ꓟꓬ-ꓟ ꓗꓴꓷꓼ ꓔꓯ ꓟꓯꓼ ꓗꓳ-ꓢꓰ ꓠꓬ ꓡ ꓠꓹ ꓟ ꓦ ꓐ (6) ꓟ ꓗꓪ ꓛꓲ ꓙꓵꓽ ꓝꓸ ꓓꓴ ꓥꓳ ꓐꓰ 2023 ꓘꓳꓼ 7 ꓦ 31 ꓠꓬꓲ ꓕꓯꓽ ꓟꓣꓔꓦ ꓗꓪ ꓐꓰ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓲꓸ ꓟꓲ ꓠꓯ-ꓑꓲ-ꓓꓳ ꓗꓪ ꓬꓰˍꓟ ꓗꓽ/ꓡꓳꓸ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓟꓬ-ꓟ ꓟꓯꓼ ꓗꓳ-ꓢꓰ ꓙꓵꓽ ꓪ ꓔꓯ ꓦ ꓐ (6) ꓟ ꓬꓲꓸ ꓐꓶꓹ ꓫꓵꓺ ꓖꓶꓽ ꓗꓷ ꓟ ꓥ ꓡꓳ꓿
ꓟꓯꓼ ꓕꓲ ꓒꓳꓹ ꓗꓪ ꓚꓳꓸ ꓐꓯˍ ꓠꓬ ꓕꓱ ꓟ ꓠꓬ 2008 ꓗꓴꓷꓼ ꓙꓵꓽ ꓗ ꓡꓳ ꓚꓺ ꓥ ꓡꓳ꓾ ꓐꓯ ꓔꓬ ꓥ ꓟꓲ꓾ ꓔꓳꓹ ꓢꓴ ꓐꓴ ꓠꓬ ꓙꓵꓽ ꓗ ꓟꓽ ꓧꓳꓹ ꓬꓰ ꓔꓬ ꓟ ꓥ ꓡꓳ꓾ ꓐꓰ ꓐꓯ ꓔꓬ ꓡꓳ꓿
ꓗꓽ ꓡꓳꓸ ꓜꓴ ꓜꓲꓼ ꓓꓴ ꓗꓪ ꓧꓶꓸ ꓕꓯꓽ ꓠꓡꓓ ꓗꓴꓷꓼ ꓙꓵꓽ ꓜꓴ ꓦꓬꓼ ꓠꓬꓲ ꓗꓪ ꓟ ꓗꓴꓷꓼ ꓪꓴꓸ ꓓꓵ 2 ꓟꓬꓱꓽ ꓟꓯꓻ ꓢꓴ ꓟꓰꓼ-ꓢꓱꓽ ꓐꓰ ꓐ-ꓕꓲꓸ-ꓣꓴ꓾ ꓑ ꓫꓬ ꓝꓲ ꓓꓴ ꓢꓽ ꓡ ꓙꓵꓽ ꓔꓲ-ꓘꓳ-ꓟꓬꓼ ꓐꓴ ꓜꓲꓼ ꓔꓺ ꓔꓬ ꓟ ꓡꓳꓸ ꓟꓳˍ ꓡꓳ꓿
2021 ꓘꓳꓼ 2 ꓦ 1 ꓠꓬꓲ ꓕ ꓑꓳꓸ ꓮ ꓟꓶ ꓗꓪ ꓛꓲ ꓟꓯꓼ ꓗꓳ-ꓢꓰ ꓙꓵꓽ ꓚꓱꓹ ꓔꓯ ꓦ ꓐ (6) ꓟ ꓕꓲꓽ ꓔꓶꓽ (4) ꓧꓪꓸ ꓝꓸ ꓙꓵꓽ ꓩꓴ ꓡ ꓟ ꓥ ꓡꓳ꓿
ꓮ ꓕꓽ ꓟꓽ ꓚꓰꓼ ꓬꓲꓸ ꓔꓱꓹ ꓕꓲꓽ ꓥꓸ ꓔꓸˍ ꓠꓰ ꓕꓱ ꓡꓱ ꓐꓰ ꓟꓯꓼ ꓗꓳ-ꓢꓰ ꓡꓰ ꓙꓵꓽ ꓠ ꓗ ꓬꓰꓳ꓾ ꓐꓰ ꓒꓶꓻ ꓟꓸ ꓖꓶ ꓔꓸ ꓡꓳ꓿
