ꓠꓯ-ꓑꓲ-ꓓꓳ ꓗꓪ ꓙꓳˍ ꓟ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ ꓟꓬ-ꓟ ꓐꓱ ꓶ ꓝꓲ ꓓꓴ Ms. Christine Schraner Burgener ꓟꓬꓱꓽ ꓬꓰ ꓖꓴ ꓔꓯ ꓠꓽ ꓩꓴ ꓝꓲ ꓓꓴ ꓥꓳ ꓐꓰ ꓟꓬ-ꓟ ꓟꓯꓼ ꓐꓴ ꓡꓰ 2021 ꓘꓳꓼ 12 ꓦ 20 ꓠꓬꓲ ꓕꓯꓽ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓓꓳꓽ ꓜꓳ ꓩꓴ ꓗꓷꓳ ꓐꓯ ꓡꓳ꓿
ꓟꓬ-ꓟ ꓗꓴꓷꓼ ꓐꓱ ꓶ ꓗꓴꓷꓼ ꓜꓴ ꓝꓲ ꓓꓴ Ms. Christine Schraner Burgener ꓬꓲꓸ ꓛꓲ Ms. Noeleen Heyzer ꓔꓯ ꓟꓬꓱꓽ ꓡꓯꓼ ꓙꓱ ꓗꓷ ꓗꓸ ꓠꓯꓸ ꓕꓱ ꓡꓱ ꓟꓽ ꓘꓳ ꓣꓴ ꓘꓶꓽ ꓬꓰ ꓓꓳ ꓡ ꓟ ꓥ ꓡꓳ꓿ ꓗꓴꓷꓼ ꓜꓴ ꓗꓪ ꓐꓰ ꓬꓰ ꓡ ꓟ ꓔꓯ ꓟꓬ-ꓟ ꓟꓯꓼ ꓐꓴ ꓘꓳ ꓣꓴ ꓠꓲꓹ ꓟꓽ ꓫꓵ ꓟ ꓟꓳꓸ ꓖꓶ ꓡ ꓔꓬ ꓟ ꓥꓳ꓿
ꓝꓮꓲ ꓟꓲ ꓠꓯ ꓗꓴꓷꓼ ꓜꓴ ꓕꓲ ꓒꓳꓹ ꓗꓪ ꓐꓰ ꓥ ꓟꓲ ꓟꓬ-ꓟ ꓟꓯꓼ ꓐꓴ ꓡꓰ ꓝꓲ ꓩꓴ ꓡ ꓢꓴ ꓔꓯ ꓟꓽ ꓘꓳ ꓣꓴ ꓣꓴ꓾ ꓧꓶꓸ ꓕꓯ ꓠꓡꓓ ꓗꓴꓷꓼ ꓙꓵꓽ ꓜꓴ ꓡꓯꓼ ꓛꓲ ꓗꓪ ꓝꓲꓺ ꓔꓸ ꓟ ꓟꓬ-ꓟ ꓗꓴꓷꓼ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓔꓯ ꓘꓳ ꓣꓴ ꓔˍ ꓡꓳ꓿
