ꓠꓬꓲꓸ ꓠꓬꓲ 2022 ꓘꓳꓼ 3 ꓦ 27 ꓠꓬꓲ꓾ ꓟꓬ-ꓟ ꓟꓯꓼ ꓦꓬꓼ ꓠꓬꓲ ꓐꓯ ꓢꓲꓸ ꓠꓯ-ꓑꓲ-ꓓꓳ ꓗꓪ ꓑꓮꓲ ꓬꓰ ꓔꓬ ꓟ ꓗꓪ ꓟꓯꓼ ꓜꓲꓽ ꓟꓰꓹ-ꓮꓳꓽ-ꓡꓮꓲꓽ ꓡꓰ ꓟꓯꓼ ꓤ ꓐꓴ ꓔꓯ ꓬꓲꓸ ꓓꓽ ꓟ (3) ꓘꓶꓽ ꓟꓸ ꓩꓴ ꓡ ꓡꓳ꓿
- ꓒꓳꓹ ꓔꓳꓹ ꓢꓴ ꓐꓴ ꓔꓯ ꓟꓽ ꓖꓪ ꓙꓱ꓿ ꓬꓲꓸ ꓧꓶꓽ ꓢꓰꓼ ꓓꓴ ꓥꓳ꓿ ꓟꓵꓽ ꓚꓰꓺ ꓒꓳꓹ ꓔꓳꓹ ꓜꓴ ꓐꓴ ꓬꓲꓸ ꓪ ꓔꓯ ꓕꓽ ꓢꓯꓼ ꓖꓶ꓿
- ꓟꓬ-ꓟ ꓟꓯꓼ ꓐꓴ ꓕꓲ ꓠꓲꓹ ꓕꓲ ꓪ ꓬꓰ ꓠ ꓔꓸ ꓥ꓿ ꓧꓳꓹ ꓡꓯ ꓘꓳ ꓟꓬꓱꓽ ꓔꓯ ꓮ ꓘꓶꓸ ꓬꓰ꓿
- ꓢꓲꓻ ꓣꓴ ꓑꓮꓲ ꓬꓰ ꓖꓶ ꓝꓲꓸ ꓛꓲˍ ꓠꓬ ꓒꓬꓱꓼ ꓡ ꓗꓪ ꓛꓲ ꓟꓬ-ꓟ ꓟꓯꓼ ꓡꓰ ꓧꓳꓽ ꓣꓱꓽ ꓔꓺ ꓓꓴ ꓬꓰ꓿
ꓬꓲꓸ ꓪꓴꓸ ꓕꓲ ꓘꓶꓽ ꓠꓬ ꓠꓴꓖ/ꓠꓴꓚꓚ/ꓑꓓꓝ ꓐꓴ ꓔꓯ ꓟꓵꓽ ꓚꓰꓺ ꓡ ꓞꓳ ꓑꓳꓺ ꓔꓯꓹ ꓜꓴ ꓗꓪ ꓐꓰ ꓒꓯꓽ ꓩꓴ ꓢꓲꓸ ꓬꓲꓸ ꓧꓶꓽ ꓢꓰꓼ ꓠꓹ ꓟ꓾ ꓬꓲꓸ ꓪ ꓟꓽ ꓔꓺ ꓡꓰ ꓠꓹ ꓟ ꓟꓬ-ꓟ ꓟꓯꓼ ꓐꓴ ꓟꓳꓸ ꓙ ꓟꓬꓱꓽ ꓬꓰ ꓔꓬ ꓟ ꓟꓳꓸ ꓖꓶ ꓡ ꓡꓳ꓿
ꓠꓬꓲꓽ ꓘꓶꓽ ꓕꓲ ꓘꓶꓽ ꓠꓬ꓾ ꓟꓬ-ꓟ ꓟꓯꓼ ꓘꓴꓽ ꓗꓪ ꓐꓰ ꓓꓳ ꓡ ꓢꓲꓸ ꓑ ꓫꓬ ꓔꓯ ꓔꓺ ꓡ ꓢꓴ ꓟꓬꓽ ꓡ ꓔꓬ ꓠꓬꓲ꓾ ꓕꓱ ꓟ ꓔꓯ ꓗꓽ ꓔꓸ ꓠꓹ ꓟ ꓢꓯꓼ ꓕꓵꓼ ꓡ ꓔꓬ ꓡꓳ꓿
ꓬꓲꓸ ꓟꓶꓽ ꓕꓲ ꓘꓶꓽ ꓠꓬ ꓟꓬ-ꓟ ꓟꓯꓼ ꓡꓰ ꓬꓲꓸ ꓔꓯ ꓪꓽ ꓢꓴ꓾ ꓬꓲꓸ ꓝꓲ ꓓꓴ ꓐꓲ ꓬꓰ ꓡ ꓢꓴ ꓑ-ꓔꓲ ꓐꓴ ꓔꓯ ꓙꓵꓽ ꓪ ꓡꓯꓼ ꓙꓱ ꓠꓹ ꓟ ꓬꓲꓸ ꓚꓱꓹ ꓝꓰꓸ ꓢꓯꓼ ꓕꓵꓼ ꓔꓬꓳ꓾ ꓐꓯˍ ꓟ ꓒꓴ ꓒꓴ ꓡꓯꓽ ꓡꓯꓽ ꓟꓳꓸ ꓖꓶ ꓔꓬ ꓡꓳ꓿
