2021 ꓘꓳꓼ 12 ꓦ 30 ꓠꓬꓲ ꓠꓯꓼ ꓝꓲꓸ ꓗꓪ ꓡꓯꓹ-ꓗꓯꓼ-ꓗꓳ ꓟꓯꓼ ꓘꓶꓽ ꓗꓪ ꓟꓬ-ꓟ ꓟꓯꓼ 7 ꓣꓳ (ꓖꓳ ꓗꓪ 1 ꓣꓳ ꓠꓬ ꓟꓯꓼ ꓓꓼ ꓐꓶꓽ ꓙꓵꓽ ꓢꓴ ꓥ ꓡꓳ) ꓔꓯ ꓗꓠꓡꓮ ꓟꓯꓼ ꓐꓰ ꓑꓓꓝ ꓟꓯꓼ ꓡꓰ ꓢꓯꓸ ꓢꓯꓸ ꓣꓴ ꓟꓶꓳ ꓐꓰ ꓓꓳꓽ ꓜꓳ ꓡ ꓡꓳ꓿
“ꓡꓯꓹ-ꓗꓯ-ꓗꓳ ꓙ ꓖꓴ꓾ ꓬ-ꓔꓯꓼ-ꓖꓴꓽ ꓒ ꓕꓲ ꓗꓪ ꓟꓳ-ꓓꓳ ꓕꓲ ꓦꓲ ꓐꓰ꓾ ꓟꓯꓼ ꓶ ꓤ ꓮ ꓟꓬꓹ꓾ ꓟꓯꓼ 7 ꓣꓳ ꓣꓴ ꓟꓶꓳ” ꓐꓰ ꓟꓳꓻ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓬꓲ ꓪ ꓔꓯ ꓗꓠꓡꓮ ꓟꓯꓼ ꓐꓴ ꓡꓰꓽ ꓟꓯꓼ ꓘꓶꓽ ꓗꓪ ꓣꓴ ꓟꓶˍ ꓢꓴ (prisoners of war) ꓐꓴ ꓔꓯ ꓡꓳꓸ ꓙ ꓚꓱꓹ ꓡꓳ ꓚ ꓙꓲ ꓙꓲ ꓜꓳꓽ ꓜꓳꓽ ꓡꓳꓸ ꓔꓸ ꓡꓳ ꓐꓰ ꓐꓯ ꓡꓳ꓿
ꓟꓬ-ꓟ ꓟꓯꓼ ꓠꓬ ꓡꓲ ꓒꓰꓼ ꓜꓳꓽ ꓙꓲˍ ꓟꓯꓼ (standard army) ꓥ ꓡꓳ ꓐꓰ ꓐꓯ ꓔꓬ ꓥ ꓟꓲ꓾ ꓚꓲ ꓛꓬ ꓗꓴꓷꓼ ꓑ ꓫꓬ ꓔꓯ ꓤ ꓠꓱ ꓞꓳ ꓟꓳꓽ ꓟꓽ ꓢꓲꓻ ꓢꓰꓼ ꓔꓬ ꓟ꓾ ꓬꓲꓸ ꓪ ꓧꓪꓸ ꓡꓰ ꓠꓬ ꓮ ꓡꓲ ꓜꓳꓽ ꓜꓳꓽ ꓬꓰ ꓢꓴ꓾ ꓟꓯꓼ ꓡꓲ ꓒꓰꓼ ꓟꓽ ꓛꓳ ꓢꓴ ꓥ ꓡꓳ꓿
ꓖꓳ ꓟ ꓑꓶꓸ ꓓꓴ ꓟꓬ-ꓟ ꓟꓯꓼ ꓔꓯ ꓜꓲ ꓜꓲ ꓑꓰꓹ ꓑꓰꓹ ꓬꓰ ꓢꓴ ꓟꓯꓼ ( terrorist) ꓥ ꓡꓳ ꓐꓰ ꓢꓪꓼ ꓖꓶ ꓡ ꓠꓹ ꓟ ꓠꓴꓖ ꓡꓰ ꓟꓲ ꓠꓯ ꓗꓴꓷꓼ ꓜꓴ ꓔꓯ ꓓꓰꓽ ꓔꓸ ꓟ ꓙꓳˍ ꓡꓳ꓿
12 ꓦ 16 ꓠꓬꓲ ꓗꓪ ꓥ ꓟꓲ ꓟꓬ-ꓟ ꓟꓯꓼ 6 ꓣꓳ꓾ ꓐꓖꓝ 2 ꓣꓳ ꓔꓯ ꓢꓯꓸ ꓢꓯꓸ ꓣꓴ ꓟꓶ ꓔꓸ ꓡꓳ꓿
ꓬꓲ ꓚꓰ꓾ ꓗꓲꓚ / ꓗꓠꓡꓮ
