ꓙ-ꓑ ꓗꓴꓷꓼ ꓡꓰ ꓬꓰ ꓙ ꓢꓲ꓾ ꓐꓲ-ꓖ-ꓡ-ꓓꓯ-ꓫꓲ ꓗꓴꓷꓼ ꓓ-ꓗ ꓡꓳ ꓒꓱ ꓗꓪ ꓟꓲꓺ ꓠꓯ ꓘꓴ ꓟꓯꓹ-ꓕꓸ ꓚꓱꓹ ꓕꓲꓽ ꓟ ꓔꓯ 2022 ꓘꓳꓼ 12 ꓦ 28 ꓠꓬꓲ ꓕꓯ ꓒꓴ ꓑꓮꓲꓽ ꓬꓰ ꓗꓷꓳ꓿
ꓕꓱ ꓟ ꓠꓬ ꓟꓲꓺ ꓘꓴ ꓟꓯꓹ-ꓕꓸ ꓚꓱꓹ ꓬꓲꓸ ꓪꓴꓸ ꓕꓲꓽ ꓟ ꓥ ꓢꓲ꓾ 2016 ꓘꓳꓼ ꓕꓯꓽ ꓪꓴꓸ ꓔꓴ ꓗꓷ ꓟ ꓥ ꓡꓳ꓿ ꓫꓬꓹ ꓒꓵꓽ ꓠꓬ ꓓꓳ ꓡ 2800 ꓪꓹ ꓥ ꓡꓳ꓿ ꓓ-ꓗ ꓡꓳ ꓒꓱ ꓗꓪ ꓙꓰ ꓙꓰ ꓡꓽ ꓡꓽ ꓟꓳ ꓓꓳ ꓝꓲꓺ ꓔꓬ ꓟ ꓔꓯ ꓒꓶꓻ ꓫꓬꓽ ꓡꓰ ꓝꓲ ꓓꓴ ꓥ ꓡꓳ꓿
ꓐꓲ-ꓖ-ꓡ-ꓓꓯ-ꓫꓵ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓧ-ꓢꓲ-ꓠ ꓐꓰ꓾ ꓙ-ꓑ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒꓽ Kiminori Iwama ၊ Japan International Cooperation Agency (JICA) ꓬꓲꓸ ꓛꓲ Ichiguchi Tomohide ꓐꓴ ꓜꓲꓼ ꓢꓲꓸ ꓟꓲꓺ ꓘꓴ ꓟꓯꓹ-ꓕꓸ ꓙ ꓖꓴ ꓒꓴ ꓑꓮꓲꓽ ꓬꓰ ꓗꓷ ꓟ ꓥ ꓡꓳ꓿
ꓐꓲ-ꓖ-ꓡ-ꓓꓯ-ꓫꓲ ꓠꓬ ꓗꓳꓸ ꓗꓷ ꓟ 6 ꓦ ꓗꓪ ꓥ ꓟꓲ ꓧꓶꓽ ꓗꓴꓷꓼ ꓡꓰ ꓬꓰ ꓙ ꓢꓲꓸ Padma ꓠꓯꓺ ꓬꓲꓻ ꓗꓪ ꓟꓲꓺ 4 ꓕꓷꓹ ꓫꓵꓺˍ ꓟ ꓓꓽ ꓖꓴ ꓕꓲ ꓟ ꓫꓬꓹ ꓓꓳ ꓔꓸ ꓡꓳ꓿
ꓐꓲ-ꓖ-ꓡ-ꓓꓯ-ꓫꓵ ꓗꓴꓷꓼ ꓠꓬ 2026 ꓘꓳꓼ ꓗꓪ WTO- World Trade Organization ꓡꓰ ꓬꓲꓸ ꓙꓶꓻ ꓢꓪꓼ ꓔꓸ ꓟ ꓗꓪ ꓫꓸ ꓓꓰꓼ ꓡꓰ ꓢꓴ ꓗꓴꓷꓼ ꓗꓪ ꓐꓰ ꓪꓴꓽ ꓟꓴ ꓪꓴꓸ ꓔꓴ ꓡ ꓟ ꓗꓴꓷꓼ ꓗꓪ ꓓꓯꓻ ꓛꓲ ꓬꓰ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ꓿
