ꓗ-ꓛꓰ ꓟꓵꓽ ꓗꓪ ꓘ-ꓬꓮꓲꓽ (2) ꓟ ꓬꓲꓸ ꓫꓵꓼ ꓒꓴ ꓗꓷꓳ ꓐꓰ ꓟꓯꓼ ꓗꓳ-ꓢꓰ ꓡꓰ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 1 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓬꓲꓸ ꓫꓵꓼ ꓔꓺ ꓩꓴ ꓡ ꓟ ꓘ-ꓣꓮꓲꓽ 2 ꓟ ꓠꓬ꓾ ꓔꓶ-ꓠ ꓡꓳ ꓒꓱ ꓜꓴ ꓐꓰ꓾ ꓫꓵꓽ-ꓒꓯꓽ ꓡꓳ ꓒꓱ ꓜꓴ ꓐꓴ ꓥ ꓡꓳ꓿
ꓙꓵꓽ ꓗꓪꓼ ꓠꓹ ꓟ ꓢ ꓡꓰ ꓓꓴ ꓐꓱ ꓶ ꓕꓱ ꓡꓰ ꓘ-ꓬꓮꓲꓽ ꓟꓵꓽ ꓬꓲꓸ ꓫꓵꓼ ꓐꓱꓻ ꓩꓴˍ ꓟ ꓥꓳ꓾ ꓐꓯ ꓔꓸ ꓡꓳ꓿
ꓞꓳ ꓘꓹ꓾ ꓘꓹ ꓜꓴ꓾ ꓡꓳ ꓒꓱ꓾ ꓡꓳ ꓒꓱ ꓜꓴ꓾ ꓟꓵꓽ ꓫꓴ꓾ ꓗꓴꓷꓼ ꓕꓱ ꓡꓱ ꓕꓲ ꓝꓸ ꓕꓲ ꓝꓸ ꓪꓴꓽ ꓠ ꓜꓯꓻ ꓙꓰˍ ꓟ ꓥ ꓡꓳ꓿
ꓧꓶꓸ ꓕꓯ ꓠꓬ ꓗ-ꓛꓰ ꓟꓵꓽ ꓗꓪ ꓡꓳ ꓒꓱ ꓜꓴ (4) ꓟ ꓙꓳ ꓟ ꓗꓪ ꓐꓰ ꓔꓶ-ꓠ ꓐꓰ꓾ ꓫꓵꓽ-ꓒꓯꓽ ꓡꓳ ꓒꓱ ꓜꓴ ꓬꓲꓸ ꓫꓵꓼ ꓠꓬꓲꓽ ꓟ ꓔꓺ ꓩꓴ ꓡ ꓟ ꓥ ꓡꓳ꓿
ꓕꓱ ꓟ ꓡꓰ ꓐꓰ ꓕꓲ ꓗꓴꓷꓼ ꓡꓱꓸꓼ ꓗꓪ ꓡꓳ ꓒꓱ ꓜꓴ (75) ꓟ ꓙꓳ ꓢꓲ꓾ ꓮ ꓟꓶ ꓬꓲꓸ ꓫꓵꓼ (46) ꓟ ꓔꓺ ꓚꓰꓼ ꓩꓴ ꓡ ꓡꓳ꓿ ꓖꓳ ꓟ ꓑꓶꓸ ꓓꓴ ꓕꓲ ꓗꓴꓷꓼ ꓡꓱꓸꓼ ꓗꓪ ꓡꓳ ꓒꓱ ꓜꓴ (121) ꓟ ꓙꓳ ꓡ ꓡꓳ꓿
