ꓟꓬ-ꓟ ꓗꓴꓷꓼ ꓑ ꓫꓬ ꓙꓵꓽ ꓪ ꓦꓴ ꓢꓴ ꓪꓴꓸ ꓓꓵ ꓣꓱꓽ ꓢꓴ ꓟꓰꓹ-ꓮꓳ-ꓡꓮꓲꓽ ꓜꓶꓽ ꓔꓸ ꓟ ꓐꓬꓱ ꓦꓲ ꓠꓬ ꓣ-ꓫꓸ ꓗꓴꓷꓼ ꓠꓳ-ꓦꓳ-ꓢꓲ-ꓐ-ꓢꓲ-ꓘꓶꓼ ꓐꓬꓱ ꓦꓲ ꓠꓽ ꓔꓶꓸ (Novosibirsk) ꓗꓪ ꓐꓰ ꓔꓴ ꓡ ꓢꓲ꓾ 37000 ꓑꓯꓸ ꓟꓴ ꓟ ꓗꓪ ꓐꓬꓱ ꓔꓬ ꓡꓳ= (6 ꓦ 27 ꓠꓬꓲ꓾ 6ꓽ30 ꓧꓶ ꓗꓪ)
ꓣ-ꓫꓸ ꓗꓴꓷꓼ ꓗꓪ ꓬꓲꓸ ꓠꓬ ꓟꓯꓼ ꓔꓯ ꓟꓳꓸ ꓗꓪꓽ ꓫꓵꓽ ꓢꓲꓸ ꓖꓪ ꓙꓱ ꓜꓲꓼ ꓓꓴ ꓗꓪ ꓔꓺ 3 ꓠꓬꓲ ꓔꓺ ꓗꓷ ꓢꓲꓸ ꓡꓽ ꓡ ꓟ ꓥ ꓡꓳ= ꓖꓳ ꓗꓪ ꓔꓬ ꓕꓲ ꓝꓲꓸ ꓗꓪ ꓣ-ꓫꓸ ꓗꓴꓷꓼ ꓐꓰ ꓟꓬ-ꓟ ꓗꓴꓷꓼ ꓠꓬꓲ ꓗꓴꓸ ꓚꓸ ꓗꓪ ꓟꓯꓼ ꓞꓽ ꓒꓳꓽ ꓙꓰ ꓙꓰ ꓡꓽ ꓡ ꓬꓰ ꓠꓹ ꓟ ꓙ ꓟꓳ ꓘꓶꓽ ꓬꓰ ꓗꓷ ꓟ ꓡꓰ ꓟꓽ ꓞꓲ꓾ ꓣ-ꓫꓸ ꓟꓯꓼ ꓢꓳ ꓦꓲ ꓓꓽ ꓟ ꓗꓪ ꓐꓰ ꓬꓲꓸ ꓔꓯ ꓓꓳꓹ ꓟꓴ ꓙꓵꓽ ꓪꓴꓸ ꓛꓴꓽ ꓥ ꓟꓲ ꓖꓶ ꓗꓷꓳ=
