ꓟꓰꓹ-ꓮꓳ-ꓡꓮꓲꓽ ꓡꓰ ꓘꓴˍ ꓟ ꓜꓲꓼ ꓓꓴ ꓗꓪ ꓡꓓꓴ (Lahu Democratic Union) ꓢꓽ ꓡ ꓙꓵꓽ ꓫꓸ ꓪ ꓘꓶꓽ ꓔꓯ ꓡꓳꓹ ꓢꓲꓸ ꓜꓲꓼ ꓔꓺ ꓓꓴ ꓥꓳ ꓐꓯ ꓢꓴ ꓟꓬꓱꓽ ꓢꓲꓺ ꓚ-ꓢꓳ-ꓡꓳ-ꓟꓳꓽ ꓐꓰ ꓖꓳ ꓟ ꓔꓯ ꓔꓺ ꓢꓴ ꓐꓴ ꓔꓯ ꓝꓴꓲꓸ ꓖꓶꓽ ꓓꓴ ꓥꓳ꓾ꓐꓰ ꓡꓓꓴ ꓢꓽ ꓡ ꓙꓵꓽ ꓐꓰ ꓔꓳꓹ ꓙ ꓢꓽ ꓡ ꓙꓵꓽ ꓡꓯꓼ ꓓꓴ ꓢꓽ ꓔꓸ ꓟ ꓢꓷ ꓙ ꓟꓴ ꓙ ꓕꓳ ꓶ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 13 ꓠꓬꓲ ꓕꓯꓽ ꓓꓳ ꓩꓴ ꓡ ꓡꓳ꓿
ꓢꓽ ꓡ ꓙꓵꓽ ꓡꓰ ꓟꓽ ꓜꓲꓼ ꓐꓰ ꓐꓯ ꓔꓸ ꓟ ꓐꓯ ꓘꓶꓽ ꓔꓯ ꓡꓳꓹ ꓢꓲꓸ ꓜꓲꓼ ꓓꓴ ꓥꓳ ꓐꓯ ꓢꓴ ꓟꓬꓱꓽ ꓢꓲꓺ ꓚ-ꓢꓳ-ꓡꓳ-ꓟꓳ ꓐꓰ ꓬꓲ ꓔꓯ ꓛꓳ ꓢꓴ ꓐꓴ ꓔꓯ ꓚꓲꓸ ꓚ ꓢꓲꓸ ꓝꓴꓲꓸ ꓖꓶ ꓓꓴ ꓥꓳ ꓐꓯ ꓔꓸ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓟꓽ ꓡ ꓐꓰ ꓡꓓꓴ ꓢꓽ ꓡ ꓙꓵꓽ ꓡꓰ ꓟꓬ-ꓟ ꓟꓯꓼ ꓗꓳ-ꓢꓰ ꓔꓯ 5 ꓦ 5 ꓠꓬꓲ ꓕꓯꓽ ꓫꓸ ꓪ ꓡꓽ ꓔꓸ ꓟ ꓐꓰ ꓑꓑꓢꓔ ꓜꓴ ꓔꓯˍ ꓟꓲ ꓢꓷꓸ ꓖꓶꓽ ꓔꓸ ꓟ ꓥ ꓡꓳ꓿ ꓢꓽ ꓡ ꓙꓵꓽ ꓘꓶꓽ ꓔꓯ ꓟꓽ ꓒꓵꓽ ꓢꓲꓸ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓜꓴ ꓗꓪ ꓚꓲꓸ ꓚ ꓢꓲꓸ ꓝꓴꓲꓸ ꓖꓶ ꓓꓴ ꓥꓳ꓾ ꓐꓯ ꓔ ꓡꓳ꓿
LDU ꓢꓽ ꓡ ꓙꓵꓽ ꓠꓬ꓾ ꓚ-ꓘꓳ-ꓢ ꓥ ꓢꓲ꓾ ꓔꓳꓹ ꓙ ꓢꓽ ꓡ ꓙꓵꓽ ꓠꓬ ꓚ-ꓧꓸ ꓥ ꓡꓳ꓿ ꓡꓓꓴ ꓟꓯꓼ ꓠꓬ 200 ꓣꓳ ꓔꓬ ꓡꓳ꓾ ꓐꓰ ꓟꓬ-ꓟ ꓟꓯꓼ ꓡꓰ ꓢꓪꓼ ꓔꓸ ꓡꓳ꓿
