ꓧꓶꓽ ꓗꓴꓷꓼ ꓐꓰ ꓟꓬ-ꓟ ꓗꓴꓷꓼ ꓗꓪ ꓙꓲ-ꓢꓴ ꓘꓴ ꓜꓲꓼ ꓞꓳ ꓔꓯ ꓶꓼ ꓓꓳꓽ ꓚ ꓟꓸ ꓖꓶꓽ ꓡ ꓢꓴ ꓟꓳꓽ ꓟꓸ ꓒ ꓕꓲ ꓦꓲ ꓶꓼ ꓓꓳꓽ ꓟꓬꓱꓽ ꓬꓰ ꓡ ꓟ 100 ꓘꓳꓼ ꓚꓲꓸ ꓟꓶ ꓓꓴ ꓬꓲꓼ ꓠꓬꓲꓸ ꓢꓳ ꓜꓲꓼ ꓓꓴ ꓕꓲꓽ ꓟ ꓔꓯ 2022 ꓘꓳꓼ 12 ꓦ 20-21 ꓠꓬꓲ ꓕꓯꓽ ꓟꓶ-ꓡ-ꓫꓵ-ꓓꓰ ꓪ ꓘꓴ ꓦꓲ ꓗꓪ ꓬꓰ ꓔꓬ ꓡꓳ꓿
ꓟꓳꓽ ꓟꓸ ꓒ ꓡꓲꓸ ꓑꓸ ꓡꓲꓸ ꓒꓲꓽ ꓐꓴ
ꓕꓲ ꓐꓱ ꓜꓲꓼ ꓔꓺ ꓔꓬ ꓟ
ꓟꓳꓽ ꓟꓸ ꓒ ꓡꓲꓸ ꓑ ꓡꓲ ꓤꓽ ꓐꓴ ꓕꓲꓽ ꓜꓴ ꓥ ꓟꓲ ꓢꓳ ꓜꓲꓼ ꓓꓴ ꓗꓪ ꓡ ꓢꓲꓸ ꓫꓸ ꓕꓱ ꓒꓵꓽ ꓗꓹ ꓬꓰˍ ꓟ꓾ ꓟꓳꓽ ꓙ-ꓠꓲ ꓡꓰ ꓒꓳꓹ ꓔꓸ ꓟ ꓢꓲꓼ ꓙꓬ ꓠꓲꓹ ꓛꓲꓽ ꓟꓴ ꓖꓪ ꓖꓪˍ ꓟ ꓬꓰ ꓡꓳ꓿
ꓟꓶ-ꓡ-ꓫꓵ-ꓓꓰ ꓗꓪ ꓣꓱꓽ ꓬꓰ ꓓꓴ ꓙ ꓖꓶꓽ ꓔꓬ ꓟ ꓬꓰ-ꓢꓴ ꓦꓵ ꓑꓮꓲꓽ ꓐꓰ ꓟꓳꓽ ꓟꓸ ꓒ ꓕꓲꓽ ꓦꓲ ꓶꓼ ꓓꓳ ꓟꓬꓱꓽ ꓬꓰ ꓩꓴ ꓡ ꓟ 100 ꓘꓳꓼ ꓚꓲꓸ ꓟꓶ ꓓꓴ ꓑꓮꓲꓽ ꓐꓱ ꓶ ꓙꓲ-ꓢꓴ ꓘꓴ ꓜꓲꓼ ꓞꓳ ꓐꓴ ꓮ ꓘꓶꓸ ꓙꓽ ꓖꓶ ꓔꓬ꓾ ꓢꓰꓸ ꓮ ꓢꓸ ꓔꓬ꓾ ꓫꓵꓽ ꓫꓵꓽ ꓪꓽ ꓪꓽ ꓔꓺ ꓔꓬ ꓡꓳ꓿ ꓑꓮꓲꓽ ꓓꓽ ꓟ ꓦꓬꓼ ꓠꓬꓲ ꓠꓬ꓾ 12 ꓦ 23-25 ꓠꓬꓲ ꓗꓪ ꓛꓲ ꓥ ꓢꓲ꓾ ꓟꓵꓽ ꓮ ꓟꓬꓹ ꓗꓪ ꓐꓰ ꓪꓰ ꓤ ꓮ ꓟꓬꓹ ꓔꓺ ꓡ ꓔꓬ ꓡꓳ꓿
ꓚꓺ ꓟꓲꓽ ꓗꓪ꓾ ꓟꓳꓽ ꓟꓸ ꓒ ꓕꓲꓽ ꓦꓲ ꓠꓬ 1921 ꓘꓳꓼ ꓕꓯꓽ ꓴꓢꓮ ꓗꓪ ꓐꓰ ꓓꓳ ꓡ ꓢꓲ꓾ ꓗꓪꓹ-ꓜꓴ ꓞꓳ ꓫꓵꓽ ꓔꓯ ꓶꓼ ꓓꓳ ꓫꓱꓸ ꓓꓳꓽ 10 ꓘꓳꓼ ꓟꓸ ꓗꓷ ꓗꓸ ꓠꓯꓸ꓾ ꓧꓶꓽ ꓒꓽ ꓗꓴꓷꓼ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓔꓯ 1931 ꓘꓳꓼ ꓗꓪ ꓐꓰ ꓟꓸ ꓪꓴꓸ ꓔꓴ ꓗꓷꓳ꓿ ꓟꓬ-ꓟ ꓕꓲ ꓒꓳꓹ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓔꓯ ꓠꓬ ꓡꓲ-ꓢꓴ ꓐꓴ ꓔꓯ ꓠꓬ 1933 ꓘꓳꓼ ꓗꓪ ꓐꓰ ꓟꓸ ꓪꓴꓸ ꓔꓴ ꓡꓳ꓿
