ꓗꓴꓷꓼ ꓢꓲ ꓡꓲꓹ ꓡꓰ ꓠꓹ ꓟ ꓖꓪ ꓙꓱ ꓡꓯ ꓘꓳ ꓡꓯ ꓐꓰ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓠꓰ ꓘꓴ ꓩꓴ ꓡ ꓟ ꓗꓪ ꓑꓳꓺ ꓔꓯꓹ ꓟꓯꓼ 5 ꓜꓴ ꓜꓲ ꓙꓰ ꓓꓴ ꓥꓳ ꓐꓰ ꓑꓑꓢꓔ ꓡꓰ ꓢꓷ ꓙ ꓟꓴ ꓙ ꓡꓳ꓿
ꓑꓑꓢꓔ ꓠꓬ ꓕꓲ ꓗꓴꓷꓼ ꓡꓱꓸꓼ ꓡ ꓛꓴꓸ ꓟꓽ ꓐꓶ ꓡꓯ ꓘꓳ ꓓꓴ (ꓠꓚꓮ) ꓙ ꓟꓳ ꓘꓶꓽ ꓡꓯꓼ ꓓꓴ ꓢꓽ ꓔꓸ ꓟ ꓑꓳꓺ ꓔꓯꓹ ꓟꓯꓼ ꓐꓴ ꓜꓴ ꓜꓲꓼ ꓕꓲ ꓟ ꓥ ꓡꓳ꓿ ꓬꓲꓸ ꓪ ꓠꓬ ꓟꓲꓸ ꓟꓲ 5 ꓦ 6 ꓠꓬꓲ ꓕꓯꓽ ꓖꓪ ꓙꓱ ꓜꓲꓼ ꓓꓴ ꓬꓰ ꓢꓲꓸ ꓓꓵꓽ ꓙ ꓞꓷꓹ ꓩꓴ ꓡ ꓟ ꓥ ꓡꓳ꓿
ꓖꓳ 5 ꓜꓴ ꓠꓬ꓾ ꓣ-ꓘꓮꓲꓽ ꓟꓵꓽ ꓡꓲꓹ ꓙꓰ ꓓꓴ ꓑ-ꓔꓲ (ALP)၊ ꓓꓰ-ꓟꓳ-ꓗꓯ-ꓢꓰ ꓗ-ꓬꓲ ꓐꓴ-ꓓꓼ ꓦ ꓡꓱ ꓢꓴ ꓟꓯꓼ (DKBA)၊ ꓗ-ꓬꓲ ꓞꓳ ꓫꓵꓽ ꓜꓴ ꓟꓯꓼ/ꓢꓲ ꓡꓲꓹ ꓟ ꓚꓱꓹ ꓔꓯ ꓟꓳꓸ ꓗꓳ-ꓢꓰ (KNU/ KNLAPC)၊ ꓑ-ꓳꓼ ꓞꓳ ꓫꓵꓽ ꓡꓲꓹ ꓗꓷ ꓟꓶ ꓠꓹ ꓟ ꓜꓴ ꓚꓰꓺ (PLO) ꓐꓰ꓾ ꓟꓳ ꓟꓵꓽ ꓫꓵꓼ ꓑ-ꓔꓲ (NMSP) ꓐꓴ ꓥ ꓡꓳ꓿
“ꓟꓬ-ꓟ ꓗꓴꓷꓼ ꓙꓳꓥꓽ ꓟꓽ ꓜꓴ (ABSDF) ꓐꓰ꓾ ꓡꓴ-ꓧꓶꓹ ꓓꓰ-ꓟꓳ-ꓗ-ꓬꓯ-ꓔꓲꓼ ꓜꓴ (LDU) ꓐꓴ ꓠꓬ ꓖꓪ ꓙꓱ ꓟꓽ ꓞꓷꓹ ꓡꓰ ꓢꓰꓽ ꓚꓠꓝ ꓠꓬ ꓟꓽ ꓙꓰ ꓐꓯ ꓡꓳ꓿” ꓐꓰ ꓑꓑꓢꓔ ꓗꓪ ꓐꓰ ꓫꓸ ꓕꓱ ꓙꓵꓽ ꓪ ꓙꓳ ꓢꓴ ꓟꓯꓼ ꓜꓲꓽ ꓢꓳꓸ-ꓚꓳ-ꓠꓬꓳꓼ ꓡꓰ ꓐꓯ ꓡꓳ꓿
ꓑꓳꓺ ꓔꓯꓹ ꓟꓯꓼ ꓜꓴ ꓓꓽ ꓟ ꓥ ꓟ ꓗꓠꓴ꓾ ꓗꓲꓳ꓾ ꓚꓠꓝ ꓐꓴ ꓠꓬ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓽ ꓔꓺ꓾ ꓐꓯ ꓔꓸ ꓡꓳ꓿
ꓬꓲꓸ ꓚꓰ꓾ ꓟꓲꓜꓜꓲꓟꓮ
