ꓟ-ꓓꓲ-ꓡꓲ ꓟꓵꓽ꓾ ꓟꓲꓼ-ꓥꓯꓽ ꓡꓳ ꓒꓱ ꓗꓪ ꓟꓬ-ꓟ ꓟꓯꓼ ꓐꓴ ꓡ ꓛꓴꓸ ꓟꓳꓸ ꓔꓸ ꓢꓲꓸ ꓑ ꓫꓬ ꓦꓲ 400 ꓦꓲ ꓕꓯꓽ ꓢꓲ ꓔꓯ 3 ꓠꓬꓲ ꓘꓴꓽ ꓗꓪ ꓚꓲ ꓛꓬ ꓦꓲ ꓚꓲꓸ ꓛꓬ ꓛꓬꓹ ꓝꓲ ꓔꓬ ꓡꓳ꓿
“ꓬꓼ ꓗꓪꓯꓼ ꓘꓹ (13) ꓗꓪ ꓟ ꓦꓲ ꓮ ꓙꓵꓽ ꓛꓬꓹ ꓝꓲ ꓔꓬ ꓠꓬꓲ ꓑ ꓫꓬ 80,000 ꓣꓳ ꓛꓲ ꓠꓬ ꓦꓲ ꓟꓽ ꓙꓳ ꓢꓴ ꓗ ꓬꓰꓳ꓿ ꓟꓵꓽ ꓒꓵꓽ ꓐꓶ ꓢꓲꓸ ꓔꓬ ꓡ ꓟ 60 ꓘꓳꓼ ꓟꓽ ꓞꓲ ꓙꓳˍ ꓟ ꓥꓳ꓿ ꓕꓱ ꓦꓬꓼ ꓠꓬꓲ ꓗꓪ ꓮ ꓗꓪ ꓚꓲꓸ ꓘꓰꓹ ꓙꓰ ꓖꓴ ꓡꓲꓸ ꓟꓽ ꓙꓳ꓿ 3 ꓦꓬꓼ ꓘꓴꓽ ꓗꓪ ꓮ ꓙꓵꓽ ꓛꓬꓹ ꓙꓳꓽ” ꓥꓴꓻ ꓢꓲꓸ ꓚꓲ ꓛꓬ ꓦꓲ ꓚꓲꓸ ꓛꓬ ꓛꓬꓹ ꓔꓬꓹ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓙꓵꓽ ꓪ ꓙꓳ ꓡ ꓕꓲ ꓠꓬꓲ ꓕ ꓑꓳꓸ ꓟꓬ-ꓟ ꓑ ꓫꓬ ꓙꓲ ꓖꓴ ꓕꓯꓽ ꓢꓲ ꓟꓯꓼ ꓔꓯ ꓪꓽ ꓢꓴ ꓒꓴ ꓙꓳ ꓒꓽ ꓐꓴ ꓙꓲ ꓖꓴ ꓐꓱ ꓶ ꓦꓲ ꓛꓬꓹ ꓩꓴ ꓡ ꓔꓬ ꓟ ꓐꓯ ꓖꓴ ꓟꓽ ꓓ ꓙꓳ ꓡ ꓡꓳ꓿
ꓮ ꓟꓶ ꓟꓬ-ꓟ ꓟꓯꓼ ꓐꓴ ꓠꓬ ꓑ ꓫꓬ ꓐꓴ ꓗꓳ-ꓪꓰꓼ ꓑꓶꓸ ꓓꓴ꓾ ꓗꓴꓷꓼ ꓫꓵꓽ ꓪꓴ ꓑꓶꓸ ꓓꓴ ꓫꓸ ꓟꓷꓼ ꓔꓬ ꓟ ꓦꓬꓼ ꓠꓬꓲ ꓗꓪ ꓛꓬꓹ ꓛꓬꓹ ꓗ ꓗ ꓬꓲꓸ ꓜꓲꓽ ꓬꓲ ꓟꓴ ꓙꓵꓽ ꓔꓬ ꓡꓳ꓿
“ꓦꓲ ꓛꓬꓹ ꓓꓳ ꓩꓴ꓾ ꓡ ꓞꓳ ꓐꓴ ꓔꓯ ꓖꓼ ꓓꓳ ꓩꓴ ꓗꓷ ꓗꓸ ꓠꓯꓸ ꓗꓳ-ꓟꓶ-ꓠꓰ ꓶ ꓡꓯꓼ ꓜꓴ ꓡꓯ ꓒꓯꓹ ꓗꓪ ꓡꓯꓼ ꓙꓱ ꓠꓹ ꓟ ꓟꓯꓼ ꓐꓴ ꓡ ꓛꓴꓸ ꓙꓵꓽ ꓪ ꓣꓱꓽ ꓔꓬ ꓟ ꓥ ꓡꓳ꓾” ꓐꓰ ꓙꓽ ꓘꓶꓽ ꓢꓴ ꓙꓳˍ ꓡꓳ꓿ ꓔꓬ ꓡꓳ꓿
ꓧꓶꓸ ꓕꓯꓽ ꓑ ꓫꓬ ꓡꓰ ꓢꓲꓻ ꓔꓸ ꓟ ꓠꓡꓓ ꓗꓴꓷꓼ ꓙꓵꓽ ꓜꓴ ꓡꓰ ꓗꓳ-ꓪꓰꓼ ꓦꓬꓼ ꓠꓬꓲ ꓗꓪ ꓑ ꓫꓬ ꓐꓴ ꓔꓯ ꓫꓱꓸ ꓤꓽ ꓢꓲꓸ ꓔꓳꓹ ꓙ ꓬꓰ ꓙ ꓡ ꓠꓬꓲꓳ꓿
