ꓟꓬ-ꓟ ꓗꓴꓷꓼ ꓠꓬ ꓬꓲꓸ ꓔꓱꓹ ꓕꓲ ꓫꓵꓽ ꓗ ꓔꓬ ꓡꓳ ꓐꓯ ꓢꓲꓸ 2023 ꓘꓳꓼ 2 ꓦ 1 ꓠꓬꓲ ꓕꓯ ꓟꓯꓼ (ꓠꓼ-ꓢꓼ-ꓗꓼ) ꓙꓵꓽ ꓪ ꓣꓴ ꓔꓸ ꓟ ꓦ ꓐ (6) ꓟ ꓫꓵꓺ ꓩꓴ ꓗꓷꓳ꓿
ꓠꓡꓓ ꓟꓯꓹ ꓟꓽ ꓜꓳꓽ ꓟꓽ ꓔꓱꓹ ꓬꓰ ꓟ ꓗꓪ ꓐꓰ ꓟꓯꓼ ꓡꓰ ꓙꓵꓽ ꓪ ꓣꓴ ꓗꓷꓳ꓿ ꓖꓳ ꓡꓱ ꓥ ꓟꓲ꓾ ꓚꓣꓑꓧ/ꓠꓴꓖ/ꓑꓓꓝ ꓑꓶꓸ ꓓꓴ ꓗꓴꓷꓼ ꓫꓵꓽ ꓪꓴꓻ ꓫꓬ ꓡꓰ ꓟꓽ ꓢ꓾ ꓟꓯꓹ ꓘꓳꓻ ꓠꓹ ꓟ ꓬꓰ ꓫꓸ ꓡꓳ ꓐꓯ ꓢꓲꓸ ꓕꓱ ꓡꓱ ꓬꓲꓸ ꓙꓵꓹ ꓫꓵꓺ ꓩꓴ ꓗꓷ ꓟ ꓥ ꓡꓳ꓾ ꓐꓰ ꓠꓼ ꓢꓼ ꓗꓼ ꓓꓳꓽ ꓗꓪ ꓐꓳ ꓔꓸ ꓡꓳ꓿
ꓬꓲꓸ ꓫꓵꓼ ꓒꓴ ꓩꓴ ꓡ ꓟ ꓟꓯꓼ ꓗꓳ-ꓢꓰ (ꓠꓼ-ꓢꓼ-ꓗꓼ) ꓗꓪ ꓗ-ꓛꓲ ꓟꓵꓽ ꓗꓪ ꓐꓰ ꓓꓳ-ꓓꓪꓯꓹ-ꓐꓴꓽ ꓔꓯ ꓗꓶꓺ ꓔꓸ ꓡꓳ꓿ ꓓꓪꓯꓹ-ꓐꓴꓽ ꓠꓬ ꓗ-ꓛꓲ ꓟꓵꓽ ꓗꓪ ꓡꓲ-ꓢꓴ꓾ ꓣ-ꓪ ꓐꓴ ꓢꓲꓽ ꓒꓽ ꓣꓴˍ ꓟ ꓔꓯ ꓬꓲꓸ ꓜꓲꓺ ꓗꓽ ꓔꓸ ꓢꓴ ꓥ ꓡꓳ꓿
ꓠꓴꓖ ꓕꓲꓽ ꓒꓳꓹ ꓗꓪ ꓐꓰ ꓠꓬ ꓠꓼ-ꓢꓼ-ꓗꓼ ꓠꓬ ꓑ ꓫꓬ ꓙꓵꓽ ꓪ ꓦꓴ ꓟ ꓥ ꓢꓲ꓾ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓝꓴꓲꓸ ꓖꓶ ꓐ ꓡ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ꓾ ꓐꓯ ꓡꓳ꓿
ꓠꓼ-ꓢꓼ-ꓗꓼ ꓡꓰ ꓙꓵꓽ ꓪ ꓣꓴ ꓔꓸ ꓟ ꓔꓯ ꓟꓳꓸ 2023 ꓘꓳꓼ 2 ꓦ 1 ꓠꓬꓲ ꓕꓯꓽ ꓟꓬ-ꓟ ꓑ ꓫꓬ ꓐꓴ ꓕꓲ ꓗꓴꓷꓼ ꓡꓱꓸꓼ ꓠꓯꓼ 10 ꓙꓵꓹ ꓗꓪ ꓐꓰ ꓟꓶ ꓘꓶꓼ 3 ꓙꓵꓹ ꓗꓪ ꓛꓲ ꓙ ꓖꓴ ꓙ ꓐꓽ ꓟꓽ ꓙꓰ ꓙꓰ ꓢꓲ ꓡꓲꓹ ꓒꓳꓹ ꓔꓳꓹ ꓡꓳ꓿
