ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓐꓰ ꓛꓳ ꓒꓯꓹ ꓐꓴ ꓔꓯ ꓞꓳ ꓛꓴ ꓞꓰꓹ ꓢꓰꓼ ꓫꓵꓽ ꓪꓴ ꓑꓶꓸ ꓓꓴ ꓮ-ꓙꓲ-ꓔꓲꓸ-ꓠ ꓗꓴꓷꓼ ꓫꓵꓽ ꓘꓶꓽ ꓖꓴ ꓗꓪ 2021 ꓘꓳꓼ 12 ꓦ 17 ꓠꓬꓲ ꓠꓯꓼ 00:30 (ꓟꓬ-ꓟ ꓙꓵꓹ) ꓗꓪ ꓫꓵꓽ ꓪꓴ ꓠ ꓠꓹ ꓪꓴꓸ ꓔꓴ ꓓꓴ ꓥꓳ꓿
ꓖꓳ ꓟ ꓗꓪ ꓟꓬ-ꓟ ꓣꓳ-ꓦꓲ-ꓙ ꓜꓴ ꓢꓽ ꓡ ꓙꓵꓽ ꓳ-ꓕꓴꓸ-ꓘꓰꓽ ꓡꓰ ꓫꓵꓽ ꓪꓴ ꓢꓸ ꓢꓯ ꓦꓰꓼ ꓚ ꓟꓸ ꓓꓴ ꓥ ꓡꓳ꓿
ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓐꓴ ꓡꓰ ꓬꓰ ꓗꓷ ꓟ ꓠꓬ ꓥꓶ ꓡꓳꓹ ꓬꓰ ꓟ ꓝꓴꓲꓸ꓾ ꓞꓳ ꓤ ꓫꓵꓽ ꓔꓯꓸ ꓔꓳꓹˍ ꓟ ꓝꓴꓲꓸ ꓙꓳˍ ꓠꓬꓲ꓾ Universal Jurisdiction ꓡꓳ ꓚꓺ ꓮ-ꓙꓲ-ꓔꓲꓸ-ꓠꓸ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓫꓵꓽ ꓪꓴ ꓕꓱ ꓟ ꓔꓯ ꓗꓳꓸ ꓗꓷ ꓟ 11 ꓦ ꓗꓪ ꓘꓳ ꓣꓴ ꓗꓷ ꓟ ꓥꓳ꓿
“ꓕꓱ ꓕꓲ ꓠꓬꓲ ꓠꓬ ꓕꓲ ꓟꓲ ꓠꓯ ꓗꓪ ꓛꓰꓹ ꓒꓬꓱꓺ ꓔꓬ ꓟ ꓣꓳ-ꓦꓲ-ꓙ ꓐꓴ ꓐꓱ ꓶ ꓬꓳꓹ ꓚꓲˍ ꓟ ꓙꓵꓽ ꓥ ꓡꓳ” ꓐꓰ ꓳ-ꓕꓴꓸ-ꓘꓰꓽ ꓡꓰ ꓐꓯ ꓡꓳ꓿
