2022 ꓘꓳꓼ 7 ꓦ 17 ꓠꓬꓲ ꓕꓯꓽ ꓧꓶꓸ ꓕꓯꓽ ꓗꓠꓓꓳ ꓟꓯꓼ ꓜꓲꓽ ꓢꓳꓸ-ꓠꓯꓽ-ꓓꓹ-ꓟꓬꓼ ꓡꓰ ꓗꓳ-ꓔꓴꓸ-ꓡꓯꓽ ꓟꓯꓼ (Kaw Thoo Lei Army) ꓕꓲꓽ ꓜꓴ ꓒꓴ ꓪꓴꓸ ꓔꓴ ꓗꓷꓳ ꓐꓰ ꓢꓷ ꓙ ꓟꓴ ꓙ ꓡꓳ꓿
ꓠꓬꓲꓸ ꓠꓬꓲ 2022 ꓘꓳꓼ 7 ꓦ 19 ꓠꓬꓲ ꓗꓪ ꓠꓬ꓾ “ꓟꓬ-ꓟ ꓟꓯꓼ ꓡꓯꓽ ꓛꓲ ꓗꓪ ꓟ ꓟꓯꓼ ꓐꓴ ꓝꓲꓺ ꓘꓶꓽ ꓔꓯ ꓘꓳ ꓣꓴ ꓟꓽ ꓐ ꓡ ꓠꓬꓲ (ꓗꓠꓓꓳ ꓔꓯ ꓖꓴˍ ꓟ ꓥ ꓡꓲꓸ ꓟꓽ ꓢꓷꓸ)꓾ ꓗꓳ-ꓔꓴ-ꓡꓯꓽ ꓟꓯꓼ ꓕꓲ ꓜꓴ ꓪꓴꓸ ꓔꓴ ꓗꓷꓳ꓿ ꓟꓬ-ꓟ ꓟꓯꓼ ꓔꓯ ꓓꓶꓽ ꓧꓪꓸ ꓡꓰ ꓗꓪ ꓛꓲ ꓢꓯꓼ ꓕꓵꓼ ꓙꓰ ꓓꓴ ꓥꓳ” ꓐꓰ ꓟꓯꓼ ꓜꓲꓽ ꓢꓳꓸ-ꓠꓯꓽ-ꓓꓹ-ꓟꓬꓼ ꓡꓰ ꓗ-ꓬꓲ ꓥꓳꓽ ꓗꓪ ꓐꓰ ꓕꓳ ꓶ ꓐꓳ ꓢꓲꓸ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓯꓼ ꓕꓱ ꓟ ꓗꓪ ꓮ ꓟꓶ ꓟꓬ-ꓟ ꓟꓯꓼ ꓔꓯ ꓬꓲꓸ ꓧꓶꓽ ꓔꓳꓼ ꓡꓯ ꓘꓳ ꓔꓬ ꓟ ꓦꓰꓠꓳꓟ ꓟꓯꓼ ꓜꓴ ꓥ ꓟꓲ ꓔꓺ ꓩꓴ ꓡ ꓡꓳ꓿ ꓝꓮꓲ ꓠꓱꓸ ꓐꓯꓼ ꓑꓓꓝ ꓐꓴ ꓥ ꓟꓲ ꓔꓺ ꓔꓬ ꓡꓳ꓾ ꓐꓯ ꓡꓳ꓿
ꓟꓯꓼ ꓜꓲꓽ ꓢꓳꓸ-ꓠꓯꓽ-ꓓꓹ-ꓟꓬꓼ ꓠꓬ ꓗꓠꓴ ꓧꓳꓽ ꓢꓴ ꓓꓽ ꓟ ꓢꓳꓸ-ꓐꓳ-ꓟꓬꓼ ꓬꓲꓸ ꓤꓽ ꓥ ꓡꓳ꓿ 2021 ꓘꓳꓼ ꓗꓪ ꓟꓬ-ꓟ ꓟꓯꓼ ꓕꓲꓽ ꓜꓴ ꓔꓯ ꓢꓰꓼ ꓟ ꓑꓶꓸ ꓓꓴ ꓗꓠꓓꓳ ꓗꓪ ꓐꓰ ꓬꓲꓸ ꓔꓯ ꓙꓵꓽ ꓪ ꓣꓴ ꓡꓲꓸ ꓟꓬꓱꓽ ꓠꓽ ꓩꓴ ꓔꓸ ꓢꓴ ꓥ ꓡꓳ꓿
2014 ꓘꓳꓼ 10 ꓦ 13 ꓠꓬꓲ ꓗꓪ ꓗ-ꓬꓲ ꓞꓳ ꓫꓵꓽ ꓮ ꓙꓵꓽ ꓕꓲ ꓧꓶꓹ ꓕꓲ ꓚ ꓬꓰ ꓢꓲꓸ ꓗꓮꓝ -Kaw Too Lei Force ꓐꓯˍ ꓟ ꓟꓯꓼ ꓬꓰ ꓠꓹ ꓟ ꓪꓽ ꓔꓸ ꓥ ꓟꓲ ꓬꓰ ꓟꓽ ꓑꓰꓺ ꓡ꓿ ꓮ ꓟꓶ ꓠꓬ ꓟꓯꓼ ꓜꓲꓽ ꓢꓳꓸ-ꓠꓯꓽ-ꓓꓹ-ꓟꓬꓼ ꓡꓰ ꓟꓬꓱꓺ ꓖꓳ ꓟ ꓫꓱꓸ ꓫꓱꓸꓼ ꓟꓯꓼ ꓕꓲꓽ ꓜꓴ ꓦꓰꓼ ꓔꓴ ꓩꓴ ꓡ ꓟ ꓥ ꓡꓳ꓿
