ꓟꓬ-ꓟ ꓟꓯꓼ ꓠꓬ ꓟꓬ-ꓟ ꓑ ꓫꓬ ꓐꓴ ꓔꓯ ꓛꓴꓽ ꓙꓳ ꓓꓴ ꓡꓰ ꓐꓰ ꓢꓪꓼ ꓢꓲꓸ ꓢꓰꓼ ꓔꓬ ꓡꓳ ꓐꓰ ꓡ ꓞꓳ ꓶꓽ ꓔꓯ ꓟꓳꓸ ꓗꓪꓽ ꓫꓵꓽ ꓢꓲꓸ ꓟꓬ-ꓟ ꓗꓴꓷꓼ ꓐꓱ ꓶ ꓟꓲ ꓠꓯ ꓗꓴꓷꓼ ꓜꓴ ꓝꓲ ꓓꓴ Tom Andrews ꓡꓰ ꓦꓳꓮ ꓗꓪ ꓫꓸ ꓕꓱ ꓩꓴ ꓡ ꓡꓳ꓿
ꓑ ꓫꓬ ꓙꓵꓽ ꓪ ꓦꓴ ꓙꓰ ꓟ ꓔꓯ ꓠꓽ ꓗꓷ ꓢꓲ꓾ ꓟꓬ-ꓟ ꓗꓴꓷꓼ ꓔꓯ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓗꓪ ꓡꓽ ꓛꓲ ꓝꓲ ꓠꓹ ꓟ ꓟꓲ ꓠꓯ ꓗꓴꓷꓼ ꓐꓴ ꓢꓯꓼ ꓕꓵꓼ ꓙ ꓠꓯ ꓡꓳ꓾ ꓐꓰ ꓬꓴꓸ ꓡꓰ ꓢꓯꓼ ꓖꓶ ꓔ ꓡꓳ꓿
“ꓟꓬ-ꓟ ꓟꓯꓼ ꓠꓬ ꓟꓬ-ꓟ ꓑ ꓫꓬ ꓔꓯ ꓛꓴꓽ ꓙꓳ ꓢꓴ ꓡꓰ ꓐꓰ ꓢꓰꓼ ꓔꓬ ꓡꓳ꓿ ꓟꓵ ꓘꓶꓽ ꓟꓵ ꓡꓯꓼ ꓗꓪ ꓟꓯꓼ ꓛꓰꓹ ꓔꓬ ꓢꓴ ꓐꓴ ꓔꓯ ꓥꓪ ꓫꓸ ꓕꓱ ꓠꓬꓲꓳ꓿ ꓬꓲꓸ ꓪ ꓔꓯ ꓧꓪ ꓟꓽ ꓟꓳꓻ ꓠꓬ ꓬꓲꓸ ꓪ ꓤ ꓠꓱ ꓐꓴ꓾ ꓫꓵꓽ ꓤ ꓪꓳꓼ ꓤ ꓐꓴ ꓔꓯ ꓣꓴ ꓡꓴꓽ ꓔꓸ ꓟ ꓐꓯ ꓖꓴ ꓟꓽ ꓓ꓿ ꓮ ꓡꓲ ꓐꓯ ꓡꓲꓸ ꓐꓯ ꓟꓬ-ꓟ ꓟꓯꓼ ꓐꓴ ꓕꓲ ꓛꓱꓽ ꓠꓬ ꓟꓯꓼ ꓶ ꓤ ꓡꓰꓽ ꓙꓳ ꓡꓳ꓿ ꓑ ꓫꓬ ꓐꓴ ꓬꓲꓸ ꓪ ꓔꓯ ꓟꓽ ꓔꓺ ꓔꓬ” ꓐꓰ ꓐꓯ ꓡꓳ꓿
ꓕꓱ ꓟ ꓠꓬ ꓑ ꓫꓬ ꓙꓵꓽ ꓪ ꓦꓴ ꓙꓰˍ ꓟ 1 ꓘꓳꓼ ꓐꓲ ꓡˍ ꓟ ꓚꓲꓸ ꓟꓶ ꓓꓴ ꓐꓯ ꓢꓲꓸ ꓦꓳꓮ ꓡꓰ ꓠꓻ ꓠꓬꓲ ꓘꓶꓽ ꓔꓯ Tom Andrews ꓒꓳꓹ ꓖꓶ ꓘꓶꓽ ꓥ ꓡꓳ꓿
ꓬꓲꓸ ꓚꓰ꓾ ꓦꓳꓮ
