ ꓡꓱ ꓬꓰˍ ꓟ ꓗꓪ ꓐꓰ ꓪꓴ-ꓢ ꓔꓯ ꓝꓸ ꓜꓳꓽ ꓡꓰˍ ꓟ ꓡꓰꓽ ꓟꓽ ꓞꓲ꓾ ꓫꓸ ꓢꓴ ꓟꓷꓼ ꓢꓴ ꓔꓯ ꓫꓱꓸ ꓤ ꓗꓴꓸ ꓡ ꓝꓲˍ ꓡꓳ꓾ ꓐꓰ ꓙꓵˍ ꓡꓳ꓿
ꓲ-ꓢꓲ-ꓡ ꓦ ꓡꓱ ꓚꓱꓹ ꓔꓯ ꓖꓼ ꓢꓴ ꓟꓴ-ꓢꓲ-ꓡꓲ ꓐꓴ ꓦ ꓐ 1 ꓟ (30 ꓠꓬꓲ) ꓜ ꓚꓲꓸ ꓚꓲꓸ ꓢꓲꓸ ꓪꓴ-ꓢ ꓚꓱꓹ ꓚ ꓔꓬ ꓟ ꓦꓬꓼ ꓠꓬꓲ ꓥꓳ꓿
