ꓟꓬ-ꓟ ꓟꓯꓼ ꓡꓰ ꓣꓳ-ꓦꓲ-ꓙ ꓐꓴ ꓔꓯ ꓟꓶ ꓤ ꓫꓸ ꓟꓴ ꓫꓸ ꓚꓬ ꓬꓰ ꓡ ꓟ ꓠꓬ ꓞꓳ ꓫꓵꓽ ꓕꓲ ꓫꓵꓽ ꓢꓯꓸ ꓔꓬ ꓙꓳ ꓔꓬ ꓟ ꓔꓯ ꓗꓸ ꓧꓪˍ ꓟ꓾ ꓢꓰꓼ ꓩꓴ ꓡ ꓟ (genocide) ꓥ ꓡꓳ ꓐꓰ ꓴꓢ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓐꓶ-ꓡꓲ-ꓗꓲ (Antony Blinken) ꓡꓰ ꓠꓬꓲꓸ ꓠꓬꓲ 2022 ꓘꓳꓼ 3 ꓦ 21 ꓠꓬꓲ ꓕꓯꓽ Holocaust ꓚꓲꓸ ꓟꓶ ꓓꓴ ꓦꓲ ꓗꓪ ꓢꓷ ꓙ ꓟꓴ ꓙ ꓡꓳ꓿
ꓠ-ꓜꓰ ꓙ-ꓟꓶ-ꓠꓰ ꓐꓴ ꓡꓰ ꓬꓲ-ꓢꓷ-ꓡꓰ 6 ꓢꓯꓹ ꓟꓽ ꓞꓲ ꓢꓰꓼ ꓗꓷ ꓟ ꓚꓲꓸ ꓟꓶ ꓓꓴ Holocaust Museum ꓟꓳꓸ ꓖꓶ ꓦꓲ ꓗꓪ ꓡ ꓢꓲ꓾ ꓟꓬ-ꓟ ꓟꓯꓼ ꓡꓰ ꓞꓳ ꓫꓵꓽ ꓟꓶꓽ ꓬꓰ ꓗꓪ ꓛꓲ ꓢꓰꓼ ꓡ ꓟ ꓙ ꓖꓴ “Burma’s Path to Genocide” ꓬꓲꓸ ꓐꓬꓱꓽ ꓟꓳꓸ ꓖꓶ ꓟ ꓔꓯ ꓡꓳꓸ ꓠꓬꓲ ꓢꓲ꓾ ꓕꓱ ꓡꓱ ꓢꓷ ꓙ ꓟꓴ ꓙ ꓩꓴ ꓡ ꓟ ꓥ ꓡꓳ꓿
