ꓟꓲ-ꓪ (India)ꓗꓪ ꓟꓷꓽ ꓠꓷꓹ ꓑꓲꓸ ꓓꓴ ꓟꓮꓢꓗ ꓟꓽ ꓣꓱꓽ ꓟꓽ ꓓˍꓟ ꓕꓵꓼ ꓪ ꓢꓲꓽ ꓒꓽ ꓗꓪ ꓐꓰ ꓐꓯ ꓒꓬꓱ ꓩꓴ ꓡꓹꓳ꓿ ꓖꓳ ꓡꓱ ꓠꓬꓲ ꓙ ꓖꓴ ꓙ ꓐꓽ ꓗꓪ ꓝꓮꓲ ꓟꓳ ꓓꓳ ꓘꓴꓽ ꓗꓪ ꓟꓮꓢꓗ ꓣꓱꓽ ꓠ ꓗꓹˍꓡꓳ ꓐꓰ꓾ ꓚꓧꓮꓠꓖꓡꓮꓠꓖ ꓓꓲꓢꓔꓣꓲꓚꓔ ꓗꓪ ꓟ ꓢꓲꓽ ꓒꓽ ꓮꓓꓚ(Additional Deputy Commissioner) ꓗꓪ ꓐꓰ ꓕꓵꓼ ꓪ ꓖꓶꓽ ꓔˍꓡꓳ꓿
ꓖꓳ ꓡꓱ ꓠꓬꓲ ꓮꓽ ꓟ ꓥˍꓟꓲ ꓕꓵꓼ ꓪ ꓕꓱ ꓟ ꓔꓯ ꓟꓽ ꓛꓳ ꓢꓴ ꓠꓬ ꓙꓵꓽ ꓗ ꓙꓳˍꓟ ꓡꓰ ꓐꓰ ꓬꓰ ꓠꓹˍꓟ ꓐꓯ ꓔˍꓡꓳ꓿ꓖꓳ ꓡꓱ ꓠꓬꓲ ꓕꓵꓼ ꓪ ꓖꓶꓽ ꓔˍꓟ ꓔꓯ ꓮ ꓙꓵꓽ ꓛꓳ ꓠꓹˍꓟ ꓐꓯ ꓔˍꓡꓳ꓿ ꓮ ꓫꓵꓽ ꓪꓴꓸ ꓠꓬꓲ ꓐꓯˍꓠꓬ ꓠꓱ ꓐꓯꓼ ꓗꓴꓷꓼ ꓫꓴ ꓗꓪ ꓬꓲ ꓫꓵꓼ ꓮ ꓟꓬ ꓠꓻ ꓢꓴ ꓙꓳˍꓟ ꓓꓳꓽ ꓑ ꓙˍꓠꓬꓲ ꓟꓲ-ꓪ ꓡꓳ ꓒꓱ ꓤ ꓤꓹ ꓗꓪ ꓥˍꓟꓲ ꓮ ꓙꓵꓽ ꓢꓴ ꓟꓮꓢꓗ ꓣꓱꓽ ꓠꓹˍꓟ ꓕꓵꓼ ꓪꓽ ꓖꓶꓽ ꓔˍꓡꓳ꓿ ꓡ ꓞꓳ ꓮ ꓙꓵꓽ ꓢꓴ ꓠꓬ ꓧꓰꓮꓡꓔꓧ ꓚꓮꓣꓰ ꓗꓪ ꓐꓰ ꓟꓸ ꓖꓶꓽ ꓔˍꓟ ꓡꓰ ꓐꓰ ꓛꓳ ꓪ ꓝꓲ ꓐꓰ꓾ ꓐꓯˍꓡꓳ꓿
ꓝꓮꓲ ꓟꓲ-ꓪ ꓗꓪ ꓠꓻ ꓫꓵꓽ ꓚꓳꓦꓲꓓ-19 ꓬꓲ ꓫꓵꓼ ꓟꓽ ꓓꓳ ꓡ ꓠꓹˍꓟ ꓬꓲ ꓐꓽ ꓗꓪ ꓐꓰ ꓡ ꓢꓴ ꓝꓮꓲ ꓚꓳ ꓗꓹ ꓡ ꓢꓴ(ꓔꓳꓴꓣꓲꓢꓔ) ꓐꓴ ꓔꓯ ꓥˍꓟꓲ ꓮ ꓙꓵ ꓐꓰ ꓚꓵꓹ ꓚ ꓠꓹˍꓟ ꓐꓯ ꓔˍꓡꓳ꓿ ꓮ ꓡꓲ ꓗ ꓢꓲ ꓐꓯˍꓠꓬ꓾ ꓬꓲ ꓐꓽ ꓗꓪ ꓐꓰ ꓡ ꓢꓴ ꓗꓪ ꓚꓳ ꓠꓻ ꓫꓵꓽ ꓚꓳꓦꓲꓓ-19 ꓙꓳˍꓡꓳ ꓐꓰ꓾ ꓐꓯˍꓡꓳ꓿
ꓖꓳ ꓡꓱ ꓠꓬꓲ ꓡ ꓞꓳ ꓜꓲꓼˍꓟ ꓬꓲ ꓔꓶꓸ ꓙꓵ ꓔꓲꓺ ꓙ ꓐꓰ꓾ ꓐꓮꓠꓗ(ꓒꓴ ꓞꓳꓽ ꓦꓲꓻ)꓾ ꓙꓳꓥ ꓦꓲꓻ꓾ ꓬꓳꓹ ꓦꓲꓻ(ꓳꓝꓝꓲꓚꓰ)꓾ ꓒꓴ ꓣꓴ ꓔꓶꓸ ꓮꓔꓟ꓾ ꓟꓳ ꓓꓳ ꓜꓶꓽ ꓢꓲ ꓙꓰˍꓟ ꓔꓣꓮꓠꓢꓑꓳꓣꓔꓮꓔꓲꓳꓠ ꓮ ꓙꓵꓽ ꓢꓳꓚꓲꓮꓡ ꓓꓲꓢꓔꓮꓠꓚꓲꓠꓖ ꓛꓳ ꓠꓹ ꓗꓹˍꓡꓳ ꓐꓰ꓾ꓐꓯˍꓡꓳ꓿
ꓕꓲ ꓟꓵꓽ ꓡꓲ ꓕꓲ ꓟꓵꓽ ꓗꓪ ꓔꓬꓹˍꓟ ꓣꓳ ꓡꓲ-ꓢꓴ ꓫꓵꓽ ꓐꓴ ꓕꓲ ꓣꓳ ꓛꓳ ꓕꓲ ꓣꓳ ꓪ ꓘꓴ ꓙ ꓡꓯ ꓘꓳˍꓟ ꓮ ꓕꓯˍꓟꓲ ꓙꓳ ꓔꓬꓹ ꓝꓲ ꓡꓯ꓿ ꓧꓪꓸ ꓧꓪꓸꓼ꓿ ꓫ ꓟꓳ ꓪ꓿
