ꓟꓬ-ꓟ ꓡ ꓞꓳ 2 ꓣꓳ ꓴꓢꓮ ꓝꓲꓸ ꓖꓳꓻ ꓫꓺ ꓜꓴ (IRS)ꓔꓯ ꓗꓶꓸ ꓥ ꓐꓯ ꓢꓲꓸ ꓫꓵꓽ ꓩꓴ ꓪ ꓡꓰꓳ꓾ ꓝꓴꓲꓸ ꓧꓪ ꓟꓳ ꓠꓬ 20 ꓘꓳꓼ ꓡꓴꓽ ꓠ ꓔꓸ

ꓴꓢꓮ ꓳ-ꓔꓴ-ꓪ ꓗꓪ ꓔꓬ ꓟ ꓟꓬ-ꓟ ꓡ ꓞꓳ 2 ꓣꓳ ꓠꓬ ꓴꓢꓮ ꓝꓲꓸ ꓖꓳꓻ ꓫꓺ ꓜꓴ ꓔꓯ ꓗꓶꓸ ꓥ ꓐꓯ ꓢꓲꓸ ꓫꓵꓽ ꓩꓴ ꓪ ꓔꓸ ꓡꓳ ꓐꓰ United States Department of Justice ꓡꓰ 2022 ꓘꓳꓼ 10 ꓦ 25 ꓠꓬꓲ ꓕꓯꓽ ꓢꓷꓸ ꓙ ꓟꓴ ꓙ ꓔꓸ ꓡꓳ꓿

ꓬꓲꓸ ꓪ ꓠꓬ ꓬꓲꓸ ꓒꓽ ꓬꓲꓸ ꓤ ꓟꓶꓼ ꓠꓬꓲꓽ ꓣꓳ ꓥ ꓡꓳ꓿ ꓬꓲꓸ ꓒꓽ ꓠꓬ ꓔꓲꓸ-ꓟꓮꓳꓽ (Joseph Ramarn) 47 ꓘꓳꓼ ꓐꓰ ꓒꓰꓳꓹ-ꓟꓲꓽ (Phyo Ramarn) 20 ꓘꓳꓼ ꓥ ꓡꓳ꓿

ꓬꓲꓸ ꓪ ꓠꓬ ꓴꓢꓮ ꓗꓪ ꓚꓲꓸ ꓛꓲ ꓡ ꓢꓴ ꓬꓯꓽ ꓐꓯꓽ ꓐꓴ ꓐꓱ ꓶ ꓝꓲꓸ ꓐꓶ ꓚꓱꓹ ꓐꓰ꓾ ꓗꓴꓷꓼ ꓢꓲꓽ ꓒ ꓐꓴ ꓗꓪ ꓐꓰ ꓔꓳꓹ ꓙ ꓒꓴ ꓓꓰꓽ ꓚꓱꓹ ꓗꓪ ꓟꓽ ꓔꓱꓹ ꓟꓽ ꓜꓳꓽ ꓬꓰ ꓢꓲ꓾ ꓗꓴ ꓗꓴ ꓢꓲ ꓒꓴ ꓧꓪ ꓪ ꓠꓹ ꓟ ꓢꓯꓼ ꓕꓵꓼ ꓔꓸ ꓟ ꓬꓲꓸ ꓝꓻ ꓧꓪ ꓟꓶ ꓔꓸ ꓡꓳ꓾ ꓐꓰ United States Department of Justice ꓡꓰ ꓢꓷꓸ ꓙ ꓟꓴ ꓙ ꓔꓸ ꓡꓳ꓿

ꓲꓣꓢ ꓗꓪ ꓐꓰ $140000꓾ ꓝꓮꓲ ꓟꓬꓱꓽ ꓟꓽ ꓙꓳˍ ꓠꓬꓲ ꓔꓳꓹ ꓙ ꓒꓴ ꓓꓰꓽ ꓚꓱꓹ ꓗꓪ ꓐꓰ $70000 ꓗꓶꓸ ꓣꓴ ꓔꓸ ꓟ ꓚꓲꓸ ꓚ ꓟꓶ ꓔꓸ ꓡꓳ꓿

ꓝꓴꓲꓸ ꓧꓪ ꓟꓳ ꓠꓬ 20 ꓘꓳꓼ ꓡꓴꓽ ꓠ ꓔꓸ ꓟ ꓙꓵꓽ ꓗ ꓡꓰ ꓬꓲꓸ ꓠꓬꓲꓽ ꓣꓳ ꓝꓶꓸ ꓟꓶ ꓡꓰ ꓓꓴ ꓥ ꓡꓳ꓿

ꓬꓲꓸ ꓚꓰ꓾https://www.justice.gov/usao-sdia/pr/ottumwa-man-and-woman-charged-filing-hundreds-false-tax-returns-and-fraudulently