2024 ꓘꓳꓼ 7 ꓦ 22 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓟꓬ-ꓟ ꓗꓴꓷꓼ ꓪꓴꓸ ꓓꓵ ꓙꓵꓽ ꓪ ꓔꓯ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲ ꓡꓯ ꓒꓯꓹ ꓗꓪ ꓡꓯꓼ ꓙꓱ ꓗꓷꓳ ꓐꓰ ꓗꓴꓷꓼ ꓫꓵꓽ ꓓꓳꓽ ꓗꓪ ꓐꓯ ꓒꓬꓱ ꓢꓷꓸ ꓙ ꓟꓴ ꓙ ꓡꓳ꓿
ꓗꓴꓷꓼ ꓪꓴꓸ ꓓꓵ 2 ꓣꓳ ꓕꓲ ꓣꓳ ꓥ ꓟ ꓟꓰꓼ-ꓢꓱꓽ ꓡꓰ ꓙꓵꓽ ꓪ ꓕꓱ ꓟ ꓡꓯꓼ ꓙꓱ ꓩꓴ ꓡ ꓡꓳ꓾ ꓐꓯ ꓡꓳ꓿
ꓠꓡꓓ ꓡꓰ ꓧꓳꓽ ꓪꓴꓸ ꓟꓴ ꓟ ꓦꓬꓼ ꓠꓬꓲ ꓗꓪ ꓗꓴꓷꓼ ꓪꓴꓸ ꓓꓵ 1 ꓠꓬ ꓪꓰꓹ-ꓟꓰꓼ꓾ 2 ꓠꓬ ꓟꓰꓼ-ꓢꓱ ꓐꓰ ꓧꓰ-ꓠ-ꓬꓲ ꓐ-ꓕꓲꓸ-ꓬꓴ ꓐꓴ ꓔꓯ ꓢꓲꓻ ꓣꓴ ꓡꓯꓼ ꓙꓱ ꓔꓸ ꓟ ꓥ ꓡꓳ꓿
2021 ꓘꓳꓼ 2 ꓦ 1 ꓠꓬꓲ ꓗꓪ ꓗꓴꓷꓼ ꓪꓴꓸ ꓓꓵ 1 ꓔꓯ ꓣꓴ ꓡꓴꓽ ꓩꓴ ꓢꓲ꓾ ꓗꓴꓷꓼ ꓪꓴꓸ ꓓꓵ 2 – ꓟꓰꓼ-ꓢꓱ ꓡꓰ ꓗꓴꓷꓼ ꓪꓴꓸ ꓓꓵ ꓣꓱꓽ ꓢꓲꓸ ꓗꓴꓷꓼ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓡꓰ ꓐꓰ ꓬꓰ ꓩꓴ ꓡ ꓟ ꓠꓬꓲꓸ ꓠꓬꓲ ꓗꓪ ꓛꓲ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓗꓴꓷꓼ ꓪꓴꓸ ꓓꓵ 2- ꓟꓰꓼ-ꓢꓱ ꓠꓬ ꓠꓻ ꓓꓴ ꓙꓳ ꓡꓰ ꓠꓬꓲ ꓮ ꓟꓶ ꓬꓲꓸ ꓙꓵꓽ ꓪ ꓔꓯ ꓕꓱ ꓡꓱ ꓕꓲꓽ ꓝꓸ ꓡꓯꓼ ꓙꓱ ꓩꓴ ꓡ ꓟ ꓥ ꓡꓳ꓾ ꓐꓰ ꓚꓺ ꓟꓲꓽ ꓐꓯ ꓔꓬ ꓡꓳ꓿
ꓝꓮꓲ ꓗꓴꓷꓼ ꓬꓲꓸ ꓓꓵ -2 ꓧꓰ-ꓠ-ꓣꓲ ꓐ-ꓕꓲꓸ-ꓬꓴ ꓔꓯ ꓠꓬ ꓖꓳ ꓓꓱꓽ ꓔꓬ ꓟꓽ ꓢ ꓐꓯ ꓢꓲꓸ ꓬꓲꓸ ꓙꓵꓽ ꓪ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓝꓲ ꓔꓸ ꓡꓳ꓿
